Govt Hss Kuttamassery

08/06/2022

*പ്രതീക്ഷാ നിർഭരമായ പുതു (അദ്ധ്യയന) വർഷം*

140 ൽ പരം പുതിയ അഡ്മിഷൻ,
വിവിധ സൗകര്യങ്ങളോട് കൂടിയ പഠനാന്തരീക്ഷം,
കുട്ടികളുടെ മാനസിക ശാരീരിക ആരോഗ്യത്തിനും, അച്ചടക്കത്തിനും ഊന്നൽ നൽകിക്കൊണ്ടുള്ള സ്റ്റുഡന്റ് പോലീസ് കേഡറ്റ്സ്, ജൂനിയർ റെഡ് ക്രോസ്,
ഫുട്ബോൾ, അത് ലറ്റിക് സ് / മറ്റ് സ്പോർട്സ് പരിശീലനങ്ങൾ,
സംഗീത, നാടക, ചിത്രരചനാ ക്ലബുകൾ,
വിദഗ്ദരായ അദ്ധ്യാപകർ, ഊർജ്ജസ്വലരായ രക്ഷിതാക്കളുടെ കൂട്ടായ്മകൾ.
ശക്തമായ സ്കൂൾ സംവിധാനം.

കുട്ടമശ്ശേരി ഗവ.ഹയർ സെക്കന്ററി സ്കൂൾ.

01/06/2022

28/05/2022

12/04/2022

കനാലില്‍ വീണ് പ്ലസ്ടു വിദ്യാര്‍ത്ഥി മരിച്ചു

ആലുവ: നാലാം മൈല്‍ നീരേലില്‍ മുഹമ്മദ് ഷാഫി (18) കനാലില്‍ വീണ് മരിച്ചു. ഞായറാഴ്ച രാത്രി എട്ട് മണിക്ക് സുഹൃത്തുകളുമായി പ്രാർത്ഥനക്ക് പോകുമ്പോള്‍, നിറഞ്ഞൊഴുകുകയായിരുന്ന ആഴമേറിയ കനാലിലേക്ക് ബോധരഹിതനായി വീഴുകയായിരുന്നു. 20 മിനിറ്റോളം തിരച്ചില്‍ നടത്തിയാണ് മുഹമ്മദ് ഷാഫിയെ പുറത്തെടുത്തത്. ഹൃദയമിടിപ്പ് ഉണ്ടായിരുന്നതിനാല്‍ രാജഗിരി ആശുപത്രിയില്‍ പ്രവേശിപ്പിച്ചു. തിങ്കളാഴ്ച വെന്റിലേറ്ററിലേക്ക് മാറ്റിയെങ്കിലും വൈകീട്ടോടെ മരിച്ചു. കുട്ടമശേരി ഗവ. എച്ച്.എസ്.എസിലെ പ്ലസ്ടു കൊമേഴ്‌സ് വിദ്യാര്‍ത്ഥിയാണ്. പിതാവ്: സലീം, മാതാവ്: റംല.
സഹോദരി: ഷാഫിന.

02/02/2022

Tinkering Lab

സമഗ്ര ശിക്ഷാ കേരളം - എറണാകുളം ജില്ല , കുട്ടമശ്ശേരി ഗവ. ഹയർ സെക്കന്ററി സ്കൂളിന് അനുവദിച്ച് നൽകിയ റ്റിങ്കറിങ്ങ് ലാബിന്റെ പ്രവർത്തനങ്ങൾ ചിത്രീകരിച്ച് സ്റ്റേറ്റിന് നൽകുന്നതിന് വേണ്ടി SSK Documentation Team - Dist. Project Coordinator ശ്രീമതി. ഉഷാ മാനാട്ട് ന്റെ നേതൃത്വത്തിൽ റ്റിങ്കറിങ്ങ് ലാബ് സന്ദർശിച്ചു.

ലാബിൽ സജ്ജമാക്കിയ ഉപകരണങ്ങൾ , പരിശീലനം നേടിയ കുട്ടികൾ തയ്യാറാക്കിയ പ്രൊജക്റ്റുകൾ തുടങ്ങിയവ പ്രദർശിപ്പിച്ചിരുന്നു.
നവീന ഉപകരണങ്ങളും സാങ്കേതിക വിദ്യകളും ഉപയോഗിച്ച് വിവിധ പ്രൊജക്റ്റുകൾ തയ്യാറാക്കുന്നതിന്റെ സാങ്കേതിക വശങ്ങളും, പഠന പരിശീലന പ്രവർത്തനങ്ങളും കുട്ടികൾ വിശദീകരിച്ചു.

പ്രിൻസിപ്പൽ ശ്രീമതി. മഞ്ജു N. ജില്ലാ പ്രോഗ്രാം ഓഫീസർ ശ്രീമതി. സോളി, Tinkering Lab ചാർജ്ജ് ശ്രീമതി.സിനിജ , ഇലക്ട്രോണിക്സ്‌ പരിശീലത്തിന്റെ ചുമതലയുള്ള ശ്രീമതി. ബിനീഷ , പരിശീലനത്തിൽ പങ്കെടുക്കുന്ന കുട്ടിയുടെ രക്ഷിതാവ് ശ്രീ. നൗഷാദ് (കോയാസ്) തുടങ്ങിയവർ സംസാരിച്ചു.

25/01/2022

കുട്ടമശ്ശേരി ഗവ. ഹയർ സെക്കന്ററി സ്കൂൾ - Special Care Centre

ഭിന്നശേഷി വിദ്യാർത്ഥികൾക്കുള്ള ഉപകരണങ്ങളുടെ വിതരണോദ്ഘാടനം ശ്രീമതി. ഉഷാ മാനാട്ട് (സമഗ്ര ശിക്ഷാ കേരളം എറണാകുളം ജില്ലാ പ്രൊജക്റ്റ് കോർഡിനേറ്റർ) നിർവ്വഹിച്ചു.

