https://www.facebook.com/262939370227232/

West godavari police, bhimavaram, Bhimavaram (2026)

02/06/2026

నిర్మానుష్య ప్రదేశలలో అసాంఘిక కార్యక్రమాల నివారణే లక్ష్యంగా డ్రోన్ గస్తీ నిర్వహిస్తున్న భీమవరం 2 టౌన్ పోలీసు వారు .....

01/06/2026

*జిల్లా పోలీసు ప్రధాన కార్యాలయంలో "ప్రజా సమస్యల పరిష్కార వేదిక" (పి.జి.ఆర్.ఎస్) కార్యక్రమాన్ని నిర్వహించిన జిల్లా ఎస్పీ శ్రీ అద్నాన్ నయీం అస్మి , ఐపీఎస్., గారు.*

*ప్రజా సమస్యలపై త్వరితగతిన స్పందించి, నిర్ణీత గడువులోగా చట్ట పరిధిలో శాశ్వత పరిష్కారం చూపాలని జిల్లా పోలీసు అధికారులు ఆదేశాలు జారీ.........*

*నేటి పోలీసు “పబ్లిక్ గ్రీవెన్స్ రీడ్రసెల్ సిస్టం” కార్యక్రమంలో 20 అర్జీల స్వీకరణ.......*

పశ్చిమగోదావరి జిల్లా పోలీసు ప్రధాన కార్యాలయంలో సోమవారం నిర్వహించిన "ప్రజా సమస్యల పరిష్కార వేదిక" (మీకోసం) కార్యక్రమం ద్వారా ప్రజల నుండి జిల్లా ఎస్పీ శ్రీ అద్నాన్ నయీం అస్మి, ఐపీఎస్., గారు నేరుగా ఫిర్యాదులను స్వీకరించారు.

బాధితుల సమస్యలను ఓపికగా విన్న ఎస్పీ గారు, జిల్లాలోని వివిధ ప్రాంతాల నుండి వచ్చిన అర్జీదారులతో ముఖాముఖి మాట్లాడి, వారి సమస్యల పూర్వాపరాలను అడిగి తెలుసుకున్నారు. అనంతరం సంబంధిత పోలీసు అధికారులతో ఫోన్ ద్వారా మాట్లాడి, క్షేత్రస్థాయిలో పూర్తి విచారణ జరిపి, నిర్ణీత గడువులోగా చట్టపరమైన శాశ్వత పరిష్కారం చూపాలని ఆదేశించారు.

ఈ సందర్భంగా జిల్లా ఎస్పీ గారు మాట్లాడుతూ.......,
ప్రజలు తమ సమస్యల పరిష్కారం కోసం ఎంతో ఆశతో పోలీసు కార్యాలయాలను ఆశ్రయిస్తారని, అటువంటి బాధితులకు పోలీసు శాఖ వెన్నుముకగా నిలిచి భరోసా కల్పించాలని అధికారులకు స్పష్టం చేశారు. ముఖ్యంగా ఫిర్యాదులు మరల మరల పునరావృతం కాకుండా ఉండాలంటే, మొదటి విడతలోనే లోతైన దర్యాప్తు జరిపి బాధితులకు న్యాయం చేకూరేలా చూడాలన్నారు. విచారణలో జాప్యం వహించకుండా, పారదర్శకమైన పద్ధతిలో సమస్యలను పరిష్కరించడమే లక్ష్యంగా పనిచేయాలని ఆయన ఉద్ఘాటించారు.

ఈ కార్యక్రమంలో జిల్లా స్పెషల్ బ్రాంచ్ ఇన్స్పెక్టర్ శ్రీ కె.వి.వి.ఎన్ సత్యనారాయణ గారు మరియు ఇతర పోలీసు అధికారులు, సిబ్బంది పాల్గొన్నారు.

