21/09/2022
പനിക്ക് പാരസെറ്റമോൾ പോലുമില്ല... ബിജെപി സമരം ചെങ്ങന്നൂർ ജില്ലാ ആശുപത്രിയിൽ.
ചെങ്ങന്നൂർ: ജില്ലാ ആശുപത്രിയിലെ മരുന്ന് ക്ഷാമത്തിന് ഉടൻ പരിഹാരം കാണണമെന്ന് ആവശ്യപ്പെട്ട് ബിജെപി മണ്ഡലം കമ്മിറ്റിയുടെ ആഭിമുഖ്യത്തിൽ ജില്ലാ ആശുപത്രിയിൽ പ്രതിഷേധ സമരം നടത്തി. പനിക്ക് പോലും പാരസെറ്റമോൾ ഇല്ല. ശിശുരോഗങ്ങൾക്കുള്ള മരുന്നുകൾ പോലും വിലകൊടുത്ത് പുറത്തു നിന്ന് വാങ്ങേണ്ട ഗതികേടിലാണ്.
നൂറ് കണക്കിന് രോഗികൾ ഒപി വിഭാഗത്തിൽ നിത്യേന ചികിത്സതേടിയെത്തുന്ന ജില്ലാ ആശുപത്രിയിൽ മരുന്ന് ക്ഷാമം പരിഹരിക്കാൻ അടിയന്തര നടപടി വേണമെന്ന് ആവശ്യപ്പെട്ടാണ്
സമരം സംഘടിപ്പിച്ചത്.
ബിജെപി മണ്ഡലം പ്രസിഡൻ്റ് പ്രമോദ് കാരയ്ക്കാട് ഉദ്ഘാടനം ചെയ്തു. മണ്ഡലം ജന:സെക്രട്ടറി അനീഷ് മുളക്കുഴ അദ്ധ്യക്ഷനായി.
വൈസ് പ്രസിഡൻ്റ് ബി. ജയകുമാർ മുഖ്യപ്രഭാഷണം നടത്തി. ട്രഷറാർ എസ്. വി പ്രസാദ്, നഗരസഭ കൗൺസിലർമാരായ മനു കൃഷ്ണൻ, ശ്രീദേവി ബാലകൃഷ്ണൻ, എസ്. സുധാമണി, ആതിര ഗോപൻ,
മഹിളാ മോർച്ച ജില്ലാ സെക്രട്ടറി സുഷമ ശ്രീകുമാർ, യുവമോർച്ച മണ്ഡലം പ്രസിഡൻ്റ് വിശാൽ പാണ്ടനാട്, ശരത്ത് ശ്യാം, മധുകുമാർ, ഗീതകുമാരി തുടങ്ങിയവർ പങ്കെടുത്തു.
.
