കോതങ്കൽ ഗ്രാമ സേവാ സമിതി

14/04/2022

ഐശ്വര്യപൂർണ്ണമായ പുതുവർഷാരംഭത്തിൽ, മലയാളികൾക്ക് ഒരു വിഷുകൈനീട്ടം, രാഷ്ട്രീയ സ്വയംസേവക സംഘത്തിൻ്റെ സേവാ വിഭാഗങ്ങളുടെ വെബ്സൈറ്റ് മലയാളത്തിലും, നാളെ വിഷു ദിനത്തിൽ സംഘത്തിൻ്റെയും സേവാഭാരതിയുടെയും മറ്റു പ്രശസ്ത വ്യക്തിത്വങ്ങളുടെയും സാന്നിദ്ധ്യത്തിൽ തിരുവനന്തപുരം പ്രെസ്സ്ക്ലബ്ബിൽ വെച്ച് സംഘത്തിൻറെ അഖില ഭാരതീയ സഹ സേവാപ്രമുഖ് ശ്രീ രാജകുമാർ മട്ടാലാജി ഉദ്‌ഘാടനം ചെയ്യുന്നു

#കൂടെയുണ്ട്_സേവാഭാരതി
#മാനവസേവാ_മാധവസേവ

14/04/2022

02/04/2022

അന്നദാന മഹായജ്ഞം - കൊടുങ്ങല്ലൂർ മീനഭരണി

കൊടുങ്ങല്ലൂർ സേവാഭാരതി യുടെയും കൊടുങ്ങല്ലൂരിലെ മുഴുവൻ ഹൈന്ദവ സാമുദായിക സേവാ സന്നദ്ധ സാംസ്കാരിക സംഘടനകളുടെയും സംയുക്ത ആഭിമുഖ്യത്തിൽ മീനഭരണിയോടനുബന്ധിച്ച് ഭക്തജനങ്ങൾക്ക് അന്നദാന മഹായജ്ഞം ആരംഭിച്ചു.

പ്രൊഫ. നാരായണൻകുട്ടി മേനോൻ അവർകളുടെ അദ്ധ്യക്ഷതയിൽ കൂടിയ യോഗത്തിൽ ദേവസ്വം ബോർഡ് പ്രസിഡണ്ട് ശ്രീ വി നന്ദകുമാർ ഉദ്ഘാടന കർമ്മം നിർവഹിച്ചു. രാഷ്ട്രീയ സ്വയംസേവക സംഘം ക്ഷേത്രീയ സഹകാര്യവാഹ് ശ്രീ എം രാധാകൃഷ്ണൻ സേവാസന്ദേശം നൽകി. ദേവസ്വം ബോർഡ് അസിസ്റ്റൻറ് കമ്മീഷണർ ശ്രീ സുനിൽ കർത്ത, ദേവസ്വം ബോർഡ് മെമ്പർ ശ്രീ എം ജി നാരായണൻ എന്നിവർ ആശംസകൾ അർപ്പിച്ചു. ഈ വർഷത്തെ രാഷ്ട്രപതിയുടെ 'നാരി പുരസ്കാർ' അവാർഡ് ജേതാവ് ക്യാപ്റ്റൻ രാധിക മേനോനെ ചടങ്ങിൽ ആദരിച്ചു. ഹിന്ദു ഇക്കണോമിക് ഫോറം കൊടുങ്ങല്ലൂർ ചാപ്റ്ററിന് വേണ്ടി പ്രസിഡണ്ട് ഡോ. വാസുദേവ പണിക്കർ ധനസമർപ്പണം നടത്തി. എ.എൻ ജയൻ, അഡ്വക്കേറ്റ് എം. ത്രിവിക്രമനടികൾ എന്നിവർ പ്രസംഗിച്ചു. മേജർ ജനറൽ ഡോക്ടർ പി വിവേകാനന്ദൻ, ബ്രഹ്മശ്രീ സത്യധർമൻ അടികൾ, കെ.എസ് പത്മനാഭൻ എന്നിവർ ചടങ്ങിൽ സംബന്ധിച്ചു.