F

30/05/2026

*తాడేపల్లిగూడెంలో మహిళలు మరియు చిన్నారుల భద్రతపై అవగాహన సదస్సు..*

మహిళలు మరియు చిన్నారుల రక్షణను అత్యంత ప్రాధాన్యతగా భావిస్తూ, వారికి ప్రభుత్వం మరియు పోలీస్ శాఖ కల్పిస్తున్న భద్రతా చర్యలపై విస్తృత అవగాహన కల్పించేందుకు తాడేపల్లిగూడెం పట్టణ పోలీస్ శాఖ ఆధ్వర్యంలో శనివారం స్థానిక జీవీ మాల్ సెంటర్ వద్ద ప్రత్యేక అవగాహన కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా హాజరైన పట్టణ సీఐ ఆది ప్రసాద్ మాట్లాడుతూ, జిల్లా ఎస్పీ అద్నాన్ నయీమ్ అస్మి ఆదేశానుసారం మరియు డీఎస్పీ విశ్వనాథ్ పర్యవేక్షణలో మహిళల భద్రత, సైబర్ నేరాల నివారణపై పోలీస్ శాఖ ప్రత్యేక దృష్టి సారించిందని స్పష్టం చేశారు. ముఖ్యంగా చిన్నారులపై జరుగుతున్న లైంగిక నేరాలను అరికట్టేందుకు ప్రతిష్టాత్మకంగా అమలు చేస్తున్న 'ఆపరేషన్ చిన్నారి తల్లి' మరియు 'ఆపరేషన్ దండయాన్' కార్యక్రమాల ప్రాధాన్యతను ఆయన వివరించారు.

సమాజంలో మహిళలు మరియు చిన్నారులు తమ రక్షణ కోసం చట్టపరంగా అందుబాటులో ఉన్న అవకాశాలను, అప్రమత్తంగా ఉండాల్సిన జాగ్రత్తలను సీఐ ఆది ప్రసాద్ వివరించారు. ఏదైనా అత్యవసర పరిస్థితుల్లో బాధితులు సత్వర సహాయం పొందేందుకు ప్రభుత్వం అందుబాటులోకి తెచ్చిన టోల్ ఫ్రీ నంబర్లు 181, 112, 1930 మరియు 1098 ల గురించి ప్రజలకు అవగాహన కల్పించారు. ప్రస్తుత కాలంలో పెరుగుతున్న సైబర్ నేరాల బారిన పడకుండా ఉండాల్సిన పద్ధతులు, వ్యక్తిగత సమాచార గోప్యత వంటి అంశాలపై సమగ్ర వివరణ ఇచ్చారు. మహిళల రక్షణలో భాగంగా పోలీస్ శాఖ ఎల్లప్పుడూ అప్రమత్తంగా ఉందని, బాధితులు ఎటువంటి సంకోచం లేకుండా పోలీసులను ఆశ్రయించవచ్చని ఆయన భరోసా ఇచ్చారు.

ఈ కార్యక్రమంలో ఎస్సైలు బాదం శ్రీనివాస్, వెంకటరమణ, ట్రాఫిక్ పోలీస్ సిబ్బంది మరియు స్థానిక ప్రజలు పెద్ద సంఖ్యలో పాల్గొన్నారు.

F

30/05/2026

*పోలీసు విభాగంలో సుదీర్ఘ సేవలందించి పదవీ విరమణ పొందిన సిబ్బందిని ఘనంగా సన్మానించి, ఆత్మీయ వీడ్కోలు పలికిన జిల్లా ఎస్పీ శ్రీ అద్నాన్ నయీం అస్మి , ఐపీఎస్., గారు.*

*పదవీ విరమణ అనంతరం కుటుంబ సభ్యులతో సంతోషంగా గడపాలని ఆకాంక్ష*

పశ్చిమగోదావరి జిల్లా పరిధిలో ఉద్యోగ బాధ్యతలు నిర్వర్తించి, కర్తవ్య నిర్వహణలో చిత్తశుద్ది, అంకిత భావంతో పోలీస్ శాఖ ద్వారా ప్రజలకు విశిష్ట సేవలందించి ఈ రోజు పదవీ విరమణ చేసిన పోలీసు సిబ్బందిని జిల్లా ఎస్పీ శ్రీ అద్నాన్ నయీం అస్మి , ఐపీఎస్., గారు మరియు పోలీస్ అధికారులు ఘనంగా సత్కరించి, జ్ఞాపికలను అందజేసి, ఆత్మీయ వీడ్కోలు పలికారు.

