28/06/2023
Taithu Foundation Ministry hi eila hmel hriet no el theia, an tran dan le hi rawngbawlna in a thil tum Pathien ropui na ding choin hung tarlang ei tih
Hi rawngbawlna hi December 2017 a in tran anih,vawisun Chen a hi rawngbawlna alo fe pei hi Lalpan ropui na Chang raw seh
Hi rawngbawlna hin Kohran tieng a k**k nawh a, Taithu khuo a pieng taphawt hai Thlarau le Taksa ah eiin chen naw nahai a hin iengtin am rawngbawl thlang ei ta ti hi a thiltum pawimaw tak anih
Taithu khuo suok seng2 ei harsat na hai le ei ngirhmun in chen naw na I ngaituo hlak am? Mithren khat Chu Pathien dit dan a nun hmang an tum a, an hmang mek laiin a thren chun Setan dit danin nun an la hmang mek a, Taksa khawsak na ah khawm a thren chun naupang admission le tuition fee hai ah an la buoi laiin a thren Chu Building thra lem buipui in an lo buoia, a thren lem chu khawpui lema plot thra le building thra lem dam ngaituo in eilo buoi mek bawk a, chuleiin Upa haiin khawpin tram a hriet nawh an ti hai ang ni lovin eilo khop deu khawmin tram an la um tawl ani tihi hang ngaituo inla num ava um de,Thuvarhai b**g 22:2 Mi hausa le mi pasie chu anin tuoka,an renga Anni siemtu chu Lalpa anih, Vawisun a Pathien hmangaina la hrie naw hai khawm Lalpa siem tho anih, Taksa le Thlaraua pasie hai khawm Lalpa siem tho anni, Khahma le tuta chen hin Lalpan Kohran threnkhat hai fethlengin ramdang a in thawk thrangpui nahai eilo dawng a, a thren lem chu inhawitaka fak zawng theina dam eilo chang phaa lawm aum hle, sienkhawm tuhin chu ramdang sum thrangpuina khawm a hung harsa tah peia, Lalpan eini le eini in thrangpui tou thei a ami ngai tah leikhawm ani el thei ,ngaituong ei tiu, Mihai fethlenga Pathien malsawmna ei dawng haihi eini fe thlengin mihai malsawmna an dawng na dinga Pathien in ami sie anta el thei anih
Thlarau le Taksa a harsatna tuok hai kuoma rawngbawlna hi, Taithu foundation ministry hin a thiltum lientak anih, chuleiin unau hi rawngbawlnaa ding hin Lalpan lungril thar a pek che chun ,I harsat na in en loin Lalpa thu ngai lem roh, Zarefath khuoa hmeithainu khawm kha Pathien thu angin a neisun beiphit veikhat cho le sahriek thlawmti kha Pathien mi Elizah ta dinga an hlan phal khan, Lalpan a um naw a in thawkin khuo inthral leia tram suonga ding a pek ani kha, Lalpan ropui na chang rawseh
Lalrama in rawngbawl pui Taithu Foundation Ministry aiah
Lalchellien
Ph no:7085520103
Date Taithu 1-02-2023