#അന്നദാനം_മഹാദാനം
#കൂടെയുണ്ട്_സേവാഭാരതി

29/03/2022

ദേശീയ പണിമുടക്കിൽ ഒരു നേരത്തെ ഭക്ഷണത്തിനുവേണ്ടി ബുദ്ധിമുട്ട് നേരിട്ട കോഴിക്കോട് റെയിൽവേ സ്റ്റേഷനിലെ യാത്രക്കാർക്ക് ആശ്വാസമായി കോഴിക്കോട് സേവാഭാരതി പ്രവർത്തകർ....

ചേവരമ്പലം വാർഡ് കൗൺസിലർ ശ്രീമതി സരിത ഭക്ഷണ വിതരണ ഉദ്ഘാടനം നിർവഹിച്ചു. പാറോപ്പടി നഗർ സേവാ പ്രമുഖ് ശ്രീ സിബി, സേവാഭാരതി മീഞ്ചന്ത (ചാലപ്പുറം നഗരം) സെക്രട്ടറി സഹദേവൻ, ജോയിൻ സെക്രട്ടറി ഹരിദാസൻ , സേവാഭാരതി കല്ലായി ഉപനഗർ ജോയിൻറ് കൺവീനർമാരായ പയ്യാനക്കൽ അരുൺ, ശ്രീരാഗ് എന്നിവർ നേതൃത്വം നൽകി.

01/03/2022

ലോകത്തിന് മുന്നില്‍ ത്യാഗത്തിന്റെ ഭൂമികയായി വിളങ്ങുന്ന ഒരേയൊരു ദേശമേയുള്ളൂ, അതാണ് ഭാരതം. ത്യാഗനിര്‍ഭരതയാണ് ഭാരതത്തിന്റെ സവിശേഷത. നമ്മുടെ സംസ്‌കാരത്തില്‍, അതുള്‍ച്ചേരുന്ന ആഘോഷങ്ങളില്‍ എല്ലാമെല്ലാം ത്യാഗത്തിന്റേതായ സമര്‍പ്പണ ഭാവം ദര്‍ശിക്കാം. അപ്രകാരം പ്രപഞ്ചത്തിലെ സര്‍വ്വ ചരാചരങ്ങള്‍ക്കുവേണ്ടിയും സ്വയം ത്യജിക്കാന്‍ സന്നദ്ധനായ മഹായോഗിയാണ് മഹാദേവന്‍. ഭഗവാന്റെ സ്വയം സമര്‍പ്പണത്തിന്റെ പൂര്‍ണ്ണതയ്ക്കുവേണ്ടി പത്‌നിയായ പാര്‍വ്വതി ദേവിയും മറ്റ് ദേവഗണങ്ങളും പ്രപഞ്ചമൊന്നാകെയും പ്രാര്‍ത്ഥനാ നിരതമായ ദിനമാണ് മഹാശിവരാത്രിയായി ആചരിക്കുന്നത്.

പ്രകൃതിയിലുള്ളതെല്ലാം തനിക്ക് വേണ്ടിയാണെന്ന ചിന്തയാണ് മനുഷ്യനെ ഭരിക്കുന്നത്. പിടിച്ചടക്കലാണ് അവന്റെ സ്വഭാവം. സ്വാര്‍ത്ഥതയാണ് അവനെ നയിക്കുന്നത്. ഇതാണ് ഇന്ന് ലോകത്ത് പ്രകടമാകുന്ന സ്ഥിതിവിശേഷം. ഫലമോ മഹാമാരികളും പ്രകൃതി ദുരന്തങ്ങളും രാഷ്ട്രങ്ങള്‍ തമ്മിലുള്ള പോര്‍വിളികളും എല്ലാം കൂടിച്ചേര്‍ന്ന് ലോകത്തിന്റെ താളാത്മകത പോലും നഷ്ടമായി. ഇവിടെയാണ് ശിവരാത്രിക്ക് പിന്നിലുള്ള മഹാത്യാഗത്തിന്റെ ദര്‍ശനം പവിത്രമാകുന്നത്. സഹനത്തിന്റെ സൗന്ദര്യം വെളിപ്പെടുന്നത്. മനുഷ്യന് ഇന്ന് അന്യമായ ആ ഗുണം അവനിലേക്ക് വീണ്ടും വന്നുചേരട്ടെ എന്ന പ്രാര്‍ത്ഥനയോടെയാവണം ശിവരാത്രി ആചരണം.

