https://www.facebook.com/112016961749091/

Village Book Sawlapur TQ.Achalpur Dist.Amravati, At. Post. Sawlapur TQ. Achalpur Dist. Amravati, Achalpur (2026)

13/09/2026

‼️ भगवान सर्वज्ञ चक्रधर स्वामी जयंती‼️ ============================
आज दिनांक १३/०९/२०२६ ला सकाळी ११=०० वाजता ग्राम पंचायत कार्यालय सावळापूर मध्ये भगवान सर्वज्ञ श्री चक्रधर स्वामी यांच्या ८०६ वा अवतार दिन निमित्त त्यांच्या प्रतिमेचे पूजन करून पुष्पहार वाहुन त्यांना विनम्र अभिवादन करण्यात आले.

बाराव्या शतकातील सामाजिक राजकीय व्यवस्था, अंधश्रद्धा व कर्मकांडांनी ग्रासलेल्या समाजाला श्री चक्रधर स्वामी यांनी भक्ती, मानवता आणि समतेचा मार्ग दाखविला.त्यांनी जातीभेद व वर्णभेद नाकारून सामाजिक दायित्वाची शिकवण दिली. अहिंसा,करुणा,क्षमा,शांती, जीवनदया आणि प्रेम या मूल्यांचा संदेश त्यांनी समाजाला दिला.
तसेच, स्त्रियांना पुरुषांच्या बरोबरीने सर्व अधिकार असावेत अशी भूमिका मांडली,स्त्रियांना ही शिक्षणाचा अधिकार असावा, प्रतिष्ठेने जगण्याचा व आपले विचार मांडण्याचा अधिकार असावा विचार मांडून श्री चक्रधर स्वामींनी समाजाला दिशा दिली.
श्री सर्वज्ञ चक्रधर स्वामी अवतार दिन मोठ्या उत्साहात ग्राम पंचायत मध्ये साजरा करण्यात आला.

कार्यक्रमाला उपस्थित, श्री.अमोल ना.राऊत ,श्री.श्रेयस दि.फाटे,सामाजिक कार्यकर्ते ग्राम पंचायत कर्मचारी वर्ग, रोजगार सेवक, गावातील ग्रामस्थ उपस्थित होते.

10/09/2026

🌾बैल पोळा सण उत्साहात साजरा २०२६🌾
➖➖➖➖➖➖➖➖➖➖
ग्राम पंचायत कार्यालय सावळापूर अंतर्गत सावळापूर, खानापूर, टोंगलाबाद येथिल सर्व गावकरी मंडळींनी दरवर्षी प्रमाणे दिनांक १०/०९/२०२६ यावर्षी बैलपोळा हा श्रावण अमावस्येला म्हणजे पिठोरी अमावस्येला साजरा करण्यात आला.वर्षभर शेतात राबणाऱ्या नागर ओढणाऱ्या आणि शेतकऱ्याच्या सुख दुःखात खांद्याला खांदा लावणाऱ्या बैलांप्रती कृतज्ञता व्यक्त करण्याचा सण म्हणजे "बैलपोळा" खादेशेकणीच्या वेळी बैलाच्या खांद्याला तूप,तेल आणि हळद लावून शेक दिला जातो त्यानंतर आपल्या लाडक्या बैलाला प्रेमाने शेतकरी म्हणतो "आज अवतन घ्या उद्या जेवायला या" एका वाक्यात बैल आणि शेतकरी यांच्यातील वर्षानुवर्षे ऋणानुबंध सामावले आहेत.
पोळ्याच्या दिवशी बैलांना सजवून त्यांची विविध पूजा केली जाते. बैलांच्या अंगावर गेरू, शिंगांना रंग, घुंगरू,आणि रंगीबिरंगी झुल चढवली जाते.सावळापूर येथिल आठवडी बाजार,गणपती चौक माळीपुरा, खानापूर आणि टोंगलाबाद येथे मोकळ्या जागेवर आंब्याच्या तोरणाच्या खाली बैल जोडींना उभे केले जाते.आणि गावातील मनाची बैल जोडी ढोल ताशांच्या गजरात आल्यानंतर संपूर्ण उत्साहाचे वातावरण असते.
तसेच आजच्या घडीला शेतकरी बांधव आर्थिक अडचणीत सापडला आहे.अनियमित पावसाचा मोठा फटका खरीप ,विशेषतः सोयाबीन,कपाशी,तूर व इतर पिकाला फटका बसला आहे. गेल्या काही दिवसांपासून पाऊस नसल्याने ऐन फुलोऱ्यातील पिके जागेवरच वाळून जात आहेत. एकामागून एक आलेल्या आस्मानी संकटांमुळे तो खचला आहे.
शेतकरी राजा सुखी व समृद्ध होऊ दे अशी ईश्वरचरणी प्रार्थना!
"आपण आपलं गाव"
"गावाचं वैभव"
"गावाची संस्कृती जपली पाहिजे"

