Agali Sub-Division Police

01/09/2026

പാലക്കാട് ജില്ലാ ആന്വൽ പോലീസ് സ്പോർട്സ് മീറ്റ് 2026-27 അത്‌ലറ്റിക് മത്സരങ്ങളിൽ അഗളി സബ് ഡിവിഷന് ഓവർ ഓൾ ചാംപ്യൻഷിപ്.

പാലക്കാട് ജില്ലാ ആന്വൽ പോലീസ് സ്പോർട്സ് മീറ്റ് 2026-27 അത്‌ലറ്റിക് മത്സരങ്ങൾ 31-08-2026 & 01-09-2026 തിയ്യതികളിലായി പാലക്കാട് ഗവണ്മെന്റ് മെഡിക്കൽ കോളേജ് സിന്തറ്റിക് ട്രാക്ക് ഗ്രൗണ്ടിൽ നടന്നു. ജില്ലയിലെ 8 സബ് ഡിവിഷനുകളിൽ നിന്നും 500 ഓളം താരങ്ങൾ പങ്കെടുത്ത കായിക മാമാങ്കത്തിൽ, മറ്റ് സബ് ഡിവിഷനുകളെ ബഹുദൂരം പിന്നിലാക്കി 178 പോയിന്റുമായി അഗളി സബ് ഡിവിഷൻ ഈ നേട്ടം കരസ്ഥമാക്കിയത് (രണ്ടാം സ്ഥാനക്കാരായ പാലക്കാട് സബ് ഡിവിഷന് 156 പോയ്ന്റ്സ്). അഗളി DySP ശ്രീ. അശോകൻ സാറിന്റെയും അഗളി SI ശ്രീ.ഹർഷാദ് സാറിന്റെയും
നേതൃത്വത്തിൽ അഗളി സബ് ഡിവിഷനെ പ്രതിനിധീകരിച്ച് അഗളി, ഷോളയൂർ , പുതൂർ എന്നീ പോലീസ് സ്റ്റേഷനിലെ പോലീസ് സേനാംഗങ്ങളും, ANF,SOG,തണ്ടർബോൾട്ട് സേനാംഗങ്ങളും , ഹോം ഗാർഡ് സേനാംഗങ്ങളും ശക്തമായ പ്രകടനമാണ് കാഴ്ചവച്ചത്. വിവിധ പ്രായപരിധിയിൽ നടന്ന മത്സരങ്ങളിൽ മറ്റ് സബ് ഡിവിഷനെകാളും അഗളി സബ് ഡിവിഷനിൽ മത്സരാത്ഥികൾ കുറവായിരുന്നിട്ട് പോലും പങ്കെടുത്ത ഇനങ്ങളിൽ എല്ലാം മെഡൽ നേടാൻ എല്ലാവരും കഴിവിന്റെ പരമാവധി ശ്രമിച്ചു എന്നത് പ്രശംസിനീയമാണ്. പുരുഷ-വനിതാ വിഭാഗങ്ങളിലെ 4x100 mtr & 4x400 mtr റിലേ മത്സരങ്ങളിൽ അഗളി സബ് ഡിവിഷന്റെ സർവാധിപത്യമാണ് കാണാൻ കഴിഞ്ഞത്. മേളയുടെ തിളക്കമാർന്ന ഇനമായ വടംവലിയിൽ വനിതകൾ ഒന്നാം സ്ഥാനവും കരസ്ഥമാക്കി.

