https://www.facebook.com/994602050597145/

Saroj Mohapatra, Bhubaneswar (2026)

20/03/2026

ବିଶ୍ବାସର ଟିକେ ଲୁଣ,
ଶ୍ରଦ୍ଧାର ଲେମ୍ବୁ ଲଙ୍କା,
କିଛି ଆତ୍ମୀୟତାର ଭରତା,
ସଂସ୍କାରର ବଡିଚୁରା,
ଓ ସତ୍ଯ ବେସରର ଝୋଳ
କେବେ ଉପଭୋଗ କରିଛ
କେମିତି ଲାଗେ ଏ ଜୀବନ ପଖାଳ ?

ବିଶ୍ବ ପଖାଳ ଦିବସର ଶୁଭେଚ୍ଛା ।

..... ୋଜ

04/03/2026

ହୋଲି....
ଯେଉଁ ବନ୍ଧୁମାନଙ୍କୁ
ପାଖରେ ପାଇଲି
କ୍ଯମେରାରେ କଏଦ୍ କଲି ।।

03/03/2026

ହୋଲି - 2026
--------------------

ସେପଟେ ଘମାଘୋଟ
ଯୁଦ୍ଧର ବିଭୀଷିକା
ଅଶାନ୍ତ ରକ୍ତର ହୋରି ।

ଆ
ରଂଗ ଟିକେ ଦେଇ
ବୁଝେଇଦେବି
ଜୀବନ ଢଙ୍ଗରେ
ପ୍ରେମ ଫଗୁଣରେ
ଶାନ୍ତିର କେତେ ଯେ ଜରୁରୀ !!
........ସରୋଜ

02/10/2025

ମହିଷମର୍ଦ୍ଦିନୀ ତୁମେ କାତ୍ୟାୟନୀ
ଅମ୍ବିକା, ଗୌରୀ,ଚନ୍ଦ୍ରିକା, ଭବାନୀ
ପାପ ବିନାଶର ଧାରା ।
ଆଗମନେ ହଟୁ ଅନ୍ଯାୟ ଅଂଧାର
ଫୁଟୁ ମହାର୍ଘ୍ଯର ତାରା ।।

..........ସରୋଜ
ପବିତ୍ର ବିଜୟା ଦଶମୀର ଅନେକ ଅନେକ ଶୁଭେଚ୍ଛା

17/09/2025

ମେଘ
-------
ଇଂ. ସରୋଜ ମହାପାତ୍ର

ଖରା ବରଷାର ଦୋ-ଛକିରେ ଠିଆ
ମୁଁ ଏକ ଅଲୋଡା ମେଘ ।
ଘନୀଭୂତ ହେବି କିବା ରୂପ ନେବି
ପବନ ଠାରିବ ଦିଗ ।।

ଠୋପା ବରଷାରେ ଲେଖା ରହିଅଛି
କା ଦେହ ସେ ଭିଜେଇବ ।
ତନୁ ମନ ଭିଜି ସ୍ମୃତି ଅଗଣାରେ
ଅତୀତକୁ ଝୁରେଇବ ।।

------000------

04/09/2025

କିଛି ନଥିବା ହିଁ ଶ୍ରେଷ୍ଠ ସମ୍ପତ୍ତି
ସବୁ ଥାଇ ଭୋଗ କରି ନପାରିବା
ଏକ ଅନାବଶ୍ୟକ ବିପତ୍ତି ।
ଯାହା କାନ ପାରିବି ଶୁଣି ପାରିଲିନି
ତାହାହିଁ ସ୍ବର୍ଗ ।
ଯାହା ଶୁଣି ବାରମ୍ବାର ମରୁଛି
କେବଳ ନର୍କର ଦୁର୍ଗ ।।

... ସରୋଜ

27/06/2025

ତୁମେ ହିଁ ଆକାର
ପୁଣି ନିର୍ବିକାର
କେତେ ପ୍ରଶ୍ନ ସମାଧାନ ।
ଜଂଜାଳ ଅଣୁରେ
ଜୀବନ ଜ୍ଯାମିତି
ଶ୍ରେଷ୍ଠ ତୁମେ ଅବଧାନ ।।

