Youth Congress Alappuzha District Committee, Cullen Road, Alappuzha (2026)

07/10/2026

ബഹുമാനപ്പെട്ട സംസ്ഥാന കൃഷി വകുപ്പുമന്ത്രി ശ്രീ ടി സിദ്ദിഖ് ഇന്ന് ആലപ്പുഴ DCC ഓഫിസിൽ എത്തിച്ചേർന്നപ്പോൾ...

07/10/2026

ഇതൊരു ചരിത്ര സമരമാണ്. ജനാധിപത്യം സംരക്ഷിക്കാനും, തെരഞ്ഞെടുപ്പ് അട്ടിമറിച്ചവരെ ഭരണഘടനാ സ്ഥാനങ്ങളിൽ നിന്ന് പുറത്താക്കാനുമാണ് ഈ സമരം. കോടിക്കണക്കിന് ജനാധിപത്യ വിശ്വാസികളുടെ പിന്തുണ ഈ സമരത്തിന്റെ നായകനായ രാഹുൽ ഗാന്ധിക്കുണ്ട്. ഇന്ത്യയുടെ ജനാധിപത്യ ചരിത്രത്തിൽ സുവർണ ലിപികളാൽ ഈ സമരം അടയാളപ്പെടുത്തും

രാഹുൽ ഗാന്ധിയെയും മറ്റു നേതാക്കളേയും അറസ്റ്റ് ചെയ്തു കൊണ്ടുവന്ന ബാരഖംബ പൊലീസ് സ്റ്റേഷന് മുന്നിൽ.

06/10/2026

Rahul Gandhiയെ അറസ്റ്റ് ചെയ്തതിലും, പ്രതിഷേധത്തിനിടെ എ.ഐ.സി.സി സംഘടനാകാര്യ ജനറൽ സെക്രട്ടറി K.C. Venugopal എം.പിയെ ആക്രമിക്കാൻ ശ്രമിച്ച ഡൽഹി പോലീസിന്റെ നടപടിയിലും പ്രതിഷേധിച്ച് യൂത്ത് കോൺഗ്രസ് കായംകുളം നിയോജകമണ്ഡലം കമ്മിറ്റിയുടെ നേതൃത്വത്തിൽ ശക്തമായ പ്രതിഷേധം.

കായംകുളം റെയിൽവേ സ്റ്റേഷനി ലേക്കു മാർച്ച് സംഘടിപ്പിച്ചു, തുടർന്ന് കായംകുളത്ത് ദേശീയപാത ഉപരോധിച്ചും യൂത്ത് കോൺഗ്രസ് പ്രവർത്തകർ പ്രതിഷേധിച്ചു.
ജനാധിപത്യത്തിന്റെ ശബ്ദത്തെ അടിച്ചമർത്താനുള്ള ശ്രമങ്ങൾക്കെതിരെ പ്രതിഷേധം ഉയർത്തുക എന്നത് ഓരോ ജനാധിപത്യ വിശ്വാസിയുടെയും ഉത്തരവാദിത്വമാണ്. നേതാക്കളെ അറസ്റ്റ് ചെയ്തും സമരങ്ങളെ അടിച്ചമർത്തിയും ജനങ്ങളുടെ ശബ്ദത്തെ ഇല്ലാതാക്കാമെന്ന് ഭരണകൂടം കരുതേണ്ടതില്ല.

രാഹുൽ ഗാന്ധിയടക്കമുള്ള നേതാക്കൾക്ക് ഐക്യദാർഢ്യം പ്രഖ്യാപിച്ചുകൊണ്ട്, അനീതിക്കെതിരെ യൂത്ത് കോൺഗ്രസ് തെരുവിൽ തന്നെയുണ്ട്.

പോരാട്ടം തുടരും…
ജനാധിപത്യത്തിനായി, നീതിക്കായി.

06/10/2026

അറസ്റ്റും അധികാരവും കാട്ടി ഭയപ്പെടുത്തേണ്ട. ഇത് ജനുസ്സ് വേറെയാണ്!! ഗ്യാനേഷ് കുമാറിനെതിരായ സമരത്തിൽ ധീരതയോടെ അറസ്റ്റ് വരിച്ച് ഡിറ്റെൻഷൻ സെന്ററിൽ പ്രതിപക്ഷ നേതാക്കൾ...
Rahul Gandhi Priyanka Gandhi Vadra K.C. Venugopal Kodikunnil Suresh

02/10/2026

"നിർമലം" - മാലിന്യരഹിത പുതുയുഗ കേരളത്തിനായി - ജനകീയ ക്യാമ്പയിൻ സംസ്ഥാനതല ഉദ്ഘാടനം, ഒക്ടോബർ 2, നോർത്ത് പറവൂർ, എറണാകുളം

