Amaravati - People's Capital of Andhra Pradesh

06/06/2026

అంతర్జాతీయ పర్యావరణ దినోత్సవం సందర్భంగా అమరావతి-రాయపూడిలోని APCRDA ప్రధాన కార్యాలయంలో శుక్రవారం జూన్ 5వ తేదీన మొక్కలు నాటే కార్యక్రమం నిర్వహించడం జరిగింది. సోషల్ డెవలప్మెంట్ విభాగ గ్రూప్ డైరెక్టర్ వి. రాములు గారు, ఇతర అధికారులు, సిబ్బందితో కలిసి కార్యాలయ ప్రాంగణంలో మొక్కలు నాటారు.
అనంతరం అడిషనల్ కమిషనర్ ఏ. భార్గవతేజ ఐఏఎస్ గారికి, ఆయా విభాగాల అధికారులు, APCRDA కార్యాలయ సిబ్బందికి పర్యావరణ దినోత్సవాన్ని పురస్కరించుకుని ల్యాండ్‌స్కేప్ అండ్ ఎన్విరాన్‌మెంట్(LSE), ESM యూనిట్ ఆధ్వర్యంలో "సీడ్ బాల్స్" అందజేశారు. పంపిణీ చేసిన "సీడ్ బాల్స్" ద్వారా మొక్కల పెంపకానికి కృషి చేసి పచ్చదనాన్ని పెంపొందించాలని కోరారు.

05/06/2026

05/06/2026

APCRDA అడిషనల్ కమిషనర్ కొల్లాబత్తుల కార్తీక్, ఐఏఎస్ గారు శుక్రవారం (05-06-2026) పెదమద్దూరు గ్రామంలోని LPS యూనిట్ కార్యాలయాన్ని సందర్శించారు.

ఈ సందర్భంగా గ్రామంలో జరుగుతున్న ల్యాండ్ పూలింగ్ కార్యకలాపాలను సమీక్షించి, సంబంధిత సిబ్బందికి పలు సూచనలు చేశారు. ఇటీవల గ్రామస్తులు అందజేసిన వివిధ గ్రీవెన్సులపై రైతులతో చర్చించిన కార్తీక్ గారు, వాటిని ప్రాధాన్యతా క్రమంలో పరిష్కరించేందుకు చర్యలు తీసుకుంటామని హామీ ఇచ్చారు.

05/06/2026

ప్రజారాజధాని అమరావతిలో చేపట్టిన వరద నిర్వహణ పనులను APCRDA అడిషనల్ కమిషనర్ కొల్లాబత్తుల. కార్తీక్, ఐఏఎస్ గారు శుక్రవారం(05-06-2026) పరిశీలించారు.

పాల వాగు, పేరమ్మ వాగు అభివృద్ధి పనుల పురోగతిని APCRDA, అమరావతి డెవలప్మెంట్ కార్పొరేషన్ (ADCL)ఇంజినీరింగ్ విభాగ అధికారులు కార్తీక్ గారికి వివరించారు. పరిశీలన అనంతరం, ఆయా పనులను నాణ్యతతో పాటు వేగంగా పూర్తి చేయాలని కార్తీక్ గారు అధికారులకు పలు సూచనలు చేశారు.

05/06/2026

ప్రజారాజధాని అమరావతి రైతులకు ముఖ్య గమనిక,

రాష్ట్ర ప్రభుత్వం APCRDA ద్వారా అమరావతి నిర్మాణానికి భూములిచ్చిన రైతులకు ఈ ఏడాది కౌలు నగదు జమ చేస్తోంది. ఆధార్ ఇనాక్టివ్‌గా ఉన్న బ్యాంక్ ఖాతాలలో కౌలు నగదు జమ చేయుట సాధ్యపడదు కనుక ఆధార్ ఇనాక్టివ్‌గా ఉన్న బ్యాంకు ఖాతాలు కలిగిన రైతులు వెంటనే ఆ ఖాతాలను యాక్టివేట్ చేసుకోగలరు.

ఆధార్ ఇనాక్టివ్‌గా ఉన్న బ్యాంక్ ఖాతాల వివరాలను https://crda.ap.gov.in/APCRDAV2/views/NPCI_Inactive.aspx అధికారిక వెబ్‌సైట్‌లో పెట్టడం జరిగింది. సంబంధిత రైతులు వెంటనే వెబ్‌సైట్ చెక్ చేసుకోవాలని కోరడమైనది.

