Sama dengan SMA pada umumnya di Indonesia masa pendidikan sekolah di SMAN 1 Ciparay ditempuh dalam waktu tiga tahun pelajaran, mulai dari Nyoreang Ka Tukang
Mungguh asa mung ukur sakolebat, uih likur taun lengkah natrat ngabarabat nu parantos di sorang ku SMA Cipary. Ti kawit naratas nembrakeun tekad sareng sumanget ngatik ngadidik putra-putri bangsa, dilajeungkeun ku lengkah-lengkah pinuji para p
erintis nu pinuh keihklasan berjoang ngawujudkeun lembaga pendidikan. Ti kawit harita dugi ka ayeuna parantos uih likur taun lamina. Nyoreang mangsa SMA urang dikawitan estu matak ngangres, 2 Pebruari 1985 - Natrat ngabarabat dina catetan sajarah ngadegna SMA Negeri 1 Ciparay, yen harita 24 taun kapengker dikawitan ku milu ngaheurinan sakola batur nebeng sa SMP Negeri Ciparay tangtosna oge ku jasa sareng kasaean para perintis harita nu dikawitan ku tilu ruang kelas minangka mitembeyan ngadegna SMA Negeri Ciparay. sakitu taun lamina SMA Negeri Ciparay jadi pagjugjugan putra-putri boh nu tebih boh nu caket, jadi garba elmu tempat nyuprih bekel hirup - jadi tempat candradimuka ngipuk calon kader bangsa. taya lian ti jasa sareng pangbakti urang sadaya, khususna para pimpinan sakola anu parantos nyeungceum jasa di ieu sakola, nya eta ti kawit:
1. Drs.Husnu; PLH ngarangkep pimpinan SMA Bale Endah;
2. Drs.Rukasa; PLH ngarangkep pimpinan SMA Bale Endah
3. Drs.Toto Suherna
6. Drs.Lili - PLH 1 smt
7. Drs.Dedi Hidayat;
8. Aa Sudaya - ti kawit sasih April 2005 dugi ka kiwari. Ngatik ngadidik siswa-siswi, boh elmuna boh ahlakna, mangrupa tugas utama lembaga pendidikan urang. Hanjakal teu acan kacatet sabaraha seueurna alumni putra-putri bangsa anu parantos rengse nyuprih elumu-jadi lulusan SMA Ciparay. Tangtosna parantos rebuan nyebar sumebar ka sakuliah tempat, aya anu janten pajabat pamarentah, dokter, ir, pangacara, tentara, pulisi, malih teu sakedik anu janten guru. Dina raraga refleksi, evaluasi diri sanes saukur nyawang ka tukang mulangkeun panineungan kana sajarah anu parantos kalangkung. namung aya hiji makna pangrojong pikeun ngaronjatkeun diri boh widang akademik atanapi non akademik, ngaronjatkeun kualitas lembaga sareng profesi kinerja. Junggriringna SMA Negeri 1 Ciparay kiwari, taya lian ku jasa sareng kaikhlasan para pentintis anu parantos berkorban-boh harta atanapi tanaga, moral sareng material, kitu deui ku jasa para paimingpin sareng guru-guru, para staf administrasi, ogeu teu kakantun siswa katut siswi. Taya lian, dua sareng pangharepan urang sadayana, mugi SMA Negeri 1 Ciparay tuluy nanjung, apanjang-apanjung, nanjeur dina galeuh anu maneuh berjuang ku cara ngatik ngadidik sangkan ngarundaykeun seuweu siwi anu cerdas terpelajar. Amin ya Robbal alamin. Wassalamualaikum wr.wb
