25/02/2026
വരുംതലമുറയിൽ ജനാധിപത്യ മൂല്യങ്ങളും മതനിരപേക്ഷ ചിന്താഗതിയും വളർത്തിയെടുക്കുന്നതിൽ ജവഹർ ബാൽ മഞ്ച് (JBM) വലിയ പങ്ക് വഹിക്കുന്നുണ്ടെന്ന് ഡിസിസി പ്രസിഡന്റ് അഡ്വ. കെ. പ്രവീൺകുമാർ.
ജവഹർ ബാൽ മഞ്ച് കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തിൽ ജില്ലാ ഭാരവാഹികൾക്കായി കോഴിക്കോട് ഡിസിസിയിൽ സംഘടിപ്പിച്ച ക്യാമ്പ് എക്സിക്യൂട്ടീവ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചടങ്ങിൽ ജവഹർ ബാൽ മഞ്ച് ജില്ലാ ചെയർമാൻ കെ നവനീത് മോഹൻ അധ്യക്ഷനായി. സംസ്ഥാന ചെയർമാൻ സുരേഷ് കരുൺ വിശിഷ്ടാതിഥിയായി പങ്കെടുത്ത് മുഖ്യപ്രഭാഷണം നടത്തി. കുട്ടികളുടെ സർഗ്ഗാത്മകവും ബൗദ്ധികവുമായ വളർച്ച ലക്ഷ്യമാക്കി സംഘടന നടത്തുന്ന പ്രവർത്തനങ്ങൾ താഴെത്തട്ടിലേക്ക് വ്യാപിപ്പിക്കണമെന്ന് അദ്ദേഹം ആഹ്വാനം ചെയ്തു. ക്യാമ്പ് എക്സിക്യൂട്ടീവിനോടനുബന്ധിച്ച് ഭരണഘടനയുടെ ലഘുലേഖ സംസ്ഥാന ചെയർമാൻ ശ്രീ.സുരേഷ് കരുൺ ഡിസിസി പ്രസിഡന്റ് അഡ്വ. കെ. പ്രവീൺകുമാറിന് ലഘുലേഖ നൽകി.
സംഘടനയുടെ ലക്ഷ്യങ്ങൾ, പ്രവർത്തനരീതികൾ, അച്ചടക്കം എന്നിവ കുട്ടികളിലേക്കും രക്ഷിതാക്കളിലേക്കും കൃത്യമായി എത്തിക്കാൻ ഈ ലഘുലേഖകളും ക്യാമ്പിൽ നൽകി. JBM നാഷണൽ കോർഡിനേറ്റർ ശ്രീ. ജയപ്രകാശ്, സംസ്ഥാന കോർഡിനേറ്റർ ശ്രീമതി. നസ്രുത്ത്, ജില്ലയിലെ വിവിധ ഭാഗങ്ങളിൽ നിന്നുള്ള ബ്ലോക്ക്, മണ്ഡലം ഭാരവാഹികൾ ക്യാമ്പിൽ പങ്കെടുത്തു. വരും മാസങ്ങളിൽ ജില്ലയിൽ നടപ്പിലാക്കേണ്ട വിവിധ കർമ്മപദ്ധതികൾക്കും പരിപാടികൾക്കും ക്യാമ്പ് രൂപം നൽകി. ജില്ലാ ഭാരവാഹികളും പ്രമുഖ കോൺഗ്രസ് നേതാക്കളും ചടങ്ങിൽ സംബന്ധിച്ചു.
Suresh Karun
