Cherthala Municipality

03/10/2026

നാളെ (ഞായർ) രാവിലെ 9 മുതൽ ഗേൾസ് ഹൈസ്‌കൂളിൽ

02/10/2026

Under the banner of "Ek Ped Maa Ke Naam" as part of the nationwide Swachhata Hi Seva 2026 campaign, Cherthala Municipality organized a meaningful tree plantation drive at the Anatharaveli Harithodyanam. Deeply rooted in the spirit of environmental reverence and sustainability, the initiative saw municipal officials, green volunteers, and local community members come together to plant a wide variety of saplings across the green park premises. By dedicating each sapling as a living tribute to motherhood and mother nature, the event seamlessly blended ecological conservation with civic pride.

ULB Code - 803298
ULB Name - Cherthala Municipality





#കൈയോട്_കൈ

02/10/2026

ശുചിമുറി മാലിന്യ സംസ്‌കരണ ശാലയിൽ സദ്യ ഒരുക്കി ചേർത്തല നഗരസഭ : ചേർത്തല നഗരസഭയും പഞ്ചായത്തും ചേർന്ന് ഹരിതോദ്യാനത്തിൽ ‘ജനസഭ’ സംഘടിപ്പിച്ചു

ചേർത്തല: ഗാന്ധിജയന്തി ദിനത്തോടനുബന്ധിച്ച് കേന്ദ്ര സർക്കാരിന്റെ 'സ്വച്ഛതാ ഹി സേവ 2026' ക്യാമ്പയിന്റെയും സംസ്ഥാന സർക്കാരിന്റെ 'കൈയ്യോട് കൈ' ക്യാമ്പയിന്റെയും ഭാഗമായി ചേർത്തല നഗരസഭയുടെ നേതൃത്വത്തിൽ ആനത്തറവെളി ഹരിതോദ്യാനത്തിൽ വിപുലമായ 'ജനസഭ' സംഘടിപ്പിച്ചു. പരിപാടിയുടെ ഉദ്ഘാടനം ചേർത്തല എം.എൽ.എ. പി. പ്രസാദ് നിർവഹിച്ചു. പരിപാടികൾക്ക് ശേഷം നഗരസഭയിലെയും പഞ്ചായത്തിലെയും ജനപ്രതിനിധികളും ഉദ്യോഗസ്ഥരും ഒരുമിച്ച് മാലിന്യ സംസ്കരണ പ്ലാൻ്റിൽ ഇരുന്ന് സദ്യയും കഴിച്ചു. പ്ലാന്റിനെ കുറിച്ച് ജനങ്ങൾക്കിടയിൽ പരന്നിട്ടുള്ള തെറ്റിദ്ധാരണകൾ നീക്കുന്നതിനാണ് ഈ നടപടിയെന്ന് സംഘാടകർ വിശദീകരിച്ചു.

ശാസ്ത്രീയമായ ശുചിത്വ-മാലിന്യ സംസ്കരണത്തിന്റെ ആവശ്യകത, ആധുനിക മാലിന്യ സംസ്കരണ പ്ലാന്റുകളുടെ പ്രാധാന്യം എന്നിവ ജനപ്രതിനിധികൾക്കും പൊതുജനങ്ങൾക്കും ബോധ്യപ്പെടുത്തുന്നതിനും, കേന്ദ്ര സർക്കാർ പുതുതായി ആവിഷ്കരിച്ച ഖരമാലിന്യ പരിപാലന ചട്ടം - 2026 പരിചയപ്പെടുത്തുന്നതിനുമായാണ് ജനസഭ ചേർന്നത്. ചേർത്തല നഗരസഭയിലെ കൗൺസിലർമാരും സമീപ തദ്ദേശ സ്ഥാപനമായ തണ്ണീർമുക്കം ഗ്രാമപഞ്ചായത്തിലെ ഭരണസമിതി അംഗങ്ങളും, മറ്റു സാമൂഹിക-രാഷ്ട്രീയ-സാംസ്കാരിക പ്രവർത്തകരും ഒത്തുചേർന്നത് പരിപാടിയെ ശ്രദ്ധേയമാക്കി.

