17/10/2020
ഒക്ടോബർ 22 മുതൽ കാലിക്കറ്റ് സർവകലാശാല വിവിധ സെമസ്റ്റർ പരീക്ഷകൾ ആരംഭിക്കുകയാണ്.കോവിഡ് കാലത്തെ ഈ പരീക്ഷ നടത്തിപ്പുമായി ബന്ധപ്പെട്ട് വലിയ ആശങ്കകൾ വിദ്യാർത്ഥികൾക്കിടയിൽ ഉണ്ട്. അതിന്റെ ഭാഗമായി എസ്.എഫ്.ഐ മുന്നോട്ട് വെക്കുന്ന ആവശ്യങ്ങൾ ചുവടെ സൂചിപ്പിക്കുന്നു.
1. പരീക്ഷാ കേന്ദ്രത്തിലേക്ക് പ്രവേശിക്കുന്നത് മുതൽ പരീക്ഷ കഴിഞ്ഞ് തിരിച്ചു പോവുന്നത് വരെ വിദ്യാർത്ഥികൾ സാമൂഹിക അകലം പാലിക്കുന്നുണ്ട് എന്നും പരീക്ഷാ കേന്ദ്രത്തിന്റെ വിവിധ ഭാഗങ്ങളിൽ ഹാൻഡ് വാഷ്/സാനിറ്റൈസർ സംവിധാനം ഉണ്ട് എന്നും ഉറപ്പാക്കാൻ അധികൃതരെ ചുമതലപ്പെടുത്തണം.
2. ക്വാറന്റൈനിൽ ഉള്ള, പരീക്ഷ എഴുതാൻ ആഗ്രഹിക്കുന്ന വിദ്യാർത്ഥികൾക്ക് പരീക്ഷ എഴുതാൻ പ്രത്യേക ക്വാറന്റൈൻ സംവിധാനം ഒരുക്കണം.
3. കോവിഡ് ബാധിതരും, ക്വാറന്റെയിൻ പ്രയാസങ്ങൾ കാരണം പരീക്ഷയ്ക്ക് ഹാജരാകാൻ കഴിയാത്ത വിദ്യാർത്ഥികൾക്കും മതിയായ രേഖകളുടെ പിൻബലത്തിൽ വർഷം നഷ്ടമാവാത്ത രീതിയിൽ പരീക്ഷ എഴുതാൻ മറ്റൊരു അവസരം കൂടെ നൽകണം(റെഗുലർ പരീക്ഷ എഴുതേണ്ടിയിരുന്നവർക്ക് ഒരു റെഗുലർ ചാൻസും, സപ്ലിമെന്ററി എഴുതേണ്ടിയിരുന്നവർക്ക് ഒരു സപ്ലിമെന്ററി ചാൻസും കൂടെ).
പരീക്ഷ നടത്തിപ്പുമായി ബന്ധപ്പെട്ട് മുകളിൽ പറഞ്ഞ ആവശ്യങ്ങൾ സർവകലാശാല അധികാരികൾ നടപ്പിലാക്കണമെന്ന് എസ്.എഫ്.ഐ കാലിക്കറ്റ് സർവകലാശാല സബ് കമ്മിറ്റി ആവശ്യപ്പെട്ടു
