07/09/2026
PRESS RELEASE
ZPM General Headquarters, Mizoram Aizawl.
Media & Publicity Department
PR No. ZPM-09/0A/2026/50
Dated Aizawl, the 7th September, 2026
Vawiin khan ZPM chuan party office-ah chhung inkhawm hun kan hmang a, Dr. KC Lalmalsawmzauva, Adviser to Chief Minister (Implementation of Handholding Policy) chuan thu sawiin, “ZPM chu Policy bawhzui kawngah First class-ah kan passed,” a ti a. “Mipuite min support-na, sawrkar hnathawk te thawhrimna, party worker fin chhuahna leh Kohhranho te min tawngtaisakna zarah ZPM kaihhruai Mipui sawrkar, k*m 2 leh thla 9 a upa chu policy umzui kawngah First class-ah kan passed. He hun rei lo te chhung hian kan policy pawimawh tak tak 70% vel kan bawhzui hman der. Hetiang ang sawrkar hi a la awm ngai lo. Heng hi keimahni theihna ringawt ni lovin Pathian malsawmna kan chan a ni, chapo tur kan ni lo. Mihring kan ni a, tih fuh tawk loh leh fel tawk lohna tam tak kan nei. Policy a kan lo dah, constitution-a kan lo dah tawh, a tak chan tir dawna theih loh leh tha lo zawk te pawh thil awm thei a ni, kan chhiatpui kher nghak lovin a siamtu kan nih angin a ti danglam theitu kan ni. India constitution pawh vawi 106 siam that a ni tawh; USA vawi 27 leh Germany vawi 60. Kan hun tawn mil zelin tun chauh lo pawh hi kan la amend zel a ngai dawn tih hi pawm ang u. Mipui sawrkar kan ni tih kan theihnghilh palh a hlauhawm. K*m 2028 ah kan sawrkar leh a ngai, hmachhawp a tam lutuk. Keinin kan siam that loh chuan Zoram hian tunge beisei tur a neih? Kan tih theih sang ber chu mahni theuh insiamthat a, midangte nena thawhho thiam hi a ni,” a ti.
Adviser to CM chuan, “K*min-ah Sawhthing vangin State pawn atangin Rs. vbc 50/- vel sum a rawn lut. K*minah sawhthing avang ringawtin Mizoram budget pawn, state pawn atanga sum rawn lut hi Rs. vbc 50/- vel lai a tling a, hei hian nasa takin state economy-ah nghawng a nei ang. K*min hian Sawhthing bakah Hmarcha quintal 98.29 sawrkarin Support price a pe. K*m tharah chuan Hmarcha pawh hi sawhthing ang hian SCC ah lak khawm tur a ni dawn a. Support Price pek hun pawh December atanga tan hman turin rawtna a awm a, kan la tichiang ang. Hmunphiah bikah Support Price-ah Rs 1,17,390/- kan seng,” a ti a. “Kan hmabak chu uar zawka processing leh value addition kalpui a ni. Thalai lehkha thiam an rawn inlar tan mek a, helama tui mite rawn pen chhuak zel turin kan sawm che u. Chumi dawt leh chu sustainable cultivation a ni, environment humhalh chunga hmasawnna kalpui a ngai. K*m tina ramngaw thiat lovin, kan policy-a awmsa Zo Zau leh Phai Zau-a hmun ngheta chin a hun hle. Hmun ngheta kan chin chuan link road leh thildang mamawh inpek a awlsam a, tourist attraction tha takah kan siam thei dawn a ni. Kuthnathawktute sum lakluh tihsanna turin thlai chin pawlh uar taka kalpui tur a ni. Aieng leh Hmarcha bakah tun hnaia Support price kan puan thar - Behliang, Chhawhchhi leh Nihawi te nen Mizoramah thlai 8 lai mai Support price kalpui a ni ta hi thil chhinchhiah tlak tak a ni. Kan target pawimawh dang pakhat leh chu Organic farming a ni. Mizo sawhthing te hi state pawn atanga an rawn lei duh chhan ber pakhat chu chemical fertilizer kan hmang tlem hi a ni. Mizoram hi organic state a siam tumin Chief Minister hoin hma kan la mek a, chuvangin chemical lei tha hman loh hram hram tur a ni. Ran ek lei tha leh vermin-composting te, organic manure dangte hman tur a ni,” a ti.