26/02/2022

സേവാഭാരതി മഹാ ശിവരാത്രിദിനം സമർപ്പണത്തിനായി മാറ്റിവെച്ചിട്ട് വർഷങ്ങളായി.. സേവാഭാരതി നടത്തുന്ന സേവന പ്രവർത്തനങ്ങളിൽ സജ്ജനങ്ങളുടെ പങ്കാളിത്തമാണ് അത് കൊണ്ട് ഉദ്ദേശിക്കുന്നത്.

സമാജത്തിൽ നഗരവാസികൾ, ഗ്രാമവാസികൾ, വനവാസികൾ എന്നീ മൂന്നു വിഭാഗമാണുള്ളത്. വനവാസി സമൂഹം ഇപ്പോഴും നിത്യ ദുരിതത്തിലാണ് എന്നത് വാസ്തവമായി അവശേഷിക്കുന്നുതാനും. പട്ടിണി മരണവും, പോഷകാഹാരക്കുറവും, സാമൂഹ്യ സുരക്ഷയുമില്ലാതെ ദുരിതങ്ങൾ പേറുന്നവരായി ഇന്നും അവർ കഴിയുന്നു. പല അജ്ഞാതരോഗങ്ങളും കൊണ്ട് രക്ഷാമാർഗ്ഗമില്ലാതെ വലയുന്ന ഈ സമൂഹത്തിലേക്കാണ് സേവനത്തിന്റെ മൂലമന്ത്രവുമായി സേവാഭാരതി വർഷങ്ങൾക്കു മുമ്പ് കടന്നുചെല്ലുന്നത്. ഇവരെ മുഖ്യധാരയിലേക്കു കൊണ്ടുവരുന്നതിനുള്ള ഉത്തരവാദിത്വം നഗരവാസികളിലും ഗ്രാമവാസികളും നിക്ഷിപ്‌തമാണ്.

സേവാഭാരതി ശിവരാത്രി ദിനത്തിൽ നടത്തുന്ന സേവാനിധി ധനശേഖരണം അതിനുള്ളതാണ്. നമ്മുടെ ഓരോരുത്തരുടെയും കടമയും കർത്തവ്യവുമാണ് സമാജത്തിലെ അവസാന വരിയിലെ അവസാന വ്യക്തികളെയും ഉയർത്തിക്കൊണ്ടുവരുക എന്നത്. കൂടാതെ ഒറ്റപെട്ടുകിടക്കുന്ന വനവാസി ഊരുകൾ സ്‌മൃദ്ധിയുടെ കേന്ദ്രങ്ങളായി മാറ്റേണ്ടതുമുണ്ട്.
സേവനിധിയിലൂടെ സമർപ്പിക്കുന്ന ഏതൊരു ചെറിയ സംഭാവനയും ഈ പ്രവർത്തനത്തിന് കരുത്തേകും..

നന്മയ്ക്കായി...
നല്ലൊരു നാളേക്കായി...
നമ്മുക്കൊരുമിക്കാം....