ചേർത്തല നഗരസഭാ ചെയർപേഴ്സൺ എസ്. സോബിൻ അധ്യക്ഷത വഹിച്ച ചടങ്ങിന് നഗരസഭാ ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സൺ എസ്. സനീഷ് സ്വാഗതം ആശംസിച്ചു. ചടങ്ങിൽ നഗരസഭാ ഡെപ്യൂട്ടി ചെയർപേഴ്സൺ എൻ. എൽ. വത്സലകുമാരി ചേർത്തല നഗരസഭയെ മാലിന്യ മുക്തവും ചേലൊത്തതുമാക്കാൻ പരിശ്രമിക്കുന്ന മുന്നണി പോരാളികളായ അനൗദ്യോഗിക മാലിന്യ ശേഖരർക്ക് ഉപഹാര സമർപ്പണം നടത്തി. ശുചിമുറി മാലിന്യ പ്ലാൻ്റിനായി ആദ്യകാല നടപടികൾ സ്വീകരിച്ച മുൻ ചെയർപേഴ്സൺ വി.ടി. ജോസഫിനെ എംഎൽഎ ആദരിച്ചു.

ആലപ്പുഴ ജില്ലാ പഞ്ചായത്ത് അംഗം വിജയശ്രീ സുനിൽ, കഞ്ഞിക്കുഴി ബ്ലോക്ക് പഞ്ചായത്ത് അംഗം ഉദേഷ് യു. കൈമൾ, ചേർത്തല നഗരസഭാ വാർഡ് കൗൺസിലർമാരായ അഡ്വ. പി. ഉണ്ണികൃഷ്ണൻ, വി. എ. സുരേഷ് കുമാർ, തണ്ണീർമുക്കം പഞ്ചായത്ത് വാർഡ് മെമ്പർ മിനുമോൾ എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു.

ചടങ്ങിൽ കേരള സർക്കാരിൻറെ നിർമ്മലം - പുതുയുഗ ശുചിത്വകേരളം പരിപാടിയുടെ സംസ്ഥാനതല ഉദ്ഘാടനത്തിൻ്റെ ലൈവ് സ്ട്രീമിങ്ങും നടത്തി.

തുടർന്ന് ചേർത്തല നഗരസഭാ സെക്രട്ടറി ടി. കെ. സുജിത് കേന്ദ്ര സർക്കാരിന്റെ 'ഖരമാലിന്യ പരിപാലന ചട്ടം - 2026' വിശദീകരിച്ചു. ക്ലീൻ സിറ്റി മാനേജർ പി. സന്ദേശ് ആനതറവെളി ഹരിതോദ്യാനത്തിൽ നടക്കുന്ന ശുചിത്വ പ്രവർത്തനങ്ങളുടെ അവതരണം നടത്തുകയും ചടങ്ങിന് കൃതജ്ഞത രേഖപ്പെടുത്തുകയും ചെയ്തു.

ചടങ്ങിൽ നഗരസഭാ ജീവനക്കാർ, ശുചിത്വ മിഷൻ പ്രതിനിധികൾ, ഹരിത കർമ്മ സേന അംഗങ്ങൾ, നഗരസഭാ ശുചീകരണ തൊഴിലാളികൾ, എഫ്.എസ്.ടി.പി ജീവനക്കാർ തുടങ്ങിയവർ, സെപ്റ്റേജ് ശേഖരണ വന ഉടമകൾ, തൊഴിലാളികൾ മുതലായവർ പങ്കെടുത്തു.