Handholding Loan chungchang sawiin, “India rama State 28 zingah Mizoram chiah hi Loan pung za-a-za (100%) rulhsak awm chhun niin kan hria. India ram state hrang hrang ten eizawnna leh chawikanna tur scheme an duan zingah hian Mizoram Handholding scheme hi a tha ber a nih loh pawhin a aia tha kan hre mai lo. Hriat theih chinah State 7 vel an mi leh sate tan guarantor-ah an awm a, chutihlaiin, keini anga a pung zawng zawng rulhsak (100% interest free loan) an awm lo. Heti chunga kan hlawhtlinpui thei lo a nih chuan entrepreneur te pawh inenfiah kan ngai ang. A thlawn hi chu central sawrkar pawh tiamin, tu sawrkar mahin an tlin tawh lo. India economy hi a tha lutuk hran lo a, a puihna tel lova nun kan tum tial tial a ngai tak zet,” a ti a. “Mizoram sawrkar budget ei hek lovin Rs. vbc. 44/- chuang loan sanction a ni. Bank te nen kan thawh hona azarah August, 2026 thlengin Banakaih scheme hnuaia loan hmu tur Progress Partner 741 thlan chhuah an ni tawh a, chung zinga chhungkaw 494 hnenah loan hi sanction ni tawhin, State sawrkar budget ei hek lovin vbc. 44.5/- lai mai sanction a ni tawh nge nge. Kan intiam ang ngeiin sawrkar quarantor-a a tanna fee Rs. 14,01,762/- (nuai 14/-) kan pe tawh a. Tin, Progress Partner-te loan pung rulhsak nan sawrkarin interest subvention-ah Rs. 1,12,13,347 (Rs. vbc.1.12/-) kan peksak tawh bawk,” a ti.
CM Special Package chungchang sawiin, “CM Special Package hi a thlawna sum sem ringawt a ni lo, project based a ni. Uluk takin implementing department leh district monitoring team ten an rawn umzui dawn. Keini ho zingah hian ti tak tak lo kan lo awm palh a nih chuan a mualpho thlak hle ang. August 2026 thlenga CM Special Package Phase I leh Phase II hnuaia Progress Partner puih tawh zat chu 3842 an ni a, hemi atan hian cheng Rs. 26,25,95,870 (vbc. 26.2/-) sen a ni tawh a ni. Tun thla September ni 18 hian Chief minister hovin Banakaih Phase-3 khuhhawnna nei turin kan inbuatsaih leh mek a, siamrem hlek hlek kan nei dawn a, kan lo ngaihven dawn nia. Dilna kan submit vek sia kan va hmu ve lo ve, kan va hmu har ve, tih zawhna kan dawng tam hle. A chhanna chu Dilna kha department lamah thawn zel a ni. Department-ah a changtu Minister hoin Departmental Nodal Committee (DNC) in an lo approved phawt hnuah Apex Body a lo thleng a, chumi chu kan approved hnuah Planning Dept. in Finance Dept. lamah pawisa pe turin an dil leh a, chuta tang chuan department-ah let lehin, anni hian an dept. chan hnuaia mi te theuh kha an lo pe chhuak ta thin a ni. A ruala submit pawh a dept. luhna a zirin a kal reiin a kal muang thin. A tlangpuiin Vety, Horti leh Industry ten diltu an ngah fal a, midang aia an meeting nguna an hah deuh a ngai tihna a ni. Hmuh hma leh tlai thuah chuan department approved hma leh tlaiin kawng ro a su viau,” a ti a bawk.
Vawiin chhung inkhawm hi Pu Darmawia, Adviser chuan kaihruaiin Pu Laltanpuia Zote, Secretary chuan hunserh a hmang a, party mi thahnem tak kan tel a ni.
Sd/-
(ZORAMSANGZELA)
Secretary