कृषीसंस्कृती जपणाऱ्या सर्व शेतकरी, कष्टकरी बांधवांना बैलपोळा सणाच्या हार्दिक शुभेच्छा..
💐💐💐💐

24/08/2026

🇮🇳 सर्वसाधारण ग्रामसभा २०२६ 🇮🇳
=======================
ग्राम पंचायत कार्यालय सावळापूर अंतर्गत शुक्रवार दिनांक २१/०८/२०२६ ला सायंकाळी ०५=०० वाजता सर्वसाधारण ग्रामसभेचे आयोजन करण्यात आले होते.सौ.सुषमाताई प्रकाश वानखडे (प्रशासक) यांच्या अध्यक्षतेखाली सभेला सुरुवात करण्यात आली.
गावकऱ्यांनी सहकार्य असेल तर गावच्या विकासात नक्कीच भर पडणार आहे, आज आयोजित ग्रामसभा सर्वांनी भाग घेऊन चर्चा होऊन सर्वानुमते सहमती दिली.जिल्हा परिषद शाळेचे मुख्याध्यापक श्री.देवराव अमोदे यांनी ग्रामसभेचे सचिव म्हणून काम काज सभाळले व ग्रामसभे विषयावर सर्व सविस्तर माहिती दिली.
प्रधानमंत्री आवास योजना ग्रामीण अंतर्गत आवास प्लस २०२४ कायमस्वरूपी प्रतिक्षा यादी वाचून करून अंतिम करण्यात आली.,
➡️ विकसित भारत रोजगाराची हमी व आजी विका अभियान VB-G RAMG ग्रामीण बाबत जनजागृती करणे,
➡️मुख्यमंत्री बळीराजा शेत /पांदन रस्ते योजना अंतर्गत रस्त्यांची कामे करणे,
➡️ माझं गाव आरोग्य संपन्न गाव हे टी.बी.मुक्त पंचायत अभियानाच्या अंमलबजावणी बाबत चर्चा व नियोजन करणे,
➡️घनकचरा व्यवस्थापन जनजागृती करणे बाबत चर्चा करण्यात आली.
➡️ग्रामपंचायत क्षेत्रातील पात्र स्वयंसहायता समूहामध्ये समावेश न झालेल्या महिलांचे नवीन स्वयंसहायता गट स्थापन करणे बाबत चर्चा करण्यात आली,
➡️इलेक्ट्रिक वाढीव पोल घेण्याबाबत चर्चा करण्यात आली,
➡️आपले सरकार सेवा केंद्र मार्फत देण्यात येणाऱ्या सेवा बाबत विचार विनिमय चर्चा करण्यात आली,
➡️ सन २०२६/२७ जन सुविधा योजना कृती आराखडा तयार करणेबाबत चर्चा करण्यात आली.
➡️ खासदार व आमदार निधीतून घ्यावयाचे विकासात्मक कामे बाबत चर्चा करण्यात आली,
➡️ ग्रामपंचायत कर घरकर आणि पाणी कर व इतर कर वसुली बाबत चर्चा करण्यात आली,
याप्रसंगी ग्रामसभेमध्ये गावातील विकास कामासंदर्भात व विविध प्रश्नाबाबत सविस्तर चर्चा करण्यात आली, गावाच्या विकासासाठी प्रत्येक नागरिकाचा सहभाग आणि सहकार्य अत्यंत महत्त्वाचे आहे.प्रत्येक नागरिकांनी आपली घरपट्टी व पाणीपट्टी वेळेत भरुन ग्रामविकासात साथ द्यावी.