ULB Code - 803298
ULB Name - Cherthala Municipality





#കൈയോട്_കൈ

01/10/2026

CHERTHALA MUNICIPALITY

SWACHHATA HI SEVA 2026

EK DIN EK GHANTA EK SAATH - MEGA CLEANING DRIVE

ചേർത്തല നഗരസഭയുടെ നേതൃത്വത്തിൽ സ്വച്ഛതാ ഹി സേവ 2026, കൈയ്യോട് കൈ എന്നീ ക്യാമ്പയിനുകളുടെ ഭാഗമായി, Ek Din Ek Ghanta Ek Saath മെഗാ ക്ലീനിങ് ഡ്രൈവ് സംഘടിപ്പിച്ചു. ചേർത്തല മുനിസിപ്പൽ പ്രൈവറ്റ് ബസ് സ്റ്റാൻഡിൽ സംഘടിപ്പിച്ച ക്ലീനിങ് ഡ്രൈവ് ചേർത്തല നഗരസഭാ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീ. എസ് സനീഷ് ഉദ്ഘാടനം ചെയ്തു. ചേർത്തല നഗരസഭാ ആരോഗ്യ സ്റ്റാന്റിംഗ് കമ്മിറ്റി അംഗം ശ്രീമതി റഷീദ അധ്യക്ഷത വഹിച്ച ചടങ്ങിന് സീനിയർ പബ്ലിക് ഹെൽത്ത് ഇൻസ്പെക്ടർ ശ്രീമതി ദിവ്യ എസ് ദിനകരൻ സ്വാഗതവും, ജൂനിയർ പബ്ലിക് ഹെൽത്ത് ഇൻസ്പെക്ടർ ശ്രീമതി ജാൻസിമോൾ വി നന്ദിയും രേഖപ്പെടുത്തി. ചടങ്ങിൽ നഗരസഭാ ഡെപ്യൂട്ടി ചെയർപേഴ്സൺ ശ്രീമതി. N L വത്സലകുമാരി മുഖ്യ പ്രഭാഷണം നടത്തി. ചടങ്ങിൽ മറ്റു സ്റ്റാന്റിംഗ് കമ്മിറ്റി ചെയർപേഴ്സൺമാർ, വാർഡ് കൗൺസിലർമാർ, ക്ലീൻ സിറ്റി മാനേജർ, നഗരസഭാ ആരോഗ്യ വിഭാഗം ജീവനക്കാർ, ശുചീകരണ തൊഴിലാളികൾ, ഹരിത കർമ്മ സേന അംഗങ്ങൾ, മറ്റ് സാമൂഹിക സാംസ്കാരിക രാഷ്ട്രീയ പ്രവർത്തകർ തുടങ്ങിയവർ പങ്കെടുത്തു.

ULB Code - 803298
ULB Name - Cherthala Municipality





#കൈയോട്_കൈ

30/09/2026

27/09/2026

ആലപ്പുഴയിൽ ടൂറിനായി എത്തുന്നവരുടെ ശ്രദ്ധയ്ക്ക് :
ഹൗസ് ബോട്ടുകളുടെ ശല്യം ഇല്ലാതെ ഉൾനാടൻ ജലാശയ ഭംഗി ആസ്വദിക്കാൻ ഇനിമുതൽ ചേർത്തലയിലേക്ക് വരിക...

ഈ ചിത്രങ്ങൾ ഭാഗികമാണ്. ഇതിൻറെ നൂറിരട്ടി ഭംഗി ഇനിയും ക്യാമറകണ്ണുകളിൽ ഒപ്പിയെടുക്കാൻ ചേലൊത്ത ചേർത്തലയിൽ വിശാലമായി കിടക്കുന്നതേയുള്ളൂ...

ചേർത്തല ടി ബി കനാൽ,
കുറിയമുട്ടം കായൽ,
നെടുമ്പ്രക്കാട് വിളക്കുമരം,
മണികണ്ഠനാറ്,
ത്രിവേണി സംഗമം,
ചെങ്ങണ്ട കായൽ,
വയലാർ കായൽ,
കൈതപ്പുഴ കായൽ,
കാക്കത്തുരുത്ത്,
കുത്തിയ തോട്,
അന്ധകാരനഴി,
പെരുമ്പളം .....
ഇങ്ങനെ മനോഹരമായ കായലുകളും ജലാശയങ്ങളും അതിരിടുന്ന ചേർത്തല നഗരസഭയും സമീപ പഞ്ചായത്തുകളും ആലപ്പുഴ ടൂറിസം സർക്യൂട്ടിന്റെ ഭാഗമായി ഉടൻ തന്നെ മാറും.

