24/03/2026
பாளையங்கோட்டையா? திருச்சி கிழக்கா? - கே.ஏ.எம். முஹம்மது அபூபக்கருக்கு திமுகவின் 'கிரீன் சிக்னல்'!
வருகின்ற சட்டமன்றத் தேர்தலில், இந்திய யூனியன் முஸ்லிம் லீக் கட்சியின் மாநில பொதுச்செயலாளர் கே.ஏ.எம். முஹம்மது அபூபக்கர் அவர்கள் போட்டியிட திமுக கூட்டணியில் தொகுதிப் பங்கீடு குறித்த பேச்சுவார்த்தைகள் தீவிரமடைந்துள்ளன.
மாநில பொதுச்செயலாளர் என்ற முக்கிய அந்தஸ்தில் அவர் இருப்பதால், அவருக்கு செல்வாக்குமிக்க ஒரு தொகுதியை ஒதுக்க திமுக முடிவு செய்துள்ளது. அதன்படி, திருநெல்வேலியின் கோட்டையான 'பாளையங்கோட்டை' அல்லது திருச்சியின் மையப்பகுதியான 'திருச்சி (கிழக்கு)' ஆகிய இரண்டில் ஒன்றை அவருக்கு ஒதுக்க வாய்ப்புள்ளதாக அரசியல் வட்டாரங்கள் தெரிவிக்கின்றன.
இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