ग्रामसभेला उपस्थित प्रशासक व प्रशासकीय सदस्य आरोग्य सेविका,व आशा वर्कर,अंगणवाडी सेविका व मदतनीस,मुख्याध्यापक व शिक्षक, महसूल सेवक, महिला बचत गटाच्या महिला,गावातील तरुण वर्ग,ग्रामस्थ मोठ्या संख्येने उपस्थित होते.

||“ग्रामसभा मजबूत, तर गावाचा विकास निश्चित!” 🇮🇳 ||

15/08/2026

🇮🇳भारतीय स्वातंत्र्य दिन चिरायू होवो!!🇮🇳
➖➖➖➖➖➖➖➖➖➖
१५ ऑगस्ट २०२६ शनिवार रोजी ग्राम पंचायत कार्यालय सावळापूर मध्ये भारतीय स्‍वातंत्र्य दिनाच्या ८० वा वर्धापन दिनानिमित्त देशाला स्वातंत्र्य मिळवून देण्यासाठी सर्वस्वाचा त्याग करणाऱ्या स्वातंत्र्य सैनिक, क्रांतिकारक देशभक्तीच्या प्रतिमेचे पूजन करून विनम्र अभिवादन करण्यात आले.
भारतीय स्‍वातंत्र्य दिनानिमित्‍त सकाळी ०८=०० वाजता स्वातंत्र्यदिन अत्यंत उत्साहपूर्ण, शिस्तबद्ध व देशभक्तीच्या वातावरणात साजरा करण्यात आला.या सोहळ्याला भारतीय सैन्यातील सन्माननीय जवानांची उपस्थिती लाभल्याने कार्यक्रमाला विशेष गौरव प्राप्त झाला.
भारतीय सैन्य दलातील सेवानिवृत्त सैनिक श्री.गोपाल विजयराव घोम यांच्या शुभ हस्ते व प्रशासक सुषमाताई प्रकाश वानखडे यांच्या प्रमुख उपस्थितीत ग्राम पंचायत प्रांगणात ध्वजारोहण करण्यात आले.यावेळी वंदे मातरम्,राष्ट्रगीत व राज्यगीताचे गायन करुन राष्ट्रीय ध्वजास सलामी देण्यात आली.
याप्रसंगी देशाच्या सीमेचे रक्षण करणाऱ्या माजी सैनिकाचा तसेच प्रशासक सौ.सुषमाताई वानखडे व प्रशासकीय सदस्य श्री.अमोल राऊत यांच्या हस्ते शाल श्रीफळ पुष्पगुच्छ देऊन सन्मानपूर्वक सत्कार करण्यात आला.

हर घर तिरंगा हा केवळ आपल्या देशाचा ध्वज नाही, तर भारताच्या शौर्याचा, एकतेचा आणि स्वाभिमानाचा प्रतीक आहे. प्रत्येक घरावर अभिमानाने तिरंगा फडकू दे आणि प्रत्येक भारतीयाच्या मनात राष्ट्रप्रेमाची ज्योत सदैव तेवत राहू दे ,देशासाठी अभिमान, तिरंग्यासाठी सन्मान!
हर घर तिरंगा, हर मन तिरंगा!

