11/01/2024
എസ് എഫ് ഐ ഇടപെടൽ വിജയം✊🏽🔥
എടത്വ സെൻറ് അലോഷ്യസ് കോളേജിൽ കാലങ്ങളായി വിദ്യാർത്ഥികളുടെ കൈയിൽ നിന്നും അനധികൃതമായി ഈടാക്കിക്കൊണ്ടിരിക്കുന്ന തുക സംബന്ധിച്ചു എസ്എഫ്ഐ നടത്തിയ ഇടപെടൽ വിജയം.2019 കാലയളവ് മുതൽ ഇത്തരത്തിൽ വിദ്യാർത്ഥികളുടെ പക്കൽ നിന്നും പണം പിരിച്ചു വരികയായിരുന്നു.എന്നാൽ ഈ തുക എന്തിന് വിനിയോഗിച്ചു എന്നത് സംബന്ധിച്ചു കോളേജ് അധികാരികൾക്ക് വ്യക്തമായ മറുപടി തരാൻ സാധിച്ചിട്ടില്ല.സർക്കാരോ സർവകലാശാലയോ നിഷ്കർഷിക്കാത്ത ഫീസാണ് വിദ്യാർത്ഥികളിൽ നിന്നും കൈപ്പറ്റിക്കൊണ്ടിരുന്നത്. ഈ പണപ്പിരിവിനെ ചോദ്യം ചെയ്ത് കൊണ്ട് മുന്നോട്ട് വന്ന എസ്എഫ്ഐ പ്രവർത്തകരോട് തികച്ചും പ്രതികാര മനോഭാവത്തോടെയാണ് കോളേജ് മാനേജ്മെന്റും ഭൂരിഭാഗം അധ്യാപകരും പെരുമാറിയത്.തുടർന്ന് സർവകലാശാലയ്ക്ക് നൽകിയ പരാതിയുടെ അടിസ്ഥാനത്തിൽ മുഴുവൻ വിദ്യാർത്ഥികൾക്കും ഈടാക്കിയ തുക മുഴുവൻ തിരികെ നൽകണമെന്ന് സർവകലാശാലയിൽ നിന്നും കർശന നിർദ്ദേശം പുറപ്പെടുവിച്ചു.
