09/10/2025
ಇದು ಸಾಲಿಗ್ರಾಮದ ಹತ್ತಿರ ಸುರಾಲು ಎಂಬ ಊರಿನಲ್ಲಿ ಇರುವ ಮಣ್ಣಿನಿಂದಲೇ ನಿರ್ಮಿಸಿದ ಅರಮನೆ. ಇದರ ನಿರ್ಮಾಣ ಸುಮಾರು ೧೫೧೧ ರ ಆಸು ಪಾಸಿನಲ್ಲಿ ನಿರ್ಮಾಣವಾಯಿತು. ಇದನ್ನು ಆಲುಪ ಅರಸರು ನಿರ್ಮಿಸಿದರು. ಈಗಲೂ ಅವರ ಮನೆತನಕ್ಕೆ ಸೇರಿದವರೇ ಇದರಲ್ಲಿ ವಾಸಿಸುತ್ತಾರೆ. ಇದರ ವಿಶೇಷತೆ ಬರೇ ಮಣ್ಣು ಮತ್ತು ಮರದಿಂದ ನಿರ್ಮಿಸಿರುತ್ತಾರೆ. ಒಂದೇ ಒಂದು ಕಬ್ಬಿಣ ದ ಮೊಳೆಯನ್ನು ಕೂಡ ಉಪಯೋಗಿಸಿಲ್ಲ ಅಂತ ಇತಿಹಾಸ ಹೇಳುತ್ತದೆ. ಮರದ ಕೆತ್ತನೆ ಕೆಲಸ ತುಂಬಾ ಚೆನ್ನಾಗಿದೆ. ಇನ್ನೊಂದು ವಿಶೇಷತೆ ಇದರ ನಿರ್ಮಾಣ ಮಾಡುವಾಗ ಅಡಿಪಾಯ ಇಲ್ಲದೆ ಕಟ್ಟಿರುತ್ತಾರೆ. ವಿಜಯದಶಮಿ ಮತ್ತು ವಿಜಯಯಾತ್ರೆ ಹಬ್ಬವನ್ನು ಆಚರಿಸುತ್ತಾರೆ. ತುಳುನಾಡಿನಲ್ಲಿ ಸುಮಾರು ೧೨ ಅರಮನೆಗಳು ಇದ್ದು ಈಗ ಇದು ಒಂದೇ ಉಳಿದಿರುತ್ತದೆ. ಇದು ಹಿಂದೂ ಮತ್ತು ಜೈನ ಸಂಸ್ಕೃತಿಯ ಮಿಶ್ರಣ ಇಲ್ಲಿ ಕಾಣಬಹುದು. ನೋಡಲು ತುಂಬಾ ಸುಂದರವಾಗಿದೆ.
ಧನ್ಯವಾದಗಳು
ರಘುರಾಮ ಶಂಕರತೋಟ