01/10/2026

അക്രമത്തിലൂടെ സംസ്ഥാനത്ത് അരാജകത്വം സൃഷ്ടിക്കാന്‍ നടത്തുന്ന ഡിവൈഎഫ്‌ഐ ശ്രമം വിലപ്പോവില്ല

യുഡിഎഫ് സര്‍ക്കാരിന്റെ ഭരണ നേട്ടങ്ങളെ ജനങ്ങളില്‍ നിന്നു മറച്ചു പിടിക്കാനും സംസ്ഥാനത്ത് അക്രമം നടത്തി അരാജകത്വം സൃഷ്ടിക്കാനുമുള്ള ഡിവൈഎഫ്‌ഐയുടെ ശ്രമം വിലപ്പോവില്ല. ജനാധിപത്യപരമായ വിയോജിപ്പുകളെ കായികബലവും തെരുവുഗുണ്ടായിസവും കൊണ്ട് നേരിടാമെന്നത് ചിലരുടെ വ്യാമോഹം മാത്രമാണ്. മന്ത്രി ഒ.ജെ. ജനീഷിനെതിരെ ഡിവൈഎഫ്‌ഐയുടെ പേരില്‍ തെരുവില്‍ അരങ്ങേറുന്ന അക്രമങ്ങള്‍ കാടത്തവും നിയമവാഴ്ചയോടുള്ള പരസ്യമായ വെല്ലുവിളിയുമാണ്. സമരം ചെയ്യാനുള്ള അവകാശം ജനങ്ങളുടെ ജീവനും സ്വത്തിനും ഭീഷണിയുയര്‍ത്താനുള്ള ലൈസന്‍സല്ലെന്ന് ഇക്കൂട്ടര്‍ ഇനിയെങ്കിലും തിരിച്ചറിയണം. ഡിവൈഎഫ്‌ഐ എന്ന ഗുണ്ടാ പടയെ മുന്നില്‍ നിര്‍ത്തി കുട്ടിക്കുരങ്ങന്‍ കളിക്കുന്ന സിപിഎം വലിയ വില നല്‍കേണ്ടി വരും.

ജനപ്രതിനിധികളെ തെരുവില്‍ തടഞ്ഞു നിര്‍ത്താനും അക്രമം അഴിച്ചുവിട്ട് നാടിന്റെ സമാധാനം തകര്‍ക്കാനുമുള്ള ഹീന ശ്രമം കേരളത്തിലെ പൊതുസമൂഹം തിരിച്ചറിയുന്നുണ്ട്. രാഷ്ട്രീയ എതിരാളികളെ ചോരയില്‍ മുക്കിക്കൊല്ലുന്ന പഴയ കൊലവിളി രാഷ്ട്രീയത്തിന്റെ തുടര്‍ച്ചയാണിത്. പോലീസിനെയും ഭരണ സംവിധാനങ്ങളെയും കാഴ്ചക്കാരാക്കി നിര്‍ത്തിക്കൊണ്ട് നടത്തുന്ന ഇത്തരം തെമ്മാടിത്തങ്ങളെ യുവജന മുന്നേറ്റമെന്നല്ല, മറിച്ച് ക്രിമിനല്‍ സംഘങ്ങളുടെ തേര്‍വാഴ്ച എന്നാണ് വിളിക്കേണ്ടത്.

അക്രമം കാണിച്ച് ഭയപ്പെടുത്തി കീഴ്‌പ്പെടുത്താമെന്ന് ആരും കരുതേണ്ടതില്ല. ജനാധിപത്യ ബോധമുള്ള പ്രബുദ്ധ കേരളം ഇത്തരം ഗുണ്ടായിസങ്ങള്‍ക്ക് മുന്നില്‍ തലകുനിക്കില്ല. തെരുവില്‍ അഴിഞ്ഞാടുന്ന അക്രമികളെ നിയമത്തിന് മുന്നില്‍ കൊണ്ടുവരാന്‍ പോലീസ് അടിയന്തര നടപടി സ്വീകരിക്കണം. നാടിന്റെ സമാധാനം തകര്‍ക്കുന്ന ഡിവൈഎഫ്‌ഐയുടെ അക്രമ രാഷ്ട്രീയത്തിനെതിരെ ശക്തമായ ജനവികാരം ഉയര്‍ന്നുവരണം.

