Erumakkad

19/05/2024

20/11/2023

മരങ്കൊത്തി : ... .. സവിശേഷആകൃതിയും പ്രകൃതിയും പ്രവൃത്തിയുംകൊണ്ട് എന്നെ ഏറെ ആകർഷിച്ചിട്ടുള്ള , രസിപ്പിച്ചിട്ടുള്ള , വിസ്മയിപ്പിച്ചിട്ടുള്ള ഒരു വികൃതിയാണിയാൾ . തത്തിത്തത്തി മരത്തിൽക്കൊത്തിക്കൊത്തി മുന്നേറുന്ന , മൂന്നും നാലും അഞ്ചും അംഗങ്ങളുള്ള മരംകൊത്തിസംഘത്തെ സകൗതുകം പിന്തുടരുന്നതു ബാല്യകൗമാരങ്ങളിൽ എനിക്കൊരു ഹരമായിരുന്നു . ... .. തരുവരന്മാരുടെ ഫാമിലി ഡോക്ടർമാരാണ് , സർജ്ജന്മാരാണ് ഇവർ . അന്നൊക്കെ എവിടെയും കണാമായിരുന്ന , ചെമ്പൻതൊപ്പിവച്ച ഈ ' മരക്കൊത്തൻ അപ്പോത്തിക്കിരിമാരെ ' വളരെ അപൂർവ്വമായേ ഇപ്പോൾ കാണാൻ കഴിയുന്നുള്ളു എന്നതിൽ ഈയുള്ളവൻ ഖിന്നനാണ് .

05/03/2018

So beautiful

02/03/2018

ബിവറേജസ് വധം ( നാടൻ തുള്ളൽ )
************************************************

പല ദേശത്തിൽ പല രൂപത്തിൽ
പല പല രീതിയിൽ വാറ്റീടുന്നവ
പേരുകൾ മൂലം ബ്രാൻഡുകൾ മൂലം
പലവിധമായ നിറങ്ങൾ മൂലം
പലതായ് തോന്നും മദ്യം അതെല്ലാം
പലതല്ലൊന്നാ,ണോർക്കുക നിങ്ങൾ.
- 2 -
റമ്മുകൾ , ബ്രാണ്ടികൾ , വോഡ്കകളൊക്കെ
ജിന്നുകൾ , വിസ്കി വിടന്മാരൊക്കെ
ഇവിടെ ജനിച്ചു മരിച്ചീടുന്നവർ
ഇവിടെ ഹരിച്ചു ഗുണിച്ചീടുന്നവർ .
- 3 -
ഇവരെ ശീമക്കാരായ് കരുതും
ചാത്തൻ സാത്താൻ എന്ന് നിനയ്ക്കും
മദ്യപർ കൺട്രികൾ മരമണ്ടന്മാർ
വിഡ്ഢി - വിരൂപ പേക്കോലങ്ങൾ .
- 4 -
കൊറിയയിൽ ക്യൂബയിൽ പല ദേശത്തും
നാടൻ വാറ്റി , നാടുകൾ നന്നായ്
നാം ഈ നാടിൻ നന്മക്കായ് തനി -
നാടൻ വാറ്റുക നാട്ടാർക്കായ് .
- 5 -
റഷ്യയിൽ ചീനയിൽ ഇൻഡോ - ചീനയിൽ
കൊറിയയിൽ ക്യൂബയിൽ ലാറ്റിൻ കാട്ടിൽ
വിപ്ലവകാരി പിള്ളേർ തന്നെ
നാടൻ അടിച്ചു നടന്നിട്ടില്ലേ ?
- 6 -
കള്ളധ്വരയുടെ ചീട്ടില്ലെങ്കിൽ
കഥകളി പോലും കഥയില്ലാക്കളി
വെള്ളത്തൊലിയുടെ ലേബൽ പോയാൽ
ഉള്ളിത്തൊലിയുടെ വിലയില്ലെന്നോ ?
- 7 -
കുപ്പിയിൽ നുരയും നാടൻ വാറ്റുകൾ
കുപ്പ മണക്കും നാടൻ പാട്ടുകൾ
ഓരോ ഗ്ലാസിൽ ഊറ്റി നിറച്ചാൽ
ഓരോ നൂറും ഒരു ശ്ലോകം .
- 8 -
ഇവിടെ ജനിച്ചവർ ഇവിടിനി വാറ്റും
ഇവിടെ തന്നെ വാറ്റി മരിക്കും
‘ഐ എം എഫ് എൽ’ വേണ്ടാ ഇവിടെ
മണ്ണിൻ മക്കൾ വാദം തന്നെ .
- 9 -
ഒഴുകട്ടങ്ങനെ നെല്ലിൻ വെള്ളം
തോടുകൾ തോറും നദികളിലേക്ക്‌
നദി ജല പാനം ചെയ്തീടുന്നവർ
ലഹരിയിൽ മുങ്ങി മദിച്ചീടട്ടെ .
- 10 -
പുഴയിലെ വെള്ളം കടലലയായി
പുഴവെള്ളം പുതു കടലുകൾ നീന്തി
ലഹരി സുനാമി തിരകൾ പോലെ
ഭുവനമതാകെ നിറഞ്ഞീടട്ടെ .
-------------------------------------------------------------------------------------------------
൧ . ഐ എം എഫ് എൽ = ഇന്ത്യൻ നിർമ്മിത വിദേശ മദ്യം
൨ .നെല്ലിൻ വെള്ളം = (കു )പ്രസിദ്ധമായ ഒരിനം നാടൻ .
വാറ്റുചാരായം
൩ . ഈ നാടൻ തുള്ളൽപാട്ട് ഏഴാം ക്ലാസ്സിലെ സ്കൂൾ
പാഠപുസ്‌തകത്തിലേക്കു ശുപാർശ ചെയ്യുമെന്ന് പാഠപുസ്‌തക
കമ്മിറ്റി അംഗമായ എന്റെ ഒരു FB - സുഹൃത്ത് ഭീഷണി .
മുഴക്കിയിട്ടുണ്ട്
-------------------
02/03/2018