........ସରୋଜ

11/06/2025

ଜୀବନ ମଣ୍ଡପେ ଜଂଜାଳର ସ୍ନାନ
ହସ କାନ୍ଦେ ଦେହ ଓଦା ।
ଓୌଷଧରେ ସିନା ଦେହ ଉପଶମ
ଏଠି, ଅଜ୍ଞାନର ଜର ସଦା ।।

ତୋ ଦାଣ୍ଡ ପରିକା ଇଚ୍ଛା ତିଆରିଛି
ଗଡିବ ତୋ ଦିବ୍ଯ ରଥ ।
ଭଗ୍ନ ଲଗ୍ନରେ ତୁ ହିଁ ଭରଷା
ପ୍ରତି ବେଦନାର ନାଥ ।।

ସ୍ନାନ ପୂର୍ଣ୍ଣିମାର ଶୁଭେଚ୍ଛା ସହ
....... ସରୋଜ

04/06/2025

ଗୁଳୁଗୁଳି
------------
ଇଂ. ସରୋଜ ମହାପାତ୍ର

ବେଳେବେଳେ ଇଚ୍ଛା ହୁଏ
ଅବେଳରେ ଭୋଗିବାକୁ ଗୁଳୁଗୁଳି
ଦେହରୁ ବୋହିଯାଆନ୍ତା
ଅଶାନ୍ତି ଓ ଅପ୍ରୀତିର ଝାଳ
ବେଳ ମୋର ଖୋଜୁଥାନ୍ତା
ଶୁଭ୍ରତାର ମହୋଦଧି
ଶାନ୍ତିର ସକାଳ ।

ଛପର କରି ହୁଏନି ସବୁ
ଇଛାର କୁଟୀର
ଭାଗ୍ଯର ମହୋଦଧିରେ
ସମୟ ଗୋଟେ କୂଳ ।
କୋଉଠି ଖାତିର ନଥାଏ
ବାଦଲ ଫଟା ବର୍ଷାକୁ ତ
କୋଉଠି ଦହଗଂଜରେ
ସାମାନ୍ଯ ଝଡି ବର୍ଷା କାଳ ।

ଜାଣେ ତୁମ ଖୋଲା ଝରକା
ମତେ ଭୋଗେଇ ପାରୁଥାଏ
ଘର ଭିତର ଅନୁଭବର ଅନୁଭୁତି
ତେବେ ସବୁ ଖରାବେଳ ନୁହଁ
ଗୁଳୁଗୁଳିର ଆକ୍ତାମାକ୍ତା ସ୍ଥିତି ।

କିଛି ଗମଗମ ଝାଳ
ଅଗରୁ ଚନ୍ଦନ
ଅକାତ ପ୍ରାପ୍ତିର ଦୁର୍ଲଭ ତୃପ୍ତି ।

ସଂଜ ପଶୁଥିବ ଖରାକୁ ଆଡେଇ
ମୁକୁଳିତ ଦରବାରେ ହେବାକୁ ସଜେଇ
ସ୍ୱଚ୍ଛନ୍ଦରେ ବାଜୁଥିବ ଅଣାୟତ୍ତ ଢୋଲ
ନିଜକୁ ନିଜେ ଖୋଲି ପାରୁଥିବ
ପରସ୍ତ ପରସ୍ତ କରି ।

ଥମିଯାଇଥିବ ଆର୍ଦ୍ରତା
ହେଲେ ଅପେକ୍ଷାରେ ଥିବ
କେଇବୁନ୍ଦା ଝାଳ
ଅନ୍ତରଂଗରେ ଅନ୍ଧାର ଭରି ।

---------000---------

17/04/2025

ଧନ୍ୟବାଦ ସଂପାଦକ ୁର୍ବା

ଭଗ୍ନ ଡେଣାର ପ୍ରଜାପତି
---------------------------
ଇଂ. ସରୋଜ ମହାପାତ୍ର ।

ଡେଣା ଭାଙ୍ଗିବାର ଅନେକ ଆଗରୁ
ସେ ଭାଙ୍ଗି ଯାଇଥିବ
ଆସ୍ତେ ଆସ୍ତେ ଅବସ ହୋଇ ପଡିଥିବ
ବ୍ଯସ୍ତତା
ମାନସିକତା
ଉତ୍ସୁକତା
ମନ ଥରେ ଭାଙ୍ଗିଗଲେ
ଅଲଣା ବିବିଧ ବିଭୋରତା
ପୋଡା ତିଅଣ କି ସଜାଡି ହୁଏ !
ଯାହା ଖାଲି ଦହଗଂଜର ଅସ୍ତିରତା ।

