AIYF Coimbatore

07/10/2026

#தேர்தல்

26/08/2026

கல்லூரிகளில் மாணவர் பேரவைத் தேர்தலை நடத்தக்கோரி கோவையில் ஆர்ப்பாட்டம்

தமிழ்நாட்டில் கல்வித்துறை தீவிரமாக தனியார்மயமாக்கப்பட்டதற்குப் பின்னால் கல்லூரி, பல்கலைக்கழகங்களில் மாணவர் பேரவைத் தேர்தல்கள் படிப்படியாக நிறுத்தப்பட்டுவிட்டன. ஆசிரியர் பற்றாக்குறை, கட்டணக் கொள்ளை, அடிப்படை வசதிகள், பாலியல் வன்முறை, அராஜக போக்கு உள்ளிட்ட பல்வேறு பிரச்சினைகளுக்கு மாணவர்கள் தைரியமாக கேள்வி கேட்க முடியாமல் திணறி வருகின்றனர். தமிழ்நாட்டில் நாள்தோறும் 3 மாணவர்கள் தற்கொலை செய்துகொள்கின்றனர்.

மாணவர் உரிமையைப் பாதுகாக்கவும், மாணவர்களை சிறந்த குடிமகன்களாக உருவாக்கவும், கல்வி வளாகங்களை ஜனநாயகப்படுத்தவும் மாணவர் பேரவைத் தேர்தல்கள் நடத்தப்பட்டு, மாணவர் சங்கங்கள் உருவாக்கப்பட வேண்டும். மாணவர் அமைப்புகள் செயல்படுவதை அனுமதிக்க வேண்டும். ஆனால், தமிழ்நாடு அரசு கல்வி வளாகங்களுக்கு வெளியில் நடைபெறும் போராட்டங்களில் கூட மாணவர்கள், இளைஞர்கள் பங்கேற்பதை தடுக்கும் நடவடிக்கைகளில் ஈடுபடுகிறது.

இந்திய விடுதலைக்காகவும், விடுதலைக்குப் பின் உழைக்கும் மக்களின் விடுதலைக்காகவும் நாள்தோறும் போராடி வருகின்ற, அளப்பறிய தியாகங்கள் செய்துகொண்டிருக்கும் இடதுசாரிகளின் போராட்டத்திற்கு தமிழ்நாடு அரசே முட்டுக்கட்டை போடுவது ஏற்புடையதல்ல. மாணவர்கள், இளைஞர்களின் பேராதரவில் ஆட்சிக்கு வந்த தவெக, அவர்களின் போராடும் உரிமையைப் பறிப்பது கண்டிக்கத்தக்கதாகும். இது அரசியலமைப்புச் சட்டம் அங்கீகரித்திருக்கின்ற அடிப்படை உரிமைகளுக்கு எதிரானதாகும். இப்படிப்பட்ட சுற்றறிக்கைகளை வெளியிட்ட தலைமைச் செயலாளர், கல்லூரிக் கல்வி இணை இயக்குனர் ஆகியோர் மீது கடும் நடவடிக்கை எடுக்க வேண்டும்.

மேலும், தமிழ்நாட்டில் கல்லூரி, பல்கலைக்கழகங்களில் மாணவர் பேரவைத் தேர்தலை நடத்த நடவடிக்கை எடுக்க வேண்டும் என வலியுறுத்தி அனைத்திந்திய மாணவர் பெருமன்றம் (AISF), அனைத்திந்திய இளைஞர் பெருமன்றம் (AIYF) சார்பில் இன்று (24.08.2026) தமிழ்நாடு முழுவதும் ஆர்ப்பாட்டம் நடைபெறுகிறது.

