05/10/2025
ബഹു. (റിട്ട) ജസ്റ്റിസ് കെ. കെ. ഉഷയുടെ അഞ്ചാം ചരമവാർഷിക ദിനമായ ഇന്ന് ശ്രീനാരായണ സേവികാ സമാജത്തിന്റെയും ശ്രീനാരായണഗിരി ലൈബ്രറിയുടെയും സംയുക്താഭിമുഖ്യത്തിൽ അനുസ്മരണ യോഗം സംഘടിപ്പിച്ചു. ശ്രീനാരായണ സേവികാസമാജം പ്രസിഡൻറ് പ്രൊഫസർ ഷേർളി ചന്ദ്രൻ അദ്ധ്യക്ഷത വഹിച്ച യോഗത്തിൽ അഗത് ഫുഡ് പ്രോഡക്റ്റ്സ് ഉടമ ശ്രീമതി ഗീതി അനിൽ ബാബു ഉദ്ഘാടനം ചെയ്തു. സെക്രട്ടറി സീനിയർ അഡ്വക്കറ്റ് വി.പി. സീമന്ദിനി, അഡ്വൈസറിംഗം ശ്രീ ഇ. പി. ശശിധരൻ, കമ്മിറ്റി അംഗം സോജി സുനിൽ, ലൈബ്രറി സെക്രട്ടറി തനുജ ഓമനക്കുട്ടൻ, ലൈബ്രറി കൗൺസിൽ ഭാരവാഹികളായ അഡ്വക്കറ്റ് വി.കെ. ഷാജി, ശ്രീ. രവികുട്ടൻ കെ., ശ്രീമതി ഉഷാകുമാരി പി. പി., കുമാരി ആതിര, കീഴ്മാട് പഞ്ചായത്ത് സി ഡി എസ് ചെയർപേഴ്സൺ റസിയ അബ്ദുൽ ഖാദർ, അഡ്വക്കേറ്റ് കാർത്തിക സുകുമാരൻ എന്നിവർ സംസാരിച്ചു. അനുസ്മരണ യോഗത്തിൽ കീഴ്മാട് പഞ്ചായത്തിലെ കുടുംബശ്രീ പ്രസ്ഥാനത്തെ നയിക്കുന്ന സന്നദ്ധ സേവികമാരായ 19 വാർഡുകളിലെയും സി ഡി എസ് അംഗങ്ങളെ ആദരിച്ചു. ബഹു. ജസ്റ്റിസ് കെ. സുകുമാരൻ, ചെറുമകൻ അഭിറാം,
മരുമകൻ ഗോപാൽ രാജ്, എന്നിവരും സേവികാസമാജം, ലൈബ്രറി, വിവിധ ലൈബ്രറികളിലെ പ്രവർത്തകർ, ശ്രീനാരായണഗിരി പൂർവ്വ വിദ്യാർത്ഥിനികൾ, തുടങ്ങിയവരും പങ്കെടുത്തു.