വിജയികൾക്ക് എല്ലാവിധ ആശംസകളും 👏👏

15/08/2026

സ്വാതന്ത്ര്യ ദിന ആശംസകൾ🇮🇳

04/08/2026

ലഹരി മാഫിയയുടെ വേരറുക്കാനായി കേരള സർക്കാർ ആരംഭിച്ച "OPERATION TOOFAN - THE NARCO HUNT" എന്ന പദ്ധതിയുടെ ഭാഗമായി ബഹുമാനപ്പെട്ട പാലക്കാട് ജില്ലാ പോലീസ് മേധാവി അബ്‌ദുൽ റാഷി IPS അവർകൾക്ക് ലഭിച്ച രഹസ്യ വിവരത്തിൻെറ അടിസ്ഥാനത്തിൽ, ഇന്ന് 04.08.2026 തീയതി പുതൂർ പോലീസ് സ്റ്റേഷൻ എസ് എച്ച് ഒ എസ് ഐ ശ്രീ. സുനിൽ, DANSAF എസ് ഐ ശ്രീ. സുഭാഷ്. എം , Poobation എസ് ഐ എന്നിവരുടെ നേതൃത്വത്തിൽ അഗളി സബ് ഡിവിഷനിലെ DANSAF അംഗങ്ങളായ അബു ജാഫർ, ഹരിദാസ്, സാജിദ്, അനുരാജ്, രാകേഷ്, ചാത്തൻ, ANF സേനാംഗങ്ങളായ CPO 7402 സുധീഷ് സി, CPO 7489 അജിത് ഒ.ജി , CPO 7423 ഹരിദാസ് , DVR സുഭാഷ്, SOG ടീമംഗങ്ങളായ CMDO 7281 ശ്രീകാന്ത് എസ് CMDO 7334 സഫ്ധാർ SOG PC 10560 രേവന്ത്, SOG PC 10600 വിഷ്ണു , SOG PC 10684 അനുഷാദ് എൻ എന്നിവരും ചേർന്ന് നടത്തിയ റെയ്ഡിൽ പുതൂർ പഞ്ചായത്തിലെ ഇടവാണി ഉന്നതിയിൽ നിന്നും ഏകദേശം 10 കിലോമീറ്റർ ദൂരത്തിലുള്ള വനമേഖലയിൽ ഇടവാണി മലയുടെ കിഴക്കെ മലയടിവാരത്തു ഷെഡ്ഡ് കെട്ടിയും 260 തടങ്ങളിലായി 5 മാസം പ്രായമുള്ള 1400 ഓളം കഞ്ചാവ് ചെടികൾ കൃഷി ചെയ്തിട്ടുള്ളതായി കണ്ടെത്തി തീയിട്ട് നശിപ്പിച്ചു.

02/08/2026

🤙🏻112

02/08/2026

15/07/2026

ഓപ്പറേഷൻ തൂഫാൻ്റെ ഭാഗമായി പാലക്കാട് ജില്ലാ പോലീസ് മേധാവി A അബ്ദുൽ റാഷി IPS ൻ്റെ നിർദ്ദേശപ്രകാരം അഗളി DYSP യുടെ നേതൃത്വത്തിൽ അഗളി സബ് ഡിവിഷൻ DANSAF ടീമും അഗളി പോലീസും ചേർന്ന് നടത്തിയ പരിശോധനയിൽ അട്ടപ്പാടിയിലേക്ക് അനധികൃത വില്പനക്കായി എത്തിച്ച 18 ലിറ്റർ ഇന്ത്യൻ നിർമിത വിദേശ മദ്യവുമായി ഒരാൾ അറസ്റ്റിൽ. പ്രദീഷ്.പി വ:38 ,S/o പ്രസാദ്, താഴുമഠത്തിൽ വീട്, കോട്ടമല ,ചിറ്റൂർ, അഗളി എന്നയാളെയാണ് അഗളി പോലീസ് അറസ്റ്റ് ചെയ്തത്, ടിയാനെതിരെ ബന്ധപ്പെട്ട നിയമ നടപടികൾ സ്വീകരിക്കുകയും ചെയ്തു.

15/07/2026

മയക്കുമരുന്ന് വ്യാപനത്തിനെതിരെ നടത്തുന്ന ഓപ്പറേഷൻ തൂഫാൻ്റെ ഭാഗമായി പാലക്കാട് ജില്ലാ പോലീസ് മേധാവി A അബ്ദുൽ റാഷി IPS ൻ്റെ നിർദ്ദേശപ്രകാരം അഗളി DYSP യുടെ നേതൃത്വത്തിൽ അഗളി DANSAF ടീമും പുതൂർ പോലീസും ചേർന്ന് നടത്തിയ പരിശോധനയിൽ പുതൂർ പഞ്ചായത്തിലെ തേക്കുപനക്ക് അടുത്തുള്ള ചെന്താമലയുടെയും ഗൊബ്ബകണ്ടി മലയുടെയുടെയും ഇടയിലുള്ള കുടുംബകര തോടിനോട് ചേർന്ന് സൂക്ഷിച്ച വിളഞ്ഞ 1250 ലിറ്ററോളം വാഷും വാറ്റ് ഉപകരണങ്ങളും കണ്ടെത്തി നശിപ്പിച്ചു.