05/06/2026

మంగళగిరి ఎయిమ్స్ ఆసుపత్రి సమీపంలో E 13 రహదారి విస్తరణ పనులు చేపట్టేందుకు కావాల్సిన భూములను APCRDA అడిషనల్ కమిషనర్ కొల్లాబత్తుల కార్తీక్ ఐఏఎస్ గారు శుక్రవారం జూన్ 5వ తేదీన పరిశీలించారు.
బి.ఎల్. చెన్నకేశవరావు (డైరెక్టర్, ల్యాండ్స్ - క్యాపిటల్ రీజియన్), తెనాలి ఇన్‌ఛార్జి సబ్ కలెక్టర్ లక్ష్మీకుమారి, అమరావతి డెవలప్‌మెంట్ కార్పొరేషన్ లిమిటెడ్ (ADCL)ఇంజినీరింగ్ అధికారులతో కలిసి భూములను పరిశీలించిన కార్తీక్ గారు, తదుపరి కార్యాచరణపై పలు సూచనలు చేశారు.

05/06/2026

🌍 World Environment Day | 5 June 2026

A sustainable future begins with the choices we make today.

Building a sustainable and climate-resilient Amaravati remains a core focus of APCRDA’s planning and development initiatives.

Through green infrastructure, sustainable urban planning, climate-responsive design, and the preservation of natural ecosystems, Amaravati is being developed as a model for environmentally responsible and resilient urban growth.

On World Environment Day, let us reaffirm our commitment to protecting nature, conserving resources, and creating a greener and healthier future for generations to come.

Together, let us build a sustainable Amaravati and a better tomorrow.

04/06/2026

APCRDA ఆధ్వర్యంలో "డిస్ట్రిక్ట్ కూలింగ్" విధానంపై సాంకేతిక అవగాహన సదస్సు

ప్రజారాజధాని అమరావతిని ప్రపంచ స్థాయి, సుస్థిరమైన రాజధానిగా అభివృద్ధి చేసే దిశగా ఆంధ్రప్రదేశ్ రాజధాని ప్రాంత అభివృద్ధి సంస్థ (APCRDA) కీలక చర్యలు చేపడుతోంది. ఇందులో భాగంగా ఇండియన్ ప్లంబింగ్ అసోసియేషన్ (ఐపీఏ) అమరావతి చాప్టర్, ISHRAE విజయవాడ చాప్టర్‌ల సహకారంతో "అమరావతికి డిస్ట్రిక్ట్ కూలింగ్ వ్యవస్థ" అంశంపై రాయపూడిలో APCRDA ప్రధాన కార్యాలయంలో గురువారం 2026 జూన్ 4వ తేదీన సాంకేతిక అవగాహన సదస్సును నిర్వహించింది.

ఈ కార్యక్రమంలో APCRDA, ADCL, AGICL, ప్రాజెక్టు మేనేజ్‌మెంట్ కన్సల్టెంట్లు, కాంట్రాక్టర్లు, సాంకేతిక నిపుణులు సహా 150 మందికి పైగా అధికారులు పాల్గొన్నారు. సదస్సులో APCRDA కమిషనర్ వి. విజయరామరాజు ఐఏఎస్ మాట్లాడుతూ, భవిష్యత్ అవసరాలను దృష్టిలో ఉంచుకుని అమరావతిలో కేంద్రికృత యుటిలిటీ వ్యవస్థలు, భవనాలలో ఆధునిక సేవలు, సమర్థవంతమైన మౌలిక సదుపాయాల ప్రణాళికను ముందుగానే రూపొందించడం ఎంతో అవసరమన్నారు. వివిధ శాఖల మధ్య సమన్వయం, నాణ్యమైన అమలు, సమర్థ నిర్వహణ ద్వారా మాత్రమే ప్రపంచ స్థాయి రాజధాని నిర్మాణం సాధ్యమవుతుందని తెలిపారు.

ఐపీఏ అమరావతి చాప్టర్ కార్యదర్శి కిరణ్ పరుచూరి మాట్లాడుతూ, అమరావతి నిర్మాణంలో పాల్గొంటున్న ఇంజినీర్లు, సాంకేతిక నిపుణులకు ఇటువంటి అవగాహన కార్యక్రమాలు ఎంతగానో ఉపయోగపడతాయని అన్నారు.

