17/07/2021
കൊടിയത്തൂർ പഞ്ചായത്തിൽ ഡെങ്കിപ്പനി പോലുള്ള പകർച്ചവ്യാധികൾ വ്യാപിക്കുമ്പോഴും മാലിന്യ സംസ്കരണത്തിൽ അലംഭാവം കാണിക്കുന്ന കൊടിയത്തൂർ ഗ്രാമപഞ്ചായത്തിനെതിരെ ഡിവൈഎഫ്ഐ പ്രതിഷേധം.
പഞ്ചായത്തിലെ വിവിധ സ്ഥലങ്ങളിൽ സ്ഥാപിച്ച മിനി MCF ൽ വേർതിരിച്ച് നിക്ഷേപിക്കേണ്ട മാലിന്യങ്ങൾ അലക്ഷ്യമായി വലിച്ചെറിയുകയും കുമിഞ്ഞുകൂടുകയും ചെയ്യുന്ന രീതിയിലാണ് ഉള്ളത്, ഹരിതകർമ്മസേനയെ ഉപയോഗപ്പെടുത്തി വീടുകളിൽ നിന്നും മാലിന്യങ്ങൾ ശേഖരിച്ച് സംസ്കരിക്കുന്ന പ്രവർത്തനങ്ങളും നടക്കുന്നില്ല. ഇതിനെതിരെയാണ് ഡിവൈഎഫ്ഐ പന്നിക്കോട് മേഖലയിലെ തോട്ടുമുക്കം, പന്നിക്കോട് പ്രദേശങ്ങിലെ MCF ന് മുന്നിൽ പ്രതിഷേധം സംഘടിപ്പിച്ചത്.
പഞ്ചായത്തിൽ പല പ്രദേശങ്ങളിലും ഡെങ്കിപ്പനി വ്യാപകമാകുന്നുണ്ട് ഇത്തരം ഗൗരവമേറിയ സമയങ്ങളിൽ ഇതുപോലുള്ള പഞ്ചായത്തിന്റെ അലംഭാവം രോഗവ്യാപനം കൂടുന്നതിന് കാരണമാകും വിഷയത്തിൽ അധികാരികൾ ഉടൻ പരിഹാരം കണ്ടെത്തിയില്ലെങ്കിൽ കൂടുതൽ സമര പരിപാടികളിലേക്ക് നീങ്ങുമെന്നും ഡിവൈഎഫ്ഐ പ്രവർത്തകർ പറഞ്ഞു.