09/07/2026

"OPERATION TOOFAN - THE NARCO HUNT"
ലഹരി ഉപയോഗവും വ്യാപനവും തടയുന്നതിനായി സംസ്ഥാന വ്യാപകമായി നടപ്പിലാക്കുന്ന 'ഓപ്പറേഷൻ തൂഫാൻ' പദ്ധതിയുടെ ഭാഗമായി അഗളിയിൽ ബോധവൽക്കരണ ക്ലാസ് സംഘടിപ്പിച്ചു. അഗളി EMS പഞ്ചായത്ത് ഹാളിൽ വെച്ച് നടന്ന പരിപാടി അഗളി സബ് ഡിവിഷണൽ പോലീസ് ഓഫീസർ (DYSP) ശ്രീ. ജിം പോൾ അവർകളുടെ സാന്നിധ്യത്തിൽ ഒട്ടേറെ ജനപങ്കാളിത്തത്തോടെയാണ് അരങ്ങേറിയത്.
യുവതലമുറ ലഹരിക്ക് എതിരെ ജാഗരൂകരാകേണ്ടതിൻെറ ആവശ്യകതയെക്കുറിച്ചും, ലഹരിമുക്തമായ ഒരു സമൂഹം കെട്ടിപ്പടുക്കുന്നതിൽ പൊതുജനങ്ങളുടെ പങ്കിനെക്കുറിച്ചും സ്പെഷ്യൽ ബ്രാഞ്ച് സബ് ഇൻസ്പെക്ടർ (SI) ശ്രീ. അബ്ദുൽ നജീബ് വിശദമായ ക്ലാസ് നയിച്ചു. ലഹരിയുടെ കെണിയിൽ പെടാതിരിക്കാൻ വിദ്യാർത്ഥികളും സമൂഹവും പുലർത്തേണ്ട ജാഗ്രതയെക്കുറിച്ച് അദ്ദേഹം ക്ലാസിൽ ഊന്നിപ്പറഞ്ഞു.
പരിപാടിയിൽ എസ്.പി.സി (SPC) വിദ്യാർത്ഥികൾ, അധ്യാപകർ, കോളേജ് വിദ്യാർത്ഥികൾ, എസ്.ടി (ST) പ്രൊമോട്ടർമാർ, പൊതുജനങ്ങൾ എന്നിവരടക്കം ഏകദേശം 300 -ഓളം പേർ പങ്കെടുത്തു. സമൂഹത്തിൽ നിന്ന് ലഹരി പൂർണ്ണമായും ഉന്മൂലനം ചെയ്യുന്നതിനായി പോലീസും പൊതുജനങ്ങളും ഒത്തുചേർന്നുള്ള ഇത്തരം പ്രതിരോധ പ്രവർത്തനങ്ങൾ വരും ദിവസങ്ങളിലും ശക്തമായി തുടരുമെന്ന് അധികൃതർ അറിയിച്ചു.

06/07/2026

പാലക്കാട് ജില്ലയിൽ വിവിധ ഘട്ടങ്ങളിലായി ശേഖരിക്കപ്പെട്ടിട്ടുള്ളതും നിലവിൽ തീർപ്പാക്കാതെ അവശേഷിക്കുന്നതുമായ ട്രാഫിക് ഇ-ചെലാൻ (Traffic E-Challan) കേസുകൾ നിശ്ചിത സമയപരിധിക്കുള്ളിൽ ജനകീയ പങ്കാളിത്തത്തോടെ തീർപ്പാക്കുന്നു. ഇതിൻെറ ഭാഗമായി സബ് ഡിവിഷൻ തലങ്ങളിൽ ട്രാഫിക് അദാലത്തുകൾ നടത്താൻ ലഭിച്ച നിർദ്ദേശപ്രകാരം, അഗളി സബ് ഡിവിഷൻ തല അദാലത്ത് 09.07.2026 തീയതി നടക്കും.
മേലെ അഗളിയിൽ പ്രവർത്തിക്കുന്ന ഇ.എം.എസ്. പഞ്ചായത്ത് ഹാളിൽ വെച്ച് രാവിലെ 10:00 മണി മുതൽ ഉച്ചയ്ക്ക് 02:00 മണി വരെയാണ് അദാലത്ത് നിശ്ചയിച്ചിരിക്കുന്നത്.
പൊതുജനങ്ങൾക്ക് തങ്ങളുടെ പേരിൽ പെൻഡിംഗിലുള്ള ട്രാഫിക് ഇ-ചെലാൻ കേസുകൾ വേഗത്തിലും എളുപ്പത്തിലും ഈ അദാലത്തിലൂടെ തീർപ്പാക്കാവുന്നതാണ്.
അഗളി സബ് ഡിവിഷൻ പരിധിയിലുള്ള മുഴുവൻ വാഹന ഉടമകളും പൊതുജനങ്ങളും ഈ അവസരം പരമാവധി പ്രയോജനപ്പെടുത്തണമെന്ന് അറിയിക്കുന്നു.