या भारतात बंधु-भाव नित्य वसू दे |
दे वरचि असादे ||
हे सर्व पंथ संप्रदाय एक दिसू दे |
मतभेद नसुदे ||

याप्रसंगी ग्रामपंचायतचे प्रशासक व सर्व सन्माननीय प्रशासकीय सदस्य,सर्व माजी सरपंच, जेष्ठ नागरिक,जि.प शाळेचे मुख्याध्यापक व सर्व शिक्षकवृंद,जि.प. उर्दू शाळेचे मुख्याध्यापक, तंटा मुक्ती अध्यक्ष,आशा वर्कर, अंगणवाडी सेविका, आरोग्य कर्मचारी, सर्व पोलिस पाटील, ग्राम महसूल अधिकारी मॅडम,माजी सैनिक, महिला बचत गट,विद्यालय चे मुख्याध्यापक व शिक्षक वृंद,सोसायटी अध्यक्ष, उपाध्यक्ष व ग्राम पंचायत कर्मचारी वर्ग, विद्यार्थी, विद्यार्थीनी ग्रामस्थ बहुसंख्येने उपस्थित होते.
कार्यक्रमाचे सूत्रसंचालन व आभारप्रदर्शन श्री.ऋषिकेश राहाटे ग्रा.पं.अधिकारी यांनी केले.

यावेळी ग्राम पंचायत कार्यालय सावळापूर, प्रशासक ग्रा.पं.अधिकारी,सर्व प्रशासकीय सदस्य यांनी स्‍वातंत्र्य दिनाचा ८० वा वर्धापन दिनाच्या प्रसंगी,सावळापूर जनतेला व उपस्थित सर्व मान्यवरांना शुभेच्छा दिल्‍या.

14/08/2026

🌳🌴 एक वृक्ष - एक जबाबदारी 🌳🌴 ============================
आज दिनांक १४/०८/२०२६ ला सकाळी ०९=३० वाजता ग्राम पंचायत कार्यालय सावळापूर अंतर्गत स्मशानभूमी सावळापूर परिसरामध्ये श्री.राजेंद्र अंबादासजी सगणे यांनी पर्यावरण संवर्धनाचा संदेश देण्यासाठी वृक्षारोपण करण्यात आले एक वृक्ष एक जबाबदारी या भावनेतून उपस्थित सर्वांनी वृक्षाचे संगोपन करण्यास संकल्प केला माध्यमातून वृक्षारोपण कार्यक्रम करण्यात आले.
यावेळी माजी मुख्याध्यापक धाबे गुरुजी व ग्रा.पं.अधिकारी, श्री.ऋषिकेश राहाटे, यांनी पर्यावरण संवर्धनाची आजच्या काळातील गरज याविषयी उपस्थितांना मार्गदर्शन केले की, प्रत्येक वृक्ष निसर्गाची सेवा ही आई विषयी कृतज्ञतेची भावना आहे.
आपण सर्वांनी मिळून हा उपक्रम यशस्वी करायला पुढे यावे असे आवाहन यांनी केले.

कार्यक्रमाला उपस्थित श्री.धाबे गुरुजी,श्री.ज्ञानेश्वरराव सगणे, श्री.गजानन बोबडे रोजगार सेवक,ग्रा.पं.अधिकारी राहाटे साहेब,श्री.ऋषिकेश सगणे सामाजिक कार्यकर्ते,ग्राम पंचायत कर्मचारी वर्ग,गावातील ग्रामस्थ उपस्थित होते.

14/08/2026

🇮🇳 हर घर तिरंगा अभियान २०२६ 🇮🇳
=========================
भारत सरकार सांस्कृतिक मंत्रालय महाराष्ट्र शासन यांचे निर्देशानुसार "हर घर तिरंगा" अभियाना अंतर्गत ग्रामपंचायत सावळापूर येथे आज शुक्रवार दिनांक १४/०८/२०२६ ला सकाळी ठीक ८=०० वाजता प्रशासक सौ.सुषमाताई प्रकाश वानखडे यांनी आपल्या ध्वजारोहणाचा मान सावळापूर येथिल प्रतिष्ठित नागरिक श्री.ज्ञानेश्वरराव आनंदरावजी सगणे यांना दिला व त्यांच्या शुभहस्ते ध्वजारोहण करण्यात आले.