നിങ്ങളെ ഏവരെയും ചേർത്തലയിലേക്ക് സ്വാഗതം ചെയ്യുന്നു
🥰🥰🥰🙏

(മൂന്ന് വർഷം മുൻപ് ഇത് സംബന്ധിച്ച് പ്രസിദ്ധീകരിച്ച മറ്റൊരു പോസ്റ്റ് കമൻ്റിൽ കാണാം)

27/09/2026

ചേർത്തല നഗരസഭയുടെ നേതൃത്വത്തിൽ സ്വച്ഛതാ ഹി സേവ 2026 ക്യാമ്പയിന്റെ ഭാഗമായി, ചേർത്തല TB Park Mega Cleaning Drive സംഘടിപ്പിച്ചു. ലോക വിനോദസഞ്ചാര ദിനത്തോടനുബന്ധിച്ച് സംഘടിപ്പിച്ച ക്ലീനിങ് ഡ്രൈവ് ചേർത്തല നഗരസഭാ ഡെപ്യൂട്ടി ചെയർപേഴ്സൺ ശ്രീമതി. N L വത്സലകുമാരി ഉൽഘാടനം ചെയ്തു. നഗരസഭാ ക്ലീൻ സിറ്റി മാനേജർ ശ്രീ. സന്ദേശ് പി. അധ്യക്ഷത വഹിച്ച ചടങ്ങിൽ നഗരസഭാ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീ. എസ് സനീഷ് സ്വാഗതവും, സീനിയർ പബ്ലിക് ഹെൽത്ത് ഇൻസ്പെക്ടർ ശ്രീ. അനിൽകുമാർ ടി ആർ നന്ദിയും രേഖപെടുത്തി. ചടങ്ങിൽ നഗരസഭാ ആരോഗ്യ വിഭാഗം ജീവനക്കാർ, ശുചീകരണ തൊഴിലാളികൾ, ഹരിത കർമ്മ സേന അംഗങ്ങൾ, മറ്റ് സാമൂഹിക സാംസ്കാരിക രാഷ്ട്രീയ പ്രവർത്തകർ തുടങ്ങിയവർ പങ്കെടുത്തു.

ULB Code - 803298
ULB Name - Cherthala Municipality





#കൈയോട്_കൈ

27/09/2026

ഓപ്പറേഷൻ തൂഫാൻ രണ്ടാം ഘട്ടം സംസ്ഥാനതല ഉത്ഘാടനം തിങ്കളാഴ്ച മലപ്പുറത്തെ വേങ്ങരയിൽ നടക്കും. ഈ പരിപാടിയുടെ നഗരസഭാതല ഉത്ഘാടനം 28/09/2026 തിങ്കളാഴ്ച്ച രാവിലെ 10.30-ന് നഗരസഭാ അങ്കണത്തിൽ വെച്ച് ബഹു. നഗരസഭാ ചെയർപേഴ്സൺ ശ്രീ. എസ്. സോബിൻ പതാക ഉയർത്തലോടുകൂടി നിർവഹിക്കും. തുടർന്ന് ലഹരി വിരുദ്ധ പ്രതിജ്ഞ നടക്കും. അതിന് ശേഷം സംസ്ഥാനതല പരിപാടികളുടെ ലൈവ് സ്ട്രീമിംഗ് ഉണ്ടായിരിക്കുന്നതാണ്.

25/09/2026

*വിദ്യാർഥികൾക്കായി പോക്സോ നിയമ ബോധവൽക്കരണ ക്ലാസ് നടത്തി*

ചേർത്തല: കുട്ടികൾക്കെതിരായ ലൈംഗികാതിക്രമങ്ങൾ തടയുന്നതിനുള്ള പോക്സോ നിയമത്തെക്കുറിച്ച് വിദ്യാർഥികളിൽ അവബോധം വളർത്തുന്നതിനായി ചേർത്തല നഗരസഭ ബോധവൽക്കരണ ക്ലാസുകൾ സംഘടിപ്പിച്ചു. നഗരസഭാ ചൈൽഡ് പ്രൊട്ടക്ഷൻ കമ്മിറ്റിയുടെ തീരുമാനപ്രകാരം വാർഷിക പദ്ധതിയിലെ ‘ബാലമിത്രം–ബാലസൗഹൃദം’ പദ്ധതിയിൽ ഉൾപ്പെടുത്തിയാണ് പരിപാടി നടത്തിയത്.

