Fesuabagan Burial Ground-Kabrastan

Fesuabagan Burial Ground-Kabrastan “champdani” Fesuabagan Qabrastan se mutalliq official updates, Qawaid aur rabta ke liye bannaya gya h

01/01/2026

Fesubagan Qabrastan Committee ki jaanib se tamaam ahle-ilaaqah ko adab ke saath ittila di ja rahi hai ke
Allah Ta’ala ke fazl o karam aur awaam ke ta’awun se 31 tareekh ki raat qabrastan mein 10 gaadi mitti girayi gayi,
jiska kharcha ₹5500 rupaye fi gaadi raha.

Isi silsile ko aage badhate hue,
1 tareekh ki raat qabrastan mein mazeed 23 gaadi mitti girayi gayi,
taake qabrastan ki zameen ko hamwaar aur behtar banaya ja sake
aur mustaqbil mein kisi bhi qisam ki pareshani pesh na aaye.

Is aham aur falahi kaam mein Champdani ke tamaam bhaiyon ne jis ikhlaas aur jazba-e-khidmat ke saath ta’awun diya,
Fesubagan Qabrastan Committee un sab ka dil ki gehraiyon se shukriya ada karti hai.

Hum Allah Ta’ala ki baaragah mein dua go hain ke
woh aap sab ki is nek koshish ko qubool farmaye
aur iska ajr o sawaab aap ke walidain aur marhoomeen tak pohchaye. Aameen.

Aakhir mein Fesubagan Qabrastan Committee
ek baar phir tamaam ahle-ilaaqah ka teh-dil se shukriya ada karti hai
jo qabrastan ke kaamon mein musalsal ta’awun farma rahe hain.

JazakAllahu khair.

Fesubagan Qabrastan Committee
Secretary – Sohail Loha Wala (Makbul Alam)”

31/12/2025

Allah ke fazl aur aap sab ki duaon ke saath kabrastan me 10 gaadi mitti kamyabi ke saath girai ja chuki hai.
Is kaam me hissa lene wali tamam aawam ka dil se shukriya ada karte hain, jinhone apne chande aur ta’awun se is nek kaam ko mumkin banaya.

Aap sab ke bharose aur madad se kabrastan ki behtri ka kaam aage badh raha hai.
Allah Ta’ala aap sab ke maal aur niyyat me barkat ata farmaye, aur is sadqa-e-jariya ko qubool farmaye. Aameen.

Rabita / Contact: 📞 7686963435

— Kabrastan Secretary
Makbul Alam (Sohel)

Fesubagan Kabrastan – Interior Update & Chanda DetailsFesubagan Kabrastan ke interior kaam aur posters ke zariye chanda ...
31/12/2025

Fesubagan Kabrastan – Interior Update & Chanda Details

Fesubagan Kabrastan ke interior kaam aur posters ke zariye chanda ki tafseel aap sab ke saamne pesh ki ja rahi hai. In posters mein wazeh taur par yeh bataya gaya hai ke kis ne kitni raqam ka ta’awun kiya hai.

Hum Fesubagan ki tamam aawam ka dil se shukriya ada karte hain jinhone bharose aur nek niyyat ke saath is kaam mein hissa liya. Aap sab ke sahyog ke baghair yeh kaam mumkin nahi tha.

Allah Ta’ala tamaam chanda dene walon ko ajr-e-azeem ata farmaye aur is sadqa-e-jariya ko qubool kare. Aage bhi aap sab se guzarish hai ke apni duaon aur ta’awun ke zariye is nek kaam mein saath dete rahein.

31/12/2025

Aap sab ki duaon aur ta’awun se, Alhamdulillah, Fesubagan Kabrastan mein phir se mitti bharai ka kaam shuru ho gaya hai.
Yeh kaam aap sab ke sahyog, bharose aur nek niyyat ka nateeja hai. Jo bhi hazraat is kaam mein apna waqt, mehnat ya maali madad de rahe hain, Allah Ta’ala un sab ko iska behtareen ajr ata farmaye.

Kabrastan se mutaliq yeh kaam murdon ke ehteram aur intezam ke liye nihayat zaroori hai. Aap sab se guzarish hai ke is nek kaam mein apni duaon aur mumkin madad ke zariye saath dete rahein, taake yeh kaam lagataar behtar tareeke se chalta rahe.

Allah Ta’ala hum sab ki khidmat ko qubool farmaye. Aameen.

Assalamualaikum to all.Fesubagan Kabrastan ki Friday collection aur funds ka update.
31/12/2025

Assalamualaikum to all.
Fesubagan Kabrastan ki Friday collection aur funds ka update.

Address

3, RBS Road, Champdani
Baidyabati
712222

Website

Alerts

Be the first to know and let us send you an email when Fesuabagan Burial Ground-Kabrastan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category