05/06/2025
संयुक्त राष्ट्रांनी १९७२ मध्ये स्टॉकहोम येथे झालेल्या मानव-पर्यावरण परिषदेच्या पहिल्या दिवशी (५ जून) हा दिवस “जागतिक पर्यावरण दिन” म्हणून घोषित केला, ज्याचा मुख्य उद्देश पर्यावरणीय विषयांवर जागतिक जनजागृती निर्माण करणे आहे. या वर्षीच्या जागतिक पर्यावरण दिनाची थीम “प्लास्टिक प्रदूषणाचा अंत करा” अशी आहे.
आपण दरवर्षी हा दिवस साजरा करतो, पण केवळ या एका दिवसाने प्लास्टिक प्रदूषणाचा प्रश्न संपणार नाही. प्लास्टिक प्रदूषण हा आपल्या पर्यावरणासाठी, जैवविविधतेसाठी आणि मानवी आरोग्यासाठी मोठा धोका ठरत आहे. त्यामुळे आपल्या जीवनशैलीत बदल घडवून आणणे, प्लास्टिकचा वापर कमी करणे आणि त्याचे योग्य व्यवस्थापन करणे आवश्यक आहे.
प्लास्टिक प्रदूषणाचा अंत करण्यासाठी आपण एकत्र येऊन खाली दिलेल्या पर्यायांचा आपल्या दैनंदिन जीवनात वापर करूया:
१. एकल वापराच्या प्लास्टिक वस्तूंचा वापर कमी करूया.
२. पुनर्वापर आणि पुनर्विकसनाला प्राधान्य देऊया.
३. पर्यावरणपूरक पिशव्या आणि वस्तू वापरूया.
४. आपल्याच परिसरात प्लास्टिकमुक्त उपक्रम राबवूया.
आपल्या वसुंधरेचे रक्षण करण्यासाठी एकत्र येऊया आणि प्लास्टिक प्रदूषणाचा अंत करूया.