സെപ്റ്റംബർ 23-ന് ചേർത്തല ഗവ. ബോയ്സ് ഹയർ സെക്കൻഡറി സ്കൂളിലെ ഹയർ സെക്കൻഡറി വിദ്യാർഥികൾക്കും ഗവ. ഗേൾസ് ഹയർ സെക്കൻഡറി സ്കൂളിലെ പത്താം ക്ലാസിലെ എല്ലാ ഡിവിഷനുകളിലുമുള്ള വിദ്യാർഥികൾക്കുമായാണ് ക്ലാസുകൾ സംഘടിപ്പിച്ചത്.

ഗവ. ബോയ്സ് ഹയർ സെക്കൻഡറി സ്കൂളിൽ രാവിലെ 11.30-ന് നടന്ന പരിപാടി നഗരസഭാ വൈസ് ചെയർപേഴ്സൺ എൻ. എൽ. വത്സലകുമാരി ഉദ്ഘാടനം ചെയ്തു. പന്ത്രണ്ടാം വാർഡ് കൗൺസിലർ ജ്യോതിഷ് അധ്യക്ഷത വഹിച്ചു.

ഉച്ചയ്ക്ക് രണ്ടിന് ഗവ. ഗേൾസ് ഹയർ സെക്കൻഡറി സ്കൂളിൽ നടന്ന പരിപാടി വൈസ് ചെയർപേഴ്സൺ എൻ. എൽ. വത്സലകുമാരി ഉദ്ഘാടനം ചെയ്തു. നഗരസഭാ ക്ഷേമകാര്യ സ്ഥിരം സമിതി ചെയർപേഴ്സൺ ബീന അജി അധ്യക്ഷത വഹിച്ചു.

ആലപ്പുഴ കോടതിയിലെ അഭിഭാഷകയും വനിതാ ശിശുവികസന വകുപ്പിന്റെ സർവീസ് പ്രൊവൈഡിങ് സെന്റർ ലീഗൽ അഡ്വൈസറുമായ രേഷ്മ കെ. കുമാർ ക്ലാസുകൾ നയിച്ചു. പോക്സോ നിയമത്തിലെ പ്രധാന വ്യവസ്ഥകൾ, കുട്ടികളുടെ അവകാശങ്ങൾ, അതിക്രമങ്ങൾ തിരിച്ചറിയേണ്ട വിധം, സുരക്ഷ ഉറപ്പാക്കുന്നതിനുള്ള നടപടികൾ, പരാതി അറിയിക്കേണ്ട സംവിധാനങ്ങൾ എന്നിവ ക്ലാസിൽ വിശദീകരിച്ചു.

ബാലമിത്രം പദ്ധതിയുടെ നിർവഹണ ഉദ്യോഗസ്ഥയും ഐ.സി.ഡി.എസ്. സൂപ്പർവൈസറുമായ ലക്ഷ്മി ജെ., സീനിയർ എച്ച്.എസ്.എസ്.ടി. ബിജുമോൻ ജോർജ്, സൗഹൃദ കോർഡിനേറ്റർ വാണിദേവി വി.വി., ഗവ. ഗേൾസ് ഹയർ സെക്കൻഡറി സ്കൂൾ പ്രധാനാധ്യാപിക സന്ധ്യ, നഗരസഭാ ജാഗ്രതാ സമിതി സി.ഡബ്ല്യു.എഫ്. ആഗ്നൽ റോസ്, സ്കൂൾ കൗൺസിലർമാരായ സരിത ബി. നായർ, ഷിമ്മി എന്നിവർ പരിപാടിക്ക് നേതൃത്വം നൽകി.