અખિલ કરછ સુન્ની મુસ્લિમ હિત રક્ષક સમિતી

24/08/2026

*આગામી તારીખ 26/8/26 બુધવાર ના ઈદ એ મિલાદ પ્રસગે યોજાતા જુલુસ માં સમગ્ર કચ્છ માં પોલીસ વ્યવસ્થા બાબતે અખિલ કચ્છ સુન્ની મુસ્લિમ હિત રક્ષક સમિતિ એ કચ્છ આઇજી અને એસપી ને પત્ર લખી રજૂઆત કરી*

*પૂરતો પોલીસ બંદોબસ્ત: સંવેદનશીલ વિસ્તારો અને મુખ્ય માર્ગો પર ચુસ્ત પોલીસ પહેરો ગોઠવવામાં આવે.*

*ટ્રાફિક પોલીસ વ્યવસ્થા: જુલુસના રૂટ પર ટ્રાફિક જામ ન થાય તે માટે વાહનોના ડાયવર્ઝન અને પાર્કિંગની યોગ્ય વ્યવસ્થા થાય.*

*જરૂરી સુરક્ષા વ્યવસ્થા માટે પીસીઆર વાન અને સુરક્ષા કર્મચારીઓ તૈનાત રાખવામાં આવે.*

*અખીલ કચ્છ સુન્ની મુસ્લિમ હિત રક્ષક સમિતિ પ્રમુખ હાજી સલીમ ભાઈ જત એ પત્ર લખી યોગ્ય વયસ્વથા કરવા રજૂઆત કરી હતી*

21/08/2026

ઈદ એ મિલાદ નિમિત્તે પોસ્ટર લગાવવા અંગે જરૂરી સૂચનાઓ

21/08/2026

*કચ્છને અછત-ગ્રસ્ત જાહેર કરવાની માંગ, અખિલ કચ્છ સુન્ની મુસ્લિમ હિત રક્ષક સમિતિનું મુખ્યમંત્રીને આવેદન*.

*કચ્છ જીલ્લામાં નહિવત વરસાદના કારણે પશુધન અને ખેતી સંકટમાં મુકાયા છે. આથી અખિલ કચ્છ સુન્ની મુસ્લિમ હિત રક્ષક સમિતિ, દ્વારા મુખ્યમંત્રીને આવેદન પાઠવી કચ્છ જીલ્લાને તાત્કાલિક અછત-ગ્રસ્ત જાહેર કરવા માંગ કરવામાં આવી છે.*

*સમિતિએ જણાવ્યું કે કચ્છમાં મોટી સંખ્યામાં માલધારી વર્ગ અને લાખો પશુઓ છે. વરસાદ વિરામ લેતા માલધારીઓને હિજરત કરવાનો વારો આવ્યો છે.*

*સાથે જ થોડા વરસાદથી ખેતી કરનાર ખેડૂતોનો પાક પણ ફેલ થવાની શક્યતા છે. તેથી ખેડૂતોને એકર દીઠ સહાય ચૂકવવા પણ માંગ કરવામાં આવી છે, જેથી ખેડૂતો દેવાના ભારણમાં ન આવે.*

15/08/2026

આજ રોજ તા 15/8/26 ના રોજ નખત્રાણા તાલુકા સુન્ની મુસ્લિમ હિત રક્ષક સમીતી ના પ્રમુખ તરીકે ઈકબાલ ઈબ્રાહીમ સોઠા ની વરણી કરવામા આવી સર્વે સહમતી થી તેમજ કારોબારી ની નીમણુક કરવામા આવી

15/08/2026

13/08/2026

બન્ની-પચ્છમની 133 પ્રાથમિક શાળાઓમાં 220 શિક્ષકોની ઘટ

કચ્છના સરહદી વિસ્તારમાં શિક્ષણ વ્યવસ્થા સામે ગંભીર પડકાર; અખિલ કચ્છ સુન્ની મુસ્લિમ હિતરક્ષક સમિતિની શિક્ષણ મંત્રી સમક્ષ રજૂઆત

ભુજ: કચ્છના સરહદી બન્ની-પચ્છમ વિસ્તારમાં આવેલી પ્રાથમિક શાળાઓમાં શિક્ષકોની ગંભીર અછત હોવાનો મુદ્દો સામે આવ્યો છે. અખિલ કચ્છ સુન્ની મુસ્લિમ હિતરક્ષક સમિતિએ આ અંગે રાજ્યના શિક્ષણ મંત્રીને લેખિત રજૂઆત કરી તાત્કાલિક શિક્ષકોની ભરતી કરવાની માંગ કરી છે.

સમિતિના જણાવ્યા મુજબ બન્ની-પચ્છમ વિસ્તારની 133 પ્રાથમિક શાળાઓમાં કુલ 11,683 વિદ્યાર્થીઓ અભ્યાસ કરી રહ્યા છે. આ શાળાઓ માટે મંજૂર 553 શિક્ષકની જગ્યાઓ સામે માત્ર 333 શિક્ષકો ફરજ બજાવી રહ્યા છે, જેના કારણે કુલ 220 શિક્ષકોની ઘટ છે. એટલે કે મંજૂર મહેકમની સરખામણીએ આશરે 39.9 ટકા શિક્ષકોની અછત જોવા મળે છે.