*పదవీవిరమణ పొందిన వారి వివరాలు:*

1. శ్రీ కె. వెంకటేశ్వరరావు, అడ్మినిస్ట్రేటివ్ ఆఫీసర్, జిల్లా పోలీసు కార్యాలయం, భీమవరం.
2. శ్రీ ఎన్. హరిబాబు, సబ్ ఇన్స్పెక్టర్ - 1182, పాలకోడేరు పోలీస్ స్టేషన్.
3. శ్రీ టి.వి.జి రాజు, సబ్ ఇన్స్పెక్టర్ - 1222, భీమవరం ట్రాఫిక్ పోలీస్ స్టేషన్.
4. శ్రీ పి. విజయ్ కుమార్, అసిస్టెంట్ సబ్ ఇన్స్పెక్టర్ - 1420, పోడూరు పోలీస్ స్టేషన్.
5. శ్రీ పి. సింగరాజు, అసిస్టెంట్ సబ్ ఇన్స్పెక్టర్ - 1430, తాడేపల్లిగూడెం ట్రాఫిక్ పోలీస్ స్టేషన్.
6. శ్రీ ఎం. గోవిందరావు, అసిస్టెంట్ సబ్ ఇన్స్పెక్టర్ - 1204, తాడేపల్లిగూడెం ట్రాఫిక్ పోలీస్ స్టేషన్.
7. శ్రీ పి. శ్రీనివాసరావు, హెడ్ కానిస్టేబుల్ - 111, పెనుమంట్ర పోలీస్ స్టేషన్.
8. శ్రీ పి. రామకృష్ణ, సీనియర్ అసిస్టెంట్, జిల్లా పోలీస్ కార్యాలయం, భీమవరం.
9. శ్రీ కె. నాగ మునీంద్ర రావు, హెడ్ కానిస్టేబుల్ - 342, డిస్ట్రిక్ట్ ఆర్మ్డ్ రిజర్వ్, భీమవరం.
10. శ్రీ కె. సువర్ణ రాజు, హెడ్ కానిస్టేబుల్ - 1091, డిస్ట్రిక్ట్ ఆర్మ్డ్ రిజర్వ్, భీమవరం.
11. శ్రీ వై. ప్రభాకర్, హోమ్ గార్డ్, పాలకొల్లు టౌన్ పోలీస్ స్టేషన్

ఈ సందర్భంగా జిల్లా ఎస్పీ గారు మాట్లాడుతూ....,
సుమారు 35 నుండి 40 సంవత్సరాల సుదీర్ఘ సర్వీసులో వ్యక్తిగత సుఖాలను, కుటుంబ వ్యవహారాలను పక్కన పెట్టి, అహోరాత్రులు ప్రజా రక్షణ కోసం శ్రమించి, ఎటువంటి విమర్శలకు తావులేకుండా సగర్వంగా పదవీ విరమణ చేయడం అభినందనీయమని ఆయన పేర్కొన్నారు.

పోలీసు వ్యవస్థలో ప్రతి ఉద్యోగి అందించే సేవలను శాఖ ఎప్పటికీ స్మరించుకుంటుందని, నిత్యం సవాళ్లతో కూడుకున్న విధుల్లో ఉన్నప్పుడు సిబ్బందికి వెన్నుదన్నుగా నిలిచిన వారి కుటుంబ సభ్యులకు ఈ సందర్భంగా ఆయన ప్రత్యేక కృతజ్ఞతలు తెలియజేశారు.

పదవీ విరమణ కేవలం విధులకు మాత్రమేనని, పోలీసు కుటుంబంతో మీ అనుబంధం శాశ్వతమని భరోసా ఇచ్చారు. పదవీ విరమణ పొందిన సిబ్బంది తమ తదుపరి జీవితాన్ని ఆర్థిక క్రమశిక్షణతో, మెరుగైన ఆరోగ్య సూత్రాలను పాటిస్తూ కుటుంబ సభ్యులతో ప్రశాంతంగా గడపాలని ఆకాంక్షించారు. అలాగే, వారికి అందవలసిన పదవీ విరమణ ప్రయోజనాలను సకాలంలో అందేలా అన్ని చర్యలు తీసుకోవాలని సంబంధిత అధికారులను ఆదేశించారు.

ఈ కార్యక్రమంలో భీమవరం సబ్ డివిజన్ డిఎస్పీ శ్రీ రఘువీర్ విష్ణు గారు, జిల్లా ఆర్మ్డ్ రిజర్వ్ డీఎస్పీ శ్రీ ఎం.వి.వి సత్యనారాయణ గారు, ఆర్మ్డ్ రిజర్వ్ డీఎస్పీ శ్రీ కె.వెంకట్రావు గారు, జిల్లా స్పెషల్ బ్రాంచ్ ఇన్స్పెక్టర్ శ్రీ కె.వి.వి.ఎన్ సత్యనారాయణ గారు, జిల్లా పోలీసు అసోసియేషన్ ప్రెసిడెంట్ శ్రీ సి.హెచ్. మోజేష్ గారు, ఇతర పోలీసు అధికారులు మరియు పోలీసు సిబ్బంది పాల్గొన్నారు.

