10/04/2014
READ THIS>>
ദാനം ലഭിക്കാൻ വൃക്കയില്ലാതെ മരണത്തിന്റെ നിലയില്ലാക്കയത്തിലേക്ക് താഴ്ന്നുപോകുന്നവന് ലഭിക്കുന്ന കച്ചിത്തുരുമ്പാണ് ഓരോ ഡയാലിസിസും. 1000 മുതൽ 2000 വരെയാണ് അതിന്റെ മാർക്കറ്റ് വില. രോഗ ദുരിതത്തിന്റെ പെരുമഴയിൽ സർവ്വം നഷ്ടമായ പലർക്കും അത് പലപ്പോഴും എത്തിപ്പിടിക്കാനാവാത്ത മോഹമായി മാറുന്നുണ്ട്. അവസാനത്തെ നാണയവും പെറുക്കിയെടുത്ത് ഡയാലിസിസ് ബില്ലടച്ചശേഷം ബസ് പിടിക്കാൻ പണമില്ലാതെ കരയുന്നവർ, ഡയലൈസറിന്റെ സുതാര്യ നാളികളിൽ ജീവരക്തം കയറിയിറങ്ങുമ്പോൾ ഷുഗർ കുറഞ്ഞ് തളർന്നുവീഴുന്ന പ്രിയതമന് ചായവാങ്ങാൻ ചില്ലറയില്ലാതെ വിതുമ്പുന്ന ഇണകൾ, ഡയലിസിസ് കിടക്കയിലിരുന്ന് അടുത്ത ഡയാലിസിസിന് ആരോട് കടം ചോദിക്കും എന്ന് ആകുലപ്പെടുന്ന രോഗികൾ...
ആലുവ താലൂക്ക് ആശുപത്രിയോട് ചേർന്ന് പ്രാദേശിക ഡയാലിസിസ് കേന്ദ്രം പ്രവർത്തിക്കുന്ന വിവരം സന്തോഷപൂർവ്വം അറിയിക്കുന്നു. മാർക്കറ്റ് വിലയേക്കാൾ കുറഞ്ഞചിലവിൽ ഡയാലിസിസ് നടത്താം. സാമ്പത്തികമായി താഴെനിൽക്കുന്ന രോഗികൾ, തെളിയിക്കുന്ന രേഖകൾ സമർപ്പിച്ചാൽ 200/- രൂപക്ക് ഡയാലിസിസ് ചെയ്യാവുന്നതാണ്.
Regional dialysis centre is a dream come true for penal patients with financial concerns.