यावेळी ग्रा.पं.चे प्रशासक, ग्राम पंचायत अधिकारी ऋषिकेश राहाटे, सामाजिक कार्यकर्ते,अंगणवाडी सेविका, व मदतनीस जि.प.शाळेचे मुख्याध्यापक व शिक्षक, आशा वर्कर,रोजगार सेवक,ग्राम पंचायत कर्मचारी,गावातील ग्रामस्थ प्रामुख्याने उपस्थित होते.

13/08/2026

🇮🇳 हर घर तिरंगा अभियान २०२६ 🇮🇳
=========================
भारत सरकार सांस्कृतिक मंत्रालय महाराष्ट्र शासन यांचे निर्देशानुसार "हर घर तिरंगा" अभियाना अंतर्गत ग्रामपंचायत सावळापूर येथे आज गुरुवार दिनांक १३/०८/२०२६ ला सकाळी ठीक ८:०० वाजता प्रशासक सौ.सुषमाताई प्रकाश वानखडे यांनी आपल्या अधिकाराचा वापर करीत ध्वजारोहणाचा मान ग्रा.पं. रोजगार सेवक श्री.गजानन भिमराव बोबडे यांना दिला यांच्या हस्ते ध्वजारोहण करण्यात आले.

यावेळी ग्रा.पं.चे प्रशासक,अंगणवाडी सेविका, व मदतनीस जि.प.शाळेचे मुख्याध्यापक व शिक्षक, आशा वर्कर,रोजगार सेवक,ग्राम पंचायत कर्मचारी,गावातील ग्रामस्थ प्रामुख्याने उपस्थित होते.

08/08/2026

ग्राम पंचायत कार्यालय सावळापूर येथे गुरुवार दिनांक ०६/०८/२०२६ ला सन २०२६/२०२७ सर्वांची योजना सर्वांचा विकास आराखडा(GPDP) अंतिम मंजुरात देणे या निमित्ताने विशेष ग्रामसभा, सायंकाळी ६=०० वाजता घेण्यात आली.

01/08/2026

❗ साहित्यरत्न अण्णाभाऊ साठे जयंती ❗ ===================================
आज दिनांक ०१/०८/२०२६ ला सकाळी १०=३० वाजता ग्राम पंचायत कार्यालय सावळापूर येथिल प्रशासक सौ.सुषमाताई प्रकाश वानखडे यांनी साहीत्यरत्न अण्णाभाऊ साठे यांच्या जयंती निमित्त त्यांच्या प्रतिमेचे पूजन करून पुष्पहार अर्पण करून विनम्र अभिवादन करण्यात आले.

लोकशाहीर अण्णाभाऊ साठे यांनी आपल्या लेखणीतून, शाहिरीतून आणि साहित्याच्या माध्यमातून समाजातील वंचित, शोषित आणि कष्टकरी जनतेचा आवाज जगासमोर पोहोचवला. त्यांच्या प्रत्येक शब्दात संघर्ष होता, स्वाभिमान होता आणि त्यांनी दाखवलेला समतेचा, मानवतेचा आणि सामाजिक न्यायाचा मार्ग आजही लाखो तरुणांसाठी प्रेरणादायी आहे. त्यांच्या विचारांचा वारसा जपणे, शिक्षण, संघटन आणि संघर्षाच्या माध्यमातून समाजात सकारात्मक बदल घडवणे, हीच त्यांना खरी आदरांजली ठरेल.
साहित्यरत्न अण्णाभाऊ साठे यांच्या जयंतीनिमित्त त्यांच्या कार्याला, साहित्याला आणि विचारांना मनःपूर्वक अभिवादन! 🙏💐

कार्यक्रमाला उपस्थित प्रशासकीय सदस्य,श्री.अमोल ना.राऊत,रोजगार सेवक,व ग्रा.पं. कर्मचारी मनिष सगणे, संगणक परिचालक,पाणी पुरवठा कर्मचारी ग्रामस्थ उपस्थित होते.

Village Book Sawlapur TQ.Achalpur Dist.Amravati

13/09/2026

10/09/2026

24/08/2026

15/08/2026

14/08/2026

14/08/2026

13/08/2026

08/08/2026

01/08/2026

Address

Website

Alerts

Shortcuts

Share

Category

Listing takedown request