01/10/2026

സംസ്ഥാന യൂത്ത് കോൺഗ്രസ് കമ്മിറ്റിയുടെ പ്രസ്താവന

ജനാധിപത്യത്തെ വെല്ലുവിളിച്ച് തെരുവ് ഗുണ്ടായിസം കാണിക്കുന്നവരെ നിലയ്ക്കു നിര്‍ത്താന്‍ സിപിഎം തയ്യാറാവണം

തിരുവനന്തപുരം: സംസ്ഥാനത്ത് ഉത്തരവാദിത്വപ്പെട്ട ഒരു മന്ത്രിക്കുപോലും സ്വതന്ത്രമായി യാത്ര ചെയ്യാന്‍ സാധിക്കാത്ത വിധത്തില്‍ ജനാധിപത്യത്തെ വെല്ലുവിളിച്ച് തെരുവ് ഗുണ്ടായിസം കാണിക്കുന്നവരെ നിലയ്ക്കു നിര്‍ത്താന്‍ സിപിഎം തയ്യാറാവണം. ജനങ്ങള്‍ തരഞ്ഞെടുത്ത ഒരു ജനപ്രതിനിധിക്കും മുഖ്യമന്ത്രിക്കും മന്ത്രിമാര്‍ക്കും നേരെ പട്ടാപ്പകല്‍ റോഡിലിറങ്ങി അക്രമം അഴിച്ചുവിടുന്നത് കേരളത്തിന്റെ രാഷ്ട്രീയ സംസ്‌കാരത്തിന് തന്നെ തീരാക്കളങ്കമാണ്. ജനാധിപത്യത്തെ അട്ടിമറിച്ച ഗ്യാനേഷ് കുമാറിനെതിരേ പ്രതിഷേധിച്ചതിന് മന്ത്രിമാര്‍ക്ക് സഞ്ചാര സ്വാതന്ത്ര്യം പോലും തടയുന്ന ബിജെപിക്കും യുവമോര്‍ച്ചയ്ക്കും പിന്തുണ നല്‍കുന്ന സമീപനമാണ് ഡിവൈഎഫ്‌ഐ തുടരുന്നത്. ബിജെപിയെ എതിര്‍ക്കുമ്പോള്‍ സഖാക്കള്‍ക്ക് വേദനിക്കുന്നതിന്റെ രഹസ്യം അറിയാന്‍ കേരളത്തിലെ ജനങ്ങള്‍ക്ക് താല്‍പ്പര്യമുണ്ട്.
വിയോജിപ്പുകളെയും രാഷ്ട്രീയ നിലപാടുകളെയും കായികബലം കൊണ്ടും കല്ലേറ് കൊണ്ടും നേരിടാമെന്നത് ഫാഷിസ്റ്റ് മനോഭാവമാണ്. ആശയങ്ങളെ ആശയം കൊണ്ട് നേരിടാന്‍ ഭയമുള്ളവരാണ് ഗുണ്ടാസംഘങ്ങളെപ്പോലെ തെരുവില്‍ അഴിഞ്ഞാടുന്നത്. കണ്ണൂരില്‍ മുന്‍കൂട്ടി ആസൂത്രണം ചെയ്ത രീതിയില്‍ ആക്രമണം അഴിച്ചുവിട്ട മുഴുവന്‍ അക്രമികളെയും, അവര്‍ക്ക് പിന്നില്‍ പ്രവര്‍ത്തിച്ച രാഷ്ട്രീയ ഗൂഢാലോചനയെയും ഉടന്‍ നിയമത്തിന് മുന്നില്‍ കൊണ്ടുവരണം. ജനപ്രതിനിധികള്‍ക്കു നേരെയുള്ള ഇത്തരം തെരുവ് ആക്രമണങ്ങള്‍ക്കെതിരെ കേരളത്തിലെ ജനാധിപത്യ വിശ്വാസികള്‍ ശക്തമായി പ്രതികരിക്കണം. ജനാധിപത്യ ധാര്‍മികത കാറ്റില്‍പ്പറത്തി തെരുവില്‍ ചോരപ്പുഴയൊഴുക്കാനും കലാപമുണ്ടാക്കാനുമുള്ള ഇത്തരം ശ്രമങ്ങള്‍ക്കെതിരെ ശക്തമായ പ്രതിഷേധം രേഖപ്പെടുത്തുന്നു. സംസ്ഥാന വ്യാപകമായി ശക്തമായ പ്രതിഷേധങ്ങൾക്ക് സംസ്ഥാന കമ്മിറ്റി ആഹ്വാനം ചെയ്യുന്നു

01/10/2026

രാജ്യത്ത് ആദ്യമായി മുതിർന്ന പൗരൻമാർക്ക് വകുപ്പ് രൂപീകരിച്ച് കേരളം സർക്കാർ. ആരോഗ്യകരവും സജീവവുമായ വാർദ്ധക്യം ആണ് നമ്മുടെ പ്രധാന ലക്ഷ്യം. വയോജന ദിനാഘോഷ പരിപാടികളുടെ ഉദ്ഘാടനം തിരുവനന്തപുരത്ത് അയ്യങ്കാളി ഹാളിൽ .

പുതുയുഗ കേരളം വയോജന സൗഹൃദ കേരളം

Youth Congress Alappuzha District Committee

07/10/2026

07/10/2026

06/10/2026

06/10/2026

02/10/2026

01/10/2026

01/10/2026

01/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request