ఐపీఏ అమరావతి చాప్టర్ చైర్‌పర్సన్ డా. సాందీపని వజ్జే మాట్లాడుతూ, స్మార్ట్ విధానాలలో రాజధాని అమరావతి నిర్మాణంలో ప్లంబింగ్, నీటి సరఫరా, పారిశుద్ధ్యం, మురుగునీటి నిర్వహణ, అగ్నిమాపక భద్రత వంటి అంశాలు కీలక పాత్ర పోషిస్తాయని తెలిపారు. ఈ రంగాల్లో సాంకేతిక పరిజ్ఞానం, ఉత్తమ ప్రమాణాల అమలుకు ఐపీఏ ఎల్లప్పుడూ సహకరిస్తుందని చెప్పారు.

ISHRAE విజయవాడ చాప్టర్ అధ్యక్షురాలు డా. పి. అనూష మాట్లాడుతూ, హెచ్‌వీఏసీ వ్యవస్థలు, శక్తి వనరుల పొదుపు, ఇండోర్ గాలి నాణ్యత, సుస్థిర భవనాల అభివృద్ధి వంటి అంశాలపై తమ సంస్థ చేపడుతున్న కార్యక్రమాలను వివరించారు.

APCRDA చీఫ్ ఆర్కిటెక్ట్ సందీప్ దీక్షిత్ ఈ కార్యక్రమాన్ని సమన్వయం చేశారు. అమరావతిలో సమర్థవంతమైన, భవిష్యత్ అవసరాలకు అనుగుణమైన మౌలిక సదుపాయాల అభివృద్ధికి ప్రభుత్వ సంస్థలు, సాంకేతిక సంస్థలు, నిపుణుల మధ్య నిరంతర సహకారం అవసరమని ఆయన పేర్కొన్నారు.

ఐపీఏ నేషనల్ ట్రెజరర్ కాట్రగడ్డ భాస్కర్..నీటి, మురుగునీటి నిర్వహణలో వినియోగించే ఆధునిక పంపింగ్ సాంకేతికతలపై ప్రజెంటేషన్ ఇచ్చారు. అలాగే డా. ఆనంద్ బాబు డిస్ట్రిక్ట్ కూలింగ్ వ్యవస్థలు, వాటి ప్రయోజనాలపై వివరించగా, గౌరవ్ ప్రపంచంలోని విజయవంతమైన డిస్ట్రిక్ట్ కూలింగ్ ప్రాజెక్టుల ఉదాహరణలను వివరించారు. సురేష్ మురుగునీటి నిర్వహణ, ఆధునిక పంపింగ్ సాంకేతికతలపై తన అనుభవాలను పంచుకున్నారు.

ఈ సదస్సు ద్వారా సమగ్ర మౌలిక సదుపాయాల ప్రణాళిక, సుస్థిర యుటిలిటీ వ్యవస్థలు, ఆధునిక సాంకేతిక పరిజ్ఞానంతో ప్రజారాజధాని అమరావతిని అభివృద్ధి చేయాలనే సంకల్పాన్ని మరోసారి APCRDA చాటిచెప్పింది.

04/06/2026

ఆతిథ్య రంగానికి కొత్త చిరునామాగా అభివృద్ధి చెందుతున్న ప్రజారాజధాని అమరావతి!

అంతర్జాతీయ ప్రమాణాలతో కూడిన ప్రముఖ హోటల్ బ్రాండ్లు అమరావతిలో తమ ప్రాజెక్టులను ప్రారంభించాయి. దీంతో రాజధాని నగరం గ్లోబల్ బిజినెస్, టూరిజం, సమావేశాలు & పెట్టుబడుల కేంద్రంగా రూపుదిద్దుకుంటోంది.

లగ్జరీ హోటల్స్, ఆధునిక వసతులు, ప్రపంచ స్థాయి ఆతిథ్య సేవలతో అమరావతి అంతర్జాతీయ నగరంగా వేగంగా ఎదుగుతోంది.

ఆతిథ్యంలోనూ... అభివృద్ధిలోనూ...
మన రాజధాని అమరావతి సరికొత్త ప్రమాణాలను నెలకొల్పుతోంది!

04/06/2026

సిఆర్డిఏ "గ్రామసభ" ద్వారా రాజధాని అమరావతి గ్రామాల సమస్యలకు పరిష్కారం!
పెనుమాకలో "గ్రామసభ" నిర్వహణపై కమిషనర్ వి. విజయ రామరాజు గారు, APCRDA అధికారులకు ధన్యవాదాలు తెలియజేస్తున్న మహిళలు!