31/03/2026
#महिनि बसुमतारी गोसोखां न'ब्लां, मंग'लियान बाजार, चिरां।
अक्ट' : 31 मार्च, 2026
बिजनी दख’रा दुलाराय बर’ फरायसा आफादनि बानजायनायाव दिनै 31 मार्च फरायसा सान बड’फा उफेनद्रनात ब्रह्मनि 70थि जोनोम सानखौ थुलुंगाथिलि बिजनीआव खुंफुंनाय जायो।
बे हाबाफारियावनो बिजनी दख’रा एबसुजों खुंजानाय 9थि बड’फा उफेनद्रनाथ ब्रह्म रोंगौथि सायख’ आनजाद-2026नि गेजेर फरायसालि आरो 10थि मिरु रोंगौथि सायख’ आनजाद-2025 आव दख’रानि सिंनि थामथि मासि आवग्रिनो हानाय फरायसाफोरनो बान्था गथायनाय हाबाफारिबो लानाय जायो।
बे हाबाफारियाव जोंनि मंग'लियान दालाइ एबसुनिफ्राय फारियै आफादगिरि किंस्तन बसुमतारी, गाहाइ नेहाथारि सोमखोर बसुमतारी, लोगो गाहाइ नेहाथारि रुपनाथ बसुमतारी, नेहाथारि बिहुं कुंगुर बसुमतारी आरो सोलोंथाइ नेहाथारि जाफुंसार बसुमतारी बिथांमोना बाहागो लायो।