அதன் ஒரு பகுதியாக, கோவை மாவட்ட ஆட்சியர் அலுவலகம் அருகே நடைபெற்ற ஆர்ப்பாட்டத்திற்கு இளைஞர் பெருமன்ற மாவட்டத் தலைவர் எம்.அபிமன் தலைமை தாங்கினார். மாணவர் பெருமன்ற மாவட்டச் செயலாளர் மு.பிரசாந்த் துவக்கி வைத்தார். இளைஞர் பெருமன்ற முன்னாள் மாவட்டச் செயலாளர் வே.வசந்தகுமார், மாவட்டத் துணைத் தலைவர் எம்.மணிகண்டன், ரோகித்குமார் ஆகியோர் உரையாற்றினர். இளைஞர் பெருமன்ற மாவட்டச் செயலாளர் மௌ.குணசேகர், மாணவர் பெருமன்ற மாநிலக்குழு உறுப்பினர் ஷிர்பத் நிஷா, நிர்வாகிகள் என்.கணேசமூர்த்தி, ஆர்.ஹரிஹரசுதன், சுபஸ்ரீ, அபிநவ் உள்ளிட்டோர் கலந்துகொண்டனர்.

22/08/2026

#மாணவர் #தேர்தல் #கல்லூரி

01/06/2026

பெட்ரோல், டீசல் விலை உயர்வுக்கு எதிராக அனைத்திந்திய இளைஞர் பெருமன்றம் கோவை மேற்கு மண்ட்லம் சார்பில்
கரப்பான்பூச்சிகளின் இருசக்கர வாகனங்களை ஏலம் விடும் நூதனப் போராட்டம் கோவை காந்தி பார்க் ரவுண்டானா அருகில் நடைபெற்றது.

#பெட்ரோல் #கோவை

03/04/2026

24/03/2026

மாவீரர்கள் பகத்சிங், ராஜகுரு, சுகதேவ் அவர்களின் 95வது நினைவு தினத்தை முன்னிட்டும், மறைந்த AIYF மாவட்டத் தலைவர் வே.கௌதம்குமார் அவர்களின் முதலாம் ஆண்டு நினைவு தினத்தை முன்னிட்டும் நேற்று கோவையில் பல்வேறு இடங்களில் அஞ்சலி செலுத்தும் நிகழ்ச்சி நடைபெற்றது.

#பகத்சிங் #கோவை

24/02/2026

முத்தண்ணன்குளக் கரையில் டர்ப் விளையாட்டு மைதானத்தை தனியாருக்கு கொடுக்கும் முடிவைத் திரும்பப் பெறக்கோரி அனைத்திந்திய இளைஞர் பெருமன்றத்தின் கோவை மாவட்டக் குழுவின் சார்பில் நேற்று 23.02.2026 கோவை மாவட்ட ஆட்சியரிடத்தில் மனு அளித்திருந்தோம். இதன் செய்தி தினந்த்தந்தி, தினகரன், தினமணி ஆகிய நாளேடுகளில் வெளியாகி இருக்கிறது.

#கோவை #விளையாட்டு

23/02/2026

டர்ப் விளையாட்டு மைதானத்தை தனியாருக்கு கொடுக்கும் முடிவைத் திரும்பப் பெறாவிட்டால் கட்டணம் செலுத்தாமல் விளையாடும் போராட்டத்தை நடத்துவோம்!

கோவை மாவட்ட ஆட்சியரிடத்தில் AIYF மனு!

கோவை மாவட்டம் மேற்கு மண்டலத்திற்குட்பட்ட முத்தண்ணன் குளக் கரையில் கோவை மாநகராட்சி நிர்வாகத்தால் டர்ப் விளையாட்டு மைதானம் புதிதாக கட்டப்பட்டுள்ளது. இதை நிர்வகிப்பதற்கு தனியாரிடம் ஒப்படைப்பதென கடந்த 11.02.2026 அன்று நடைபெற்ற மாநகராட்சி கூட்டத்தில் முடிவெடுக்கப்பட்டுள்ளது. இந்தியக் கம்யூனிஸ்ட் கட்சியின் மாமன்ற குழுத் தலைவர் தோழர் சாந்தி சந்திரன் இதற்கு கடும் ஆட்சேபனை தெரிவித்து இருந்தார்.