സേവാഭാരതി #സേവാനിധി സമാഹരണം
2022 ഫെബ്രുവരി 27 മുതൽ മാർച്ച് 3 വരെ



#സേവനം_സമർപ്പണത്തിലൂടെ

20/02/2022

# സേവനം_സമർപ്പണത്തിലൂടെ



1980 ൽ വാപ്പാലിശ്ശേരി ഗ്രാമം ദത്തെടുത്തുകൊണ്ടാണ് രാഷ്ട്രീയ സ്വയംസേവക് സംഘത്തിന്റെ സേവന വിഭാഗമായ ഗ്രാമ സേവാ സമിതിയുടെ പ്രവർത്തനം തുടങ്ങുന്നത്, അധികം താമസിക്കാതെ, 1989-ൽ കുട്ടികളെ പരിപാലിക്കുന്നതിനായി സംഘടിപ്പിച്ച ഒരു ചാരിറ്റബിൾ സ്ഥാപനമാണ് മാതൃച്ഛായ ബാലഭവൻ.,
അത്തരമൊരു സ്ഥാപനം ആരംഭിക്കാൻ അവരെ പ്രേരിപ്പിച്ചത് "ഒരു ആൺകുട്ടിയും പെൺകുട്ടിയും ഭാരതത്തിൽ അനാഥരായി ജീവിക്കേണ്ടതില്ല" എന്ന സ്വർഗീയ ബാലസാഹിബ് ദേവറസ് ജിയുടെ വാക്കുകളാണ്. സമൂഹത്തിലെ നിരവധി ബാലഭവനുകളിൽ മാതൃച്ഛായ ബാലഭവൻ, പേര് അർത്ഥവത്താക്കിക്കൊണ്ട്, ഈ സ്ഥാപനത്തെ 'ഗുരുകുല' സമ്പ്രദായത്തിൽ നിശ്ചയിച്ചത് തീർത്ഥപാദ പരമ്പരയിലെ സന്ന്യാസിയായ ശ്രീമദ് ഗരുഡധ്വജാനന്ദ സ്വാമികളാണ്. ഗുരു സങ്കല്പത്തിൽ നിന്ന് അതിവേഗം അകന്നുപോകുന്ന ആധുനിക ലോകത്തിന് ഇത് പ്രചോദനമായിട്ടുണ്ട്.

ഗ്രാമ സേവാ സമിതിക്ക്, ബാലഭവൻ ഒരു തുടക്കം മാത്രമായിരുന്നു, അന്ധരായ സ്ത്രീകൾക്ക് വേണ്ടി, അവരെ സമൂഹത്തിൽ കൈ പിടിച്ചുയർത്തുന്നതിനു വേണ്ടിയുള്ള ഭക്തസൂർദാസ് സ്വാശ്രയ കേന്ദ്രം, ബാലികമാർക്കു വേണ്ടി മാധവം ബാലിക സദനം, ഗ്രാമത്തിൽ രോഗങ്ങൾകൊണ്ട് ബുദ്ധിമുട്ടനുഭവിക്കുന്നവർക്കു വേണ്ടി സാന്ത്വനം പാലിയേറ്റീവ് കെയർ, പ്രായമായവർക്ക് താങ്ങായി വാനപ്രസ്ഥ കേന്ദ്രം എന്നിവ ഗ്രാമസേവാസമിതിയുടെ പ്രവർത്തന മികവിൻറെ മകുടോദാഹരണങ്ങൾ ആണ്. ഗ്രാമത്തെ പരമ വൈഭവത്തിൽ എത്തിക്കുന്നതിന് വേണ്ടിയുള്ള പ്രവർത്തനത്തിൽ മുഴുകി ലക്ഷ്യത്തിലേക്കടുക്കുകയാണ് സമിതി പ്രവർത്തകർ

നന്മയ്ക്കായി...
നല്ലൊരു നാളേക്കായി...
നമ്മുക്കൊരുമിക്കാം...

https://youtu.be/RZKQUgpgSuo

സേവാഭാരതി സേവാനിധി സമാഹരണം
2022 ഫെബ്രുവരി 27 മുതൽ മാർച്ച് 3 വരെ

സേവാഭാരതിയുടെ സേവാപ്രവർത്തനങ്ങൾ തുടർന്നും ലഭിക്കാൻ
യൂട്യൂബ് ചാനൽ സബ്സ്ക്രൈബ് ചെയ്യുമല്ലോ..
https://www.youtube.com/c/SevaKeralam

1980 ൽ വാപ്പാലിശ്ശേരി ഗ്രാമം ദത്തെടുത്തുകൊണ്ടാണ് രാഷ്ട്രീയ സ്വയംസേവക് സംഘത്തിന്റെ സേവന വിഭാഗമായ ഗ്രാമ സേവാ സമി.....