10/06/2026
தமிழ்த் திரையுலகின் சகாப்தம் 'இயக்குநர் இமயம்' பாரதிராஜா அவர்களுக்கு ஆழ்ந்த இரங்கல்!
தமிழ் சினிமாவின் போக்கையே மாற்றி எழுதிய மாபெரும் கலைப் பொக்கிஷம், நம் இதயங்களில் நீங்கா இடம்பிடித்த இயக்குநர் பாரதிராஜா அவர்கள் நம்மை விட்டுப் பிரிந்தார் என்ற செய்தி பெரும் அதிர்ச்சியை ஏற்படுத்தியுள்ளது.ஏதோ ஒரு திசையில் பயணித்துக் கொண்டிருந்த தமிழ்த் திரையுலகை, கிராமத்து மண்ணின் எதார்த்தப் பக்கங்களுக்கு மடைமாற்றிவிட்ட பெருமை இவரையே சாரும். வெறும் பொழுதுபோக்குக் கருவியாக இருந்த சினிமாவை, மண்ணின் மனிதர்களின் உணர்ச்சிப்பூர்வமான காவியமாக மாற்றிக் காட்டினார்.
அவர் செதுக்கிய '16 வயதினிலே', 'முதல் மரியாதை', 'கிழக்கே போகும் ரயில்' போன்ற காவியங்கள், தமிழ் சினிமா வரலாற்றில் காலத்தால் அழியாத மைல்கற்கள். மண் வாசனை மாறாத கதைகளாலும், காதுகளில் தேனாகப் பாய்ந்த பாடல்களாலும் தலைமுறைகளைக் கடந்தும் நம்மை ரசிக்க வைத்தவர்.அவரது மறைவு கலை உலகிற்கு ஒரு பேரிழப்பு மாத்திரமல்ல, ஒட்டுமொத்த தமிழ் சமூகம் தங்களுக்குள் வாழ்ந்த ஒரு உன்னதக் கலைஞனை இழந்த துயரமாகும்.அவரது மறைவால் வாடும் குடும்பத்தினருக்கும், கலை உலகினருக்கும், உலகெங்கிலும் உள்ள சினிமா ரசிகர்களுக்கும் எனது ஆழ்ந்த இரங்கலை உரித்தாக்குகிறேன்.
"என் இனிய தமிழ் மக்களே..." என்று அவர் உதிர்த்த அந்த அன்பான குரல் எப்போதுமே நமது இதயங்களில் ஒலித்துக் கொண்டே இருக்கும்!
#ஆழ்ந்தஇரங்கல் #பாரதிராஜா #கலைஉலகம்