ഭിന്നശേഷി വിദ്യാർത്ഥികൾക്കുള്ള പഠനപരിശീലനപ്രവർത്തനങ്ങൾക്കാവശ്യമായ സാമഗ്രികൾ, Mobile Phones, Wheel chair, LP വിദ്യാർത്ഥികൾക്കുള്ള പഠനോപകരണങ്ങൾ തുടങ്ങിയവയാണ് വിതരണം ചെയ്തത്.

*Govt. HSS Kuttamassery- Special Care Centre* ന്റെ ഭാഗമായി കഴിഞ്ഞ ഭിന്നശേഷി ദിനത്തോടനുബന്ധിച്ച് ആലുവ BRC ക്ക് കീഴിൽ വിവിധ ക്ലസ്റ്ററുകളിലെ ഏറ്റവും അർഹരായ വിദ്യാർത്ഥികൾക്ക് ആവശ്യമായ ഉപകരണങ്ങൾ നൽകുന്നതിനുള്ള പ്രവർത്തനങ്ങൾ ആരംഭിച്ചിരുന്നു.

*Javad K Hassan Foundation* ആണ് വിദ്യാർത്ഥികൾക്ക് ആവശ്യമായ ഉപകരണങ്ങൾ നൽകിയത്.

കുട്ടമശ്ശേരി സ്കൂളിന് വേണ്ടി HM ശ്രീമതി. സീനാ പോൾ, ശ്രീമതി.ലിനി, Special Care Centre ന് വേണ്ടി Cluster Coordinator ശ്രീമതി. തസ്നീം, റിസോഴ്സ് ടീച്ചർ ശ്രീമതി. സബീന ജോസ് റിസോഴ്സ് ടീച്ചർ ശ്രീമതി. ജിൽബി എൽദോ, ഏലൂർ പ്രയാൺ സെന്ററിനുള്ള ഉപകരണങ്ങൾ ട്രെയിനർ ശ്രീമതി. ജ്യോതി. KL തുടങ്ങിയവരും, വിദ്യാർത്ഥികളും രക്ഷിതാക്കളും ചേർന്ന് ഏറ്റ് വാങ്ങി.

SMC ചെയർമാൻ ശ്രീ. നൗഷാദ്, പ്രിൻസിപ്പൽ ശ്രീമതി. മഞ്ജു. N ,PTA പ്രസിഡന്റ് ശ്രീ. അബ്ദുൽ ഗഫൂർ തുടങ്ങിയവർ സംസാരിച്ചു.

06/01/2022

ഗവ.ഹയർ സെക്കന്ററി സ്കൂൾ കുട്ടമശ്ശേരി.

സ്റ്റുഡന്റ് പോലീസ് കേഡറ്റ് യൂണിറ്റിന് വേണ്ടി, തിരുവനന്തപുരം പോലീസ് ട്രെയിനിങ്ങ് കോളജിൽ 10 ദിവസത്തെ പരിശീലനം പൂർത്തിയാക്കി SPC ചാർജ്ജിലെത്തിയ CPO *ശ്രീ.ഹുസൈനെ* ബഹു. ജില്ലാ പഞ്ചായത്ത് മെമ്പർ *ശ്രീമതി. സനിത റഹീം* സ്കൂൾ അസംബ്ലിയിൽ വച്ച് ആദരിക്കുന്നു.

സ്കൂൾ വിദ്യാർത്ഥി ക്യാൻസർ ബാധിതയായ കുട്ടിയുടെ ചികിത്സാ സഹായ ഫണ്ടിലേക്ക്, ദിവസവും ചേർത്തുവച്ച നാണയത്തുട്ടുകൾ (2400 രൂപ) നൽകിയ Govt HSS Kuttamassery LP വിദ്യാർത്ഥികളായ സഹോദരികൾ ഫാത്തിമ മറിയം (4th std) ആസിയ മറിയം (1st Std) തുടങ്ങിയവരെയും ജില്ലാ പഞ്ചായത്ത് മെമ്പർ ശ്രീമതി. സനിത റഹീം, സ്കൂൾ അസംബ്ലിയിൽ ആദരിച്ചു.

സ്റ്റേറ്റ് എനർജി മാനേജ്മെന്റ് സെന്റർ - ജില്ലയിലെ ബെസ്റ്റ് കോഡിനേറ്റർ അവാർഡ് നേടിയ അദ്ധ്യാപിക ശ്രീമതി സിനിജയും അവാർഡ് ഏറ്റ് വാങ്ങി.

28/12/2021

സ്‌റ്റുഡന്റ് പോലീസ് കേഡറ്റ്സ് - അവധിക്കാല ക്യാമ്പ്

കുട്ടമശ്ശേരി ഗവ.ഹയർ സെക്കന്ററി സ്കൂളിൽ സ്റ്റുഡന്റ് പോലീസ് കേഡറ്റ്സ് ക്യാമ്പ് തുടങ്ങി. രാവിലെ 9:00 മണിക്കാരംഭിച്ച ക്യാമ്പ് കീഴ്മാട് ഗ്രാമപ്പഞ്ചായത്ത് പ്രസിഡന്റ് ശ്രീമതി സതി ലാലു ഉദ്ഘാടനം ചെയ്തു.

ബഹു. ജില്ലാ പഞ്ചായത്ത് മെമ്പർ ശ്രീമതി. സനിതാ റഹിം ആശംസകളർപ്പിച്ചു.