Desa Adat Kusamba

18/03/2026

Nyanggra rahina Nyepi, krama Desa Adat Kusamba ngamargiang upacara pamalastian ring segara Kusamba nemonin rahina Anggara Pon Kelawu, Sasih Kasanga, 17 Maret 2026. Upacara pamelastian kapuput Ida Pedanda Gede Oka Keniten sakimg Griya Anyar Kusamba.

18/03/2026

Rahajeng rahina Nyepi Caka 1948 Warsa 2026🙏🙏🙏

22/02/2026

NGWERDIANG BASA, AKSARA, LAN SASTRA BALI

Desa Adat Kusamba satata pageh ngwerdiang basa, aksara, lan sastra Bali majalaran parikrama Bulan Bahasa Bali VIII. Nemonin rahina Redite Kliwon wuku Bala, Minggu, 22 Februari 2026, magenah ring Bale Banjar Tengah, Desa Adat Kusamba mawali nglaksanayang makudang-kudang wimbakara basa, aksara, lan sastra Bali. Pangaptine mangda krama Desa Adat Kusamba sayan-sayan oneng tur waged mabasa Bali. Basa, aksara lan sastra Bali pinaka jiwa pramana adat lan budaya Bali. Nika mawinana, krama patut ngwerdiang basa, aksara, lan sastra Bali.

09/12/2025

PUJAWALI PURA SEGARA

Nemonin rahina suci Anggarakasih Medangsia, dina Anggara Kliwon wuku Medangsia tanggal 9 Desember 2025, krama Desa Adat Kusamba ngaturang pujawali ring Pura Segara Desa Adat Kusamba. Pujawali kapuput olih Ida Pedanda Gde Oka Keniten saking Griya Anyar Kusamba.

Bandesa Desa Adat Kusamba, AA Gde Raka Swastika nlatarang pujawali ring Pura Segara kamargiang nyabran nganem sasih. Ida Batara nyejer salami tigang rahina. Pujawali puniki pinaka cihna bakti miwah suksmaning manah krama duaning Ida Batara sampun mapaica karahayuan lan kasukertan majeng krama Desa Adat Kusamba.

"Dumogi sangkaning pasuecan Ida Batara ring Pura Segara, krama miwah sadaging jagat Kusamba rahayu rahajeng satata," baos Jro Bendesa.

19/11/2025

Galungan ring Desa Adat Kusamba. Rahayu. 🙏

16/11/2025

NYINEB NGUSABA SEGARA LAN NGUSABA NINI

Risampune Ida Batara nyejer salami solas rahina, krama Desa Adat Kusamba ngamargiang upacara panyineban Karya Ngusaba Segara lan Ngusaba Nini nemonin rahina Redite Pahing wuku Dungulan, Minggu, 17 November 2025. Upacara panyineban nyihnayang Karya Ngusaba Segara lan Ngusaba Nini sampun puput.

Manggala Karya, I Nengah Sumarnaya nlatarang, risampune upacara panyineban, pacang kalanturang antuk parikrama ngelugar tetaring miwah penjor ring rahina Soma Pon wuku Dungulan, Senin, 17 November 2025.

Bandesa Desa Adat Kusamba, AA Gde Raka Swastika ngaturang suksma antuk ayah-ayahan lan pangrastiti krama desa adat sami mawastu Karya Ngusaba Segara lan Ngusaba Nini sampun mamargi antar labda karya.

08/11/2025

Matur suksma antuk liputan Tribun Bali

Tradisi Nyepi Segara yang menjadi rangkaian Ngusaba Segara lan Ngusaba Nini di Pura Segara menjadi benteng untuk menjaga budaya

05/11/2025

05/11/2025

Matur suksma antuk liputan Balisajacom

Krama Kusamba diajak meneladasi semangat Perang Kusamba sebagai inspirasi dalam menjaga keberlangsungan warisan budaya tradisi Nyepi Segara.

05/11/2025

Atur pakeling saking Anggota DPRD Klungkung daerah pemilihan Kecamatan Dawan, I Nyoman Alit Sudiana, indik pamargi Karya Ngusaba Segara lan Ngusaba Nini ring Pura Segara, pamekas indik dresta Nyepi Segara sane sampun kaangkenin olih pemrentah pinaka warisan budaya tak benda ngawit warsa 2024.

05/11/2025

Atur pakeling saking Anggota DPRD Bali daerah pemilihan Kabupaten Klungkung, Tjokorda Gde Agung, indik pamargi Karya Ngusaba Segara lan Ngusaba Nini ring Pura Segara, pamekas indik dresta Nyepi Segara sane sampun kaangkenin olih pemrentah pinaka warisan budaya tak benda ngawit warsa 2024.