MI BADLAPURKAR

08/10/2026

मन सुन्न करणारी बातमी... ज्येष्ठ अभिनेते नाना पाटेकर यांचे निधन

मराठी आणि हिंदी चित्रपटसृष्टीतील दिग्गज अभिनेते नाना पाटेकर यांचे वयाच्या ७५व्या वर्षी निधन झाले. गोव्यातील डोना पाउला येथील त्यांच्या घरी ते बेशुद्ध अवस्थेत आढळले होते. त्यांना तातडीने रुग्णालयात नेण्यात आले, मात्र डॉक्टरांच्या प्रयत्नांनंतरही त्यांना वाचवता आले नाही.

प्राथमिक माहितीनुसार, हृदयविकाराच्या झटक्यामुळे त्यांची प्रकृती अचानक बिघडल्याचे सांगितले जात आहे. अभिनयातील दमदार शैली, प्रभावी संवादफेक आणि अनेक अविस्मरणीय भूमिका यामुळे नाना पाटेकर यांनी भारतीय चित्रपटसृष्टीत स्वतःची वेगळी ओळख निर्माण केली होती.

नाना पाटेकर यांच्या निधनाने चित्रपटसृष्टीने एक अष्टपैलू कलाकार गमावला. भावपूर्ण श्रद्धांजली! 🙏

#नाना_पाटेकर #निधन #भावपूर्ण_श्रद्धांजली #मराठीअभिनेता

06/10/2026

शासकीय कार्यालयांच्या कामकाजासंदर्भातील तक्रारी नोंदविण्यासाठी

‘आपले सरकार – तक्रार निवारण पोर्टल’

#आपलेसरकार

06/10/2026

आज सोनिवलीत जे घडलं, ते फक्त एका कुटुंबाचं दुःख नाही… हा बदलापूरच्या विकासावर प्रश्नचिन्ह निर्माण करणारा प्रकार आहे.

मृतदेहावर अंत्यसंस्कार करण्यासाठी गाडीच्या हेडलाईटचा उजेड घ्यावा लागतो, यापेक्षा दुर्दैवाची गोष्ट काय असू शकते?
देश डिजिटल युगात जातोय, बदलापूर शहर झपाट्याने वाढतंय; पण माणसाच्या शेवटच्या प्रवासासाठी आवश्यक असलेली साधी प्रकाशव्यवस्थाही आपण देऊ शकत नसू, तर विकास नेमका कोणासाठी?
आणि हा प्रश्न फक्त सोनिवलीपुरता नाही.

मांजर्ली स्मशानभूमीची अवस्थाही आपण गंभीरपणे पाहिली पाहिजे.
स्मशानभूमीत प्रकाश, स्वच्छता, सुरक्षितता आणि आवश्यक मूलभूत सुविधा असणे ही काही मोठी मागणी नाही—ही किमान अपेक्षा आहे.
यापूर्वीही बदलापूरमधील स्मशानभूमींचे प्रश्न अनेक वेळा बदलापूरकरांसमोर मांडले आहेत आणि नगरपरिषदेच्या माध्यमातून पाठपुरावा करून अनेक कामे करून घेतली आहेत.
पण आज सोनिवलीत घडलेली घटना सांगते की अजूनही आपल्याला बरंच काम करायचं आहे.
मी महायुतीसोबत आहे. त्यामुळे हा कोणत्याही पक्षावर टीका करण्याचा विषय नाही. आपल्या व्यवस्थेत जिथे कमतरता आहे, ती स्पष्टपणे दाखवून देणे आणि ती सुधारण्यासाठी आवाज उठवणे हीच जनतेशी प्रामाणिक भूमिका आहे.
आज सत्ता कोणाचीही असो, उद्या शेवटचा प्रवास प्रत्येकाचाच आहे.

# #म्हणून दिखाऊ विकासापेक्षा
सोनिवली आणि मांजर्लीच्या स्मशानभूमीसारख्या मूलभूत सुविधांना प्राधान्य द्या**

हा राजकारणाचा विषय नाही…
हा माणुसकीचा प्रश्न आहे!

राम जगताप यांच्या वॉल वरून ...

CMOMaharashtra
Kulgaon Badlapur Municipal Council
Collector Thane

05/10/2026

नदीत गटार आणि किनाऱ्यावर झगमगाट: उल्हास नदीच्या किनाऱ्यावरचा ४० लाखांचा 'अंधार'

​बदलापूर शहराची तहान भागवणारी, इथल्या मातीला समृद्ध करणारी उल्हास नदी आज अक्षरशः गुदमरते आहे.

कुळगाव-बदलापूर नगरपरिषदेचे एसटीपी (STP) प्लांट केवळ नावाला उरले असून, शहरातील गटाराचे, मैलायुक्त दूषित पाणी कोणत्याही प्रक्रियेविना थेट नदीच्या पात्रात ओतले जात आहे. शहराच्या जीवनवाहिनीचे रूपांतर उघड्या गटारगंगेत झाले आहे, पण यावर उपाय शोधण्याची इच्छाशक्ती पालिकेतील लोकप्रतिनिधींकडे नाही.