F

29/05/2026

నిర్మానుష్య ప్రదేశలలో అసాంఘిక కార్యక్రమాల నివారణే లక్ష్యంగా డ్రోన్ గస్తీ నిర్వహిస్తున్న ఉండి పోలీసు వారు....

28/05/2026

*జిల్లా పోలీసు కార్యాలయంలో ఘనంగా నందమూరి తారక రామారావు గారి జయంతి వేడుకలు......*

తెలుగు జాతి ఆత్మగౌరవ ప్రతీక, విశ్వవిఖ్యాత నటసార్వభౌమ, ఆంధ్రప్రదేశ్ మాజీ ముఖ్యమంత్రి స్వర్గీయ నందమూరి తారక రామారావు గారి జయంతి వేడుకలు భీమవరంలోని జిల్లా పోలీసు కార్యాలయంలో అత్యంత ఘనంగా నిర్వహించబడ్డాయి. ఈ కార్యక్రమంలో పశ్చిమగోదావరి జిల్లా ఎస్పీ శ్రీ అద్నాన్ నయీం అస్మి, ఐపీఎస్., గారు ముఖ్య అతిథిగా పాల్గొని, ఎన్.టి.ఆర్. గారి చిత్రపటానికి పూలమాలలు వేసి, ఘన నివాళులర్పించారు.

ఈ సందర్భంగా జిల్లా ఎస్పీ గారు మాట్లాడుతూ.......,
ఎన్.టి.ఆర్. గారు కేవలం అద్భుతమైన నటుడిగానే కాకుండా, రాజకీయ చదరంగంలోనూ తనదైన ముద్ర వేసిన యుగపురుషుడని కొనియాడారు. తెలుగు ప్రజలందరినీ ఏకతాటిపైకి తెచ్చి, 'తెలుగుదేశం' పార్టీ ద్వారా సామాన్య ప్రజలకు పరిపాలనను చేరువ చేసిన గొప్ప దార్శనికుడు ఆయన అని పేర్కొన్నారు. ఆయన ప్రవేశపెట్టిన సంక్షేమ పథకాలు, పాలనా సంస్కరణలు, ముఖ్యంగా బడుగు బలహీనవర్గాల అభ్యున్నతికి ఆయన చేసిన కృషి నేటికీ చరిత్రలో చిరస్థాయిగా నిలిచిపోతాయని తెలిపారు. నటనలో పౌరాణిక, జానపద, సాంఘిక పాత్రలతో మూడు తరాల ప్రేక్షకులను అలరించడమే కాకుండా, తన కఠిన క్రమశిక్షణతో మరియు ప్రజా సేవలో చూపిన నిబద్ధతతో ఆయన ప్రతి ఒక్కరికీ ఆదర్శంగా నిలిచారని ఎస్పీ గారు గుర్తు చేశారు.

ఈ కార్యక్రమంలో జిల్లా ఆర్మ్డ్ రిజర్వ్ డీఎస్పీ శ్రీ ఎం.వి.వి సత్యనారాయణ గారు, జిల్లా స్పెషల్ బ్రాంచ్ ఇన్స్పెక్టర్ శ్రీ కె.వి.వి.ఎన్ సత్యనారాయణ గారు, ఆర్మ్డ్ రిజర్వ్ ఇన్స్పెక్టర్ శ్రీ కె.వెంకట్రావు గారు మరియు పోలీసు సిబ్బంది పాల్గొని, ఎన్.టి.ఆర్. గారి చిత్రపటానికి పుష్పాంజలి ఘటించి తమ నివాళులర్పించారు.

F

27/05/2026

అసాంఘిక కార్యక్రమాల నివారణే లక్ష్యంగా డ్రోన్ గస్తీ నిర్వహిస్తున్న పోడూరు పోలీసు వారు మరియు ఈగల్ బృందాలు .....

West godavari police

02/06/2026

01/06/2026

30/05/2026

30/05/2026

29/05/2026

28/05/2026

27/05/2026

Address

Website

Alerts

Shortcuts

Share

Category