ସେ ଅମୂଲ୍ଯ ରଂଗର ଡେଣା
କେତେ ଭେଦ
କେତେ ସ୍ବାଦ
ଆଉ ମନେ ନପଡ଼ିଲେ ଭଲ
ସେ ଅନିଚ୍ଛା ଘରର ଅଗଣା ।

ପ୍ରଜାପତି ଠିକ୍ ଜାଣେ
ବିଶ୍ବାସର ବିଷାକ୍ତ ଚୋଟରେ
ତା ଦେହ ସାରା କଣା ।

କେବେ ଦିନେ ନିରେଖିଥିବ,
ପରଖିଥିବ ନିଜକୁ
ଟିକେ ଅହଂକାରର ଠାଣିରେ
ଦେଖେଇଥିବ ଡେଣାକୁ ।
ସାମାନ୍ଯ ଅହଂକାରପଣ
ସୁଂଦରତାର ସୌଜନ୍ଯତା
ସାମାନ୍ଯ ଅହଂକାର ହିଁ ଭରିଥାଏ
ସୌନ୍ଦର୍ଯ୍ୟତାରେ ବାକିତକ ପୂର୍ଣ୍ଣତା ।

ଅନେକ ପ୍ରୟାସ ପରେ ବି
ନିଜ ଠାରୁ ନିଜେ ନିଜେ ହାରି
ଭଲ ପାଇବା ବାଣ୍ଟି ଚାଲିଥିଲା
ଡେଣା ।
ଶୁଭୁଥିଲା
କେଉଁ ଏକ ଅଜଣା କୋଣରୁ
ଶଦ୍ଦ ହୀନ ଯନ୍ତ୍ରଣାର
କରୁଣ କାନ୍ଦଣା ।

ଫୋ: 7008167321

---------000--------

13/04/2025

ଅନ୍ଦାଜ
----------
ଅନ୍ଦାଜ ହିଁ ହସ
ଅନ୍ଦାଜ ହିଁ ଲୁହ
ଅନ୍ଦାଜ ହିଁ ଆତ୍ମା
ଅନ୍ଦାଜ ହିଁ କୋହ ।

ଅନ୍ଦାଜ ଠୁ ଆରମ୍ଭ
ଅନ୍ଦାଜ ଠି ଶେଷ ।
ଅନ୍ଦାଜ ହିଁ ପ୍ରେମ
ସବୁ ଅବଶୋଷ ।।

.......ସରୋଜ

26/02/2025

ଆଜି ପବିତ୍ର ମହା ଶିବରାତ୍ରି ।
ମୋ ବାପାଙ୍କ ଜନ୍ମଦିନ ।
ବାପା ବଂଚିଥିଲେ ଆଜି ୮୩ ବର୍ଷରେ ପଦାର୍ପଣ କରିଥାନ୍ତେ ।

ାପାଙ୍କୁ ଉତ୍ସର୍ଗ କରି ଆଜି ଏ କବିତା:
******************

ଜୀବନ ଆଧାର ସତ୍ଯ କାରବାର
ଚାରିଦିଗ ଶିବ ଶିବ ,
ସଂସାର ସାଗର ଜୀବନ ତଟକୁ
ଛୁଏଁ ଭକତିର ଭାବ ।।

ନୀଳକଣ୍ଠ ନୀଳ ଗଳାରେ ଗରଳ
ମନ୍ଥନର ଶ୍ରେଷ୍ଠ ଉକ୍ତି ।
ତୁମେ ହିଁ କରମ ତୁମେ ହିଁ ଧରମ
ନିଷ୍ଠା ଚେତନାର ଶକ୍ତି ।।

..........ସରୋଜ

Saroj Mohapatra

20/03/2026

04/03/2026

03/03/2026

02/10/2025

17/09/2025

04/09/2025

27/06/2025

11/06/2025

04/06/2025

17/04/2025

13/04/2025

26/02/2025

Address

Telephone

Website

Alerts

Shortcuts

Share

Category