28/06/2026
अक्ट': 28 जुन 2026इं
चिरां, पानबारी।
बड'फानि बर'खौ बुहुमाव गेरेमसा हारि दानायनि सिमांखौ जाफुंहोनोब्ला हारियारि सानस्रि (Nationalism) आ अरायबो जोंनि गेजेराव थानांगोन बेखौनो लानानै दुलाराय बर' फरायसा आफादा सोलोंथाय , हारिमु, आबाद, राजखान्थि, रांखान्थि, समाजखान्थि आरो हाबा हारिमु गासै बिथिंयाव जौगानायनि सायाव खामानिखौ मावबोबाय थादों।
बे थांखिजोंनो पानबारी दालाइ दुलाराय बर' फरायसा आफादआ बड'फा गोजोरथियारि सोलायनाय मावथांखि (Bodofa Mission for Sustainable Change) खौ बिथा खालामनानै देग्लाय पानबारी दालाइ एबसुआ गिबि खेब आबाद फोथाराव हाबा हारिमुनि सायाव नोजोर होनानै माय आबाद मावनाय हाबाफारि लानाय जायो। बे गाहाम हाबाफारियाव दालाइ एबसुनि आफादगिरि उदां बसुमतारी लोगो आफादगिरि बिजिद ब्रह्म, प्रबजित ब्रह्म आरो गाहाइ नेहाथारि प्रानजित बर' लोगोसे गुबुन गुबुन आयदानि गासै मावथि बिबानगिरिफोरनि बाहागो लानायजों आरो दालाय एबसुजों सोमोन्दो थानाय गंगोना हारिमु हानजानि मोसाखावरि, दामजु दामगिरि, मेथाइ रोजाबगिरि गासैबोनि हेफाजाब होनायजों हाबाफारिया जाफुंसार जायो।
