07/10/2019
പത്തനംതിട്ട ജില്ലയിൽ അടൂരിനടുത്ത് മണ്ണടിയിലാണ് ഈ കാമ്പിത്താൻ കൽമണ്ഡപം... കല്ലടയാറിന്റെ തീരത്ത് സ്ഥിതിചെയ്യുന്ന ഈ മനോഹര മണ്ഡപം മണ്ണടിദേശത്തെ പ്രധാന സന്ദർശക കേന്ദ്രങ്ങളിലൊന്നാണ്.
നൂറ്റാണ്ടുകൾ പഴക്കമുള്ള മണ്ഡപം തഞ്ചാവൂർ മാതൃകയിൽ തഞ്ചാവൂരിൽനിന്ന് എത്തിയ ശില്പികളാണ് പണിതത്..
ശില്പങ്ങളും കൊത്തുപണികളുമുള്ള കൽമണ്ഡപം പഴമ നഷ്ടപ്പെടാതെ നിൽക്കുന്നു.
മണ്ണടി ദേവിയുടെ പ്രതിപുരുഷനായി കണക്കാക്കുന്ന സവിശേഷ സിദ്ധിയുണ്ടായിരുന്ന കാമ്പിത്താൻ പാറക്കടവിലെ സ്നാനത്തിനുശേഷം ധ്യാനമിരുന്ന സ്ഥലമായിരുന്നു കൽമണ്ഡപമെന്ന് പറയപ്പെടുന്നു. മണ്ണടി ദേവീക്ഷേത്രത്തിന് കിഴക്കുഭാഗത്തായി ഏകദേശം 50 മീറ്റർ ദൂരത്താണ് കാമ്പിത്താൻ കൽമണ്ഡപം. കല്ലടയാറിന് അഭിമുഖമായി നിൽക്കുന്ന ഈ മനോഹര
കൽ മണ്ഡപത്തിൽ നിന്ന് കാണുന്ന അങ്ങേക്കരയിലേക്ക് നോക്കിയാൽ കാണുന്നത് കൊല്ലം ജില്ലയിലെ കുളക്കട പഞ്ചായത്ത് ആണ്...
വിവരണം & ചിത്രങ്ങൾ : chandrababu kulakkada