સમિતિએ રજૂઆતમાં જણાવ્યું છે કે શિક્ષકોની આ અછતની સીધી અસર સરહદી અને દૂરના વિસ્તારોમાં અભ્યાસ કરતા બાળકોના શૈક્ષણિક ભવિષ્ય પર પડી શકે છે. ખાસ કરીને મોટી સંખ્યામાં વિદ્યાર્થીઓ ધરાવતી શાળાઓમાં શિક્ષકોની અછત શિક્ષણની ગુણવત્તા માટે ગંભીર પ્રશ્ન ઊભો કરે છે.

સમિતિએ સરકાર સમક્ષ જ્ઞાન સહાયકની કોન્ટ્રાક્ટ પદ્ધતિને બદલે કાયમી શિક્ષકોની ભરતી કરવાની માંગ કરી છે. સાથે જ સ્થાનિક લાયક ઉમેદવારોને ભરતીમાં પ્રાધાન્ય આપવા તથા શિક્ષકોની વારંવાર બદલી અથવા વિસ્તાર છોડવાની સમસ્યા અટકાવવા યોગ્ય બોન્ડ-બાંયધરીની નીતિ લાગુ કરવાની પણ રજૂઆત કરવામાં આવી છે.

અખિલ કચ્છ સુન્ની મુસ્લિમ હિતરક્ષક સમિતિના પ્રમુખ હાજી સલીમભાઈ જતે સરકારને બન્ની-પચ્છમ વિસ્તારના બાળકોના શૈક્ષણિક હિતને ધ્યાનમાં રાખીને શિક્ષકોની ઘટ તાત્કાલિક દૂર કરવા અને જરૂરી ભરતી પ્રક્રિયા હાથ ધરવા અનુરોધ કર્યો છે.

સરહદી વિસ્તારના બાળકોને ગુણવત્તાયુક્ત શિક્ષણ મળે તે માટે સરકાર હવે આ રજૂઆત પર શું પગલાં લે છે તેના પર સૌની નજર છે.

13/08/2026

*બન્ની-પચ્છમની 133 શાળાઓમાં 220 શિક્ષકોની ઘટ, અખિલ કચ્છ સુન્ની મુસ્લિમ હિત રક્ષક સમિતિની સરકારને રજૂઆત*

*કચ્છના સરહદી બન્ની-પચ્છમ વિસ્તારની પ્રાથમિક શાળાઓમાં શિક્ષકોની મોટી અછત સર્જાઈ છે.*

*અખિલ કચ્છ સુન્ની મુસ્લિમ હિતરક્ષક સમિતિએ શિક્ષણ મંત્રીને પત્ર લખી આ મુદ્દો ઉઠાવ્યો છે. સમિતિના જણાવ્યા મુજબ આ વિસ્તારની 133 શાળાઓમાં 11,683 વિદ્યાર્થીઓ અભ્યાસ કરે છે, પરંતુ 553ની જગ્યાએ માત્ર 333 શિક્ષકો જ ફરજ બજાવે છે. એટલે કે 39.9% એટલે કે 220 શિક્ષકોની ઘટ છે.*

*સમિતિએ માંગ કરી છે કે 'જ્ઞાનસહાયક' કોન્ટ્રાક્ટ પદ્ધતિ બંધ કરી કાયમી ભરતી કરવામાં આવે. સાથે જ સ્થાનિક ઉમેદવારોને પ્રાધાન્ય આપવામાં આવે અને બોન્ડ-બાંયધરીની નીતિ લાગુ કરવામાં આવે જેથી શિક્ષકો વચ્ચે ન જાય.*

*સમિતિના પ્રમુખ હાજી સલીમભાઈ જતે બાળકોના શૈક્ષણિક ભવિષ્યને ધ્યાનમાં રાખી તાત્કાલિક નિર્ણય લેવાની માંગ કરી છે.*

આપણા સમાચાર કચ્છ

10/08/2026

https://youtu.be/GVVdWH3z-6c?si=0_9RWmbLdhLBsJ2-

*કચ્છના મુન્દ્રા ખાતે અખિલ કચ્છ સુન્ની હિત રક્ષક સમિતિ ની જનરલ મીટિંગ યોજાઈ*

#મુંદરા_ખાતે_અખિલ_કચ્છ_સુન્ની_મુસ્લિમ_હિત_રક્ષક_સમિતિની_જનરલ_મિટિંગ...

09/08/2026

અખિલ કચ્છ સુન્ની મુસ્લિમ હિત રક્ષક સિમિતિ પ્રમુખ હાજી સલીમ જત અને યુવા પાંખ પ્રમુખ હનીફશા શેખ ની અનુમતિ થી આપ જનાબ ની યુવા પાંખ માં ઉપરોક્ત હોદ્દા પર નિમણૂક કરવામાં આવે છે.. તે બદલ આપ ને મુબારકબાદ.💐

અમને આશા છે કે આપ ઇસ્લામિક અખલાખ, ઇમાનદારી અને સંસ્થાના હેતુઓને ધ્યાનમાં રાખીને સમાજની સેવા કરશો.

અલ્લાહ તઆલા આપના કાર્યોમાં બરકત આપે, સમાજ માટે આપનું કાર્ય કબૂલ કરે અને આપને દિન - દુનિયામાં સફળતા આપે - આ અમારી દુઆ છે...