கோவை மாவட்டம் வேகமாக நகரமயமாகி வருகிறது. தொழில், கல்வி மற்றும் மருத்துவத்துறைகளில் தமிழ்நாட்டில் ஒரு முக்கிய மையமாக திகழ்கிறது. வெளி மாவட்டத்தினர், வெளி மாநிலத்தவர்கள் கோவையில் குடிபெயர்வது அதிகமாகி வருகிறது. இதன் தொடர்ச்சியாக, குடியிருப்புகள், வணிக நிறுவனங்கள் உள்ளிட்டவை பெருகுவதால் விளையாட்டு மைதானங்கள் குறைந்து வருகிறது. மேலும், ஏற்கனவே இருக்கும் மைதானங்களும் சுருக்கப்பட்டு வருகின்றன.

கோவையின் பிரதான மைதானங்களான சாஸ்திரி மைதானம், வ.உசி. மைதானம் போன்றவைகள் பொருட்காட்சி, கண்காட்சி உள்ளிட்ட பல்வேறு நிகழ்ச்சிகளுக்கு பயன்படுத்தப்படுவதால் இளைஞர்கள், மாணவர்கள் விளையாடுவதற்கு மைதானம் கிடைக்காமல் திண்டாடி வருகின்றனர். கட்டணம் செலுத்தி பயன்படுத்தப்படும் தனியார் டர்ப் மைதானங்கள் பெருகி வருகின்றன. ஒரு மணி நேரத்திற்கு ரூ.1000க்கு மேல் பணம் கொடுத்துதான் விளையாட முடியும் என்ற நிலை உருவாகி வருகிறது.

இந்நிலையில், முத்தண்ணன்குளக் கரையில் மாநகராட்சியால் கட்டப்பட்டுள்ள டர்ப் விளையாட்டு மைதானத்தை தனியாரிடம் ஒப்படைக்கும் முடிவு, இளைஞர்களின் விளையாடும் வாய்ப்பை, ஆர்வத்தை பெருமளவில் குறைத்துவிடும். இம்முடிவு மக்கள் மத்தியில் பெரும் அதிருப்தியை ஏற்படுத்தி இருக்கிறது.

போதைப்பொருள், செல்போன் போன்றவற்றிற்கு அடிமையாகி, சீரழிந்து வரும் இளைஞர் சமுதாயத்தை மீட்பதற்கு "விளையாட்டு" மிகச்சிறந்த ஆயுதமாகும். விளையாட்டு வணிகப்பொருள் அல்ல; இது அனைவரின் உரிமை.

எனவே,
1. முத்தண்ணன் குளக்கரையில் டர்ப் மைதானத்தை தனியாருக்கு கொடுக்கும் கோவை மாநகராட்சியின் முடிவை திரும்பப் பெற வேண்டும். மாநகராட்சியே நிர்வகிக்க வேண்டும்.
2. மாநகராட்சியின் 100 வார்டுகளிலும் கட்டணமில்லா மைதானங்களை உருவாக்க அரசு நடவடிக்கை எடுக்க வேண்டும்.

மேற்கண்ட கோரிக்கைகளை நிறைவேற்றித் தர வேண்டுமாய் மாவட்ட ஆட்சியரிடத்தில் அனைத்திந்திய இளைஞர் பெருமன்றத்தின் கோவை மாவட்டக்குழுவின் சார்பில் மனு அளித்தோம்.

மேலும், மாநகராட்சி நிர்வாகம் இம்முடிவை திரும்பப்பெறாவிட்டால், "டர்ப் மைதானத்தில் கட்டணம் செலுத்தாமல் விளையாடும் போராட்டத்தை அனைத்திந்திய இளைஞர் பெருமன்றம் ( ) அவசியம் நடத்தும்" என்பதையும் தெரிவித்தோம்.

அனைத்திந்திய இளைஞர் பெருமன்றம்
All India Youth Federation
கோவை மாவட்டக்குழு

#கோவை #விளையாட்டு