04/07/2026
4 जुलाइ, 2026
दुलाराय बर फरायसा आफादनि " गुन गोनां सोलोंथाइनि जांख्रिखांनाय" मावथांखिनि गेजेरजों बरलाउगाव दालाइ एबसुआ थाखो गु आरो जिआव फरायनाय फरायसाफोरनो बेसेन नाङै फोरोंथाय बादाखौ PM Shri माक्रा गोजौसिन गेजेरारि फरायसालिआव दिनै बेखेवना होनाय जायो।
बे हाबाफारियाव बेखेव बिबुंथिजों बेखेवना होयो गोरायुं मंगलसिं दैमारीआ आरो गाहाय आलासि महरै बाहागो लायो बिजनी दखरा एबसुनि आफादगिरि सुबिलाल दैमारीआ। आरो हाबाफारियाव बाहागो लानो हायो बरलाउगाव गुदि बर थुनलाइ आफादनि गाहाइ नेहाथारी गजेन बसुमतारी आरो बिजनी दखरा एबसुनि रांगिरि, गेलेमु नेहाथारी, आरो गुबुन गुबुन बिबानि बिबानगिरि बिथांमोनहा ।
बर फरायसाफोरनि इउनखौ नायनानै दुलाराय बर फरायसा आफादआ गुबुन गुबुन समाव गुबुन गुबुन बिथिंजों खामानि मावगासिनो दं आरो मावलांबाय थागोन। गोलोम बोथोरनि दानमोनसे बन्द' समाव ओरैनो सम हगारहरा बालानो गावसोरनि फराफारिखौ आवगायना लाखानो हायो आरो गावसोरनि थांखि होसोनायाव एसेब्लाबो मदद होनाय जाबाय।
/ ABSU