​त्यांचे प्राधान्यक्रम पूर्णपणे वेगळे आणि संतापजनक आहेत. ज्या नदीचे पाणी शुद्ध करण्यासाठी युद्धपातळीवर निधी आणि प्रयत्न खर्च व्हायला हवेत, तिथे नदीच्या किनारी ४० लाख रुपये उधळून 'दीपस्तंभ' उभारण्याचा घाट घातला जात आहे. हा निव्वळ उथळ विकास नसून, करदात्या नागरिकांची आणि निसर्गाची क्रूर थट्टा आहे.

​एसटीपी प्लांट दुरुस्त करून नदीला प्रदूषणमुक्त करण्याऐवजी, किनारा सुशोभित करून लोकप्रतिनिधी नेमका कोणता उजेड पाडणार आहेत? कदाचित, या ४० लाखांच्या दीपस्तंभाच्या प्रकाशात नदीवर तरंगणारा रासायनिक फेस, साचलेले प्लास्टिक आणि गटाराचे पाणी रात्रीच्या वेळी जास्त 'तेजस्वी' दिसावे, हाच यामागचा उदात्त हेतू असावा!

​मूळ आजारावर उपचार न करता केवळ चेहऱ्याला पावडर लावून मिरवण्याचा हा प्रकार आहे. नदीत विष कालवायचे आणि किनाऱ्यावर दिवे लावायचे, यातून या व्यवस्थेचे मानसिक दिवाळखोरीचे दर्शन घडते. बदलापूरकरांनी आता लोकप्रतिनिधींना जाब विचारण्याची वेळ आली आहे की, आपल्याला शुद्ध पाणी आणि जिवंत नदी हवी आहे, की मृत नदीच्या किनाऱ्यावर उभा असलेला ४० लाखांचा शोभेचा खांब?

MI BADLAPURKAR

#बदलापूर


Collector Thane
CMOMaharashtra
Kulgaon Badlapur Municipal Council

04/10/2026

सुशोभीकरणाचा दिखावा, मूलभूत सुविधांचा बोजवारा!

​🛑 ४० लाखांचा दिखावा: उल्हास नदीकिनारी ४० लाख रुपये खर्च करून 'दीपस्तंभ' उभारला जातोय...

​🛑 पण नदीचे काय?: ...मात्र त्याच दीपस्तंभाशेजारील नाल्यातून कोणतीही प्रक्रिया न करता सांडपाणी थेट उल्हास नदीत सोडले जात आहे. प्रदूषणावर उपाययोजना शून्य!

​🛑 अंधाराचा प्रवास: उल्हास नदीवर नवीन पूल बांधून २ वर्षे पूर्ण झाली, तरीही साधे पथदिवे (Road Lights) लावलेले नाहीत. नागरिकांच्या सुरक्षेशी खेळ का?

​🛑 खड्ड्यांचे शहर: बदलापूर शहरात असा एकही मुख्य रस्ता नाही जिथे खड्डे नाहीत.

"फक्त दिखाव्यावर लाखो उडवणाऱ्या आपल्या लोकप्रतिनिधींचे डोके ठिकाणावर आहे का?"

#बदलापूर

02/10/2026

ऑनलाइन राजपत्र

ओळखीचा पुरावा (कोणतेही एक) - पासपोर्ट, पॅनकार्ड, आधार कार्ड, मतदार ओळखपत्र, रोजगार हमी जॉब कार्ड, निमशासकीय ओळखपत्र, वाहनचालक परवाना

पत्त्याचा पुरावा (कोणतेही एक) - वीज बिल, भाडे पावती, शिधापत्रिका, दूरध्वनी देयक, पाणीपट्टी पावती, मालमत्ता कर पावती, सातबारा, आठ-अ उतारा

इतर दस्तऐवज (कोणतेही एक) - प्रतिज्ञापत्र, जन्म दाखला, शाळा सोडल्याचा दाखला, लग्न प्रमाणपत्र

सेवा मिळण्याचा कालावधी 15 दिवस

#आपले_सरकार

26/09/2026

बदलापूरकरांच्या नशिबी फक्त गढूळ पाणीच का?
​शहरात सर्वत्र गढूळ आणि दूषित पाण्याचा पुरवठा होत असल्याने नागरिकांचे आरोग्य धोक्यात आले आहे. घराघरातील नळांमधून, अगदी किचनमध्ये सुद्धा अक्षरशः माती मिश्रित पाणी येत आहे. सामान्य नागरिक पिण्याच्या पाण्यासाठी त्रस्त आहेत, पण प्रशासन मात्र सुस्त आहे! 😡

​👉 Follow & Tag:

​

26/09/2026