規劃署 Planning Department

08/09/2026

【🎥香港電台節目《政正關你事》 - 做個小小規劃師】

新一集嘅《政正關你事》介紹由規劃署主辦嘅「暑期規劃學校2026 -做個小小規劃師」🧡 活動由專業城市規劃師帶領小學生走出課室，透過實地考察與工作坊親身體驗城市建設。一齊去片，睇吓我哋外展團隊點樣帶領年輕一代深入了解北部都會區，尤其新界洪水橋／厦村新發展區嘅未來發展藍圖與宜居願景啦！

即刻瀏覽以下連結重溫節目啦！ 😊
https://www.rthk.hk/tv/dtt31/programme/governmentandyou/episode/1122202

#規劃署 #政正關你事 #香港電台 #規劃署外展計劃 #小小規劃師 #暑期規劃學校2026 #北部都會區

規劃署外展計劃「暑期規劃學校2026 -做個小小規劃師」，由專業城市規劃師帶領小學生走出課室，透過實地考察與工作坊親身體驗城市建設。今年以新界洪水橋／厦村新發展區為研究重點，帶領年輕一代深入了解北部都會區的未...

04/09/2026

【Plan Your Summer - 規劃署暑期實習生的工作】
規劃署嘅暑期實習生喺呢個夏天充實地體驗咗城市規劃師嘅日常工作，對呢個專業有更深入嘅了解。究竟佢哋學到啲乜？一齊去片， 睇吓佢哋嘅實習總結啦！🥳
#規劃署 #暑期實習生 #未來規劃師 #規劃專業

01/09/2026

【 第7站｜粉嶺安樂門街遊樂場】

系列今站小編去到粉嶺發掘下粉嶺安樂門街遊樂場嘅特色！

北部都會區（北都）發展正有序推進 🏗️，其中粉嶺繞道（東段）已喺今年5️⃣月通車，成為北都首個落成嘅大型運輸基建項目，為北區提供更直接高效嘅道路連接！🛣️為配合呢項基建工程，部分現有設施需要重置或臨時關閉。原本喺安樂村嘅安樂門街遊樂場，已經搬到原址以北約150米，鄰近龍躍頭交匯處嘅位置，全新遊樂場已喺上年4️⃣月正式啟用！新場地大咗靚咗，設施又升級咗，唔知有冇鍾意滑板運動🛹嘅朋友去過呢？

🌳 公園亮點
▪️ 全新嘅安樂門街遊樂場佔地逾3,800平方米，當中極限運動場佔地約1,600平方米
▪️ 設有多元化設施，包括碗型場地同街式場地，可以滿足滑板🛹、特技直排滑輪、自由花式滑板車同自由花式小輪車🚴🏻‍♀️嘅玩家作唔同程度嘅花式訓練
▪️ 場地獲得國際滾軸運動總會認證，達到國際級標準💪🏻

回顧粉嶺北新發展區嘅規劃歷程👀
規劃署聯同土木工程拓展署喺2008年展開「新界東北新發展區規劃及工程研究」📚，為粉嶺北等地訂立規劃同發展綱領。其後喺2013年展開法定改劃程序，擬備古洞北及粉嶺北兩份分區計劃大網圖，為新發展區嘅土地訂立土地用途、規劃意向同埋發展參數🏘️。粉嶺北新發展區定位為「河畔社區」。2023年公布嘅《北部都會區行動綱領》，進一步將古洞北／粉嶺北新發展區納入口岸商貿及產業區內，屬以居住為主嘅社區🏡。規劃署亦因應政府不同嘅政策及土地資源運用，不斷優化粉嶺北嘅規劃💙。粉嶺北新發展區第1️⃣階段嘅項目係整個北都最早落成嘅新發展區之一。此外，政府亦喺粉嶺北新發展區餘下階段用地試行「片區開發」模式，由招標嘅發展商綜合開發，以加快北都整體發展步伐。

大家估吓， 下一站會帶大家去邊度Chill呢？記得繼續留意 #規劃署 嘅 Facebook 同 IG！

#規劃署 #北部都會區 #粉嶺 #公共空間 #安樂門街遊樂場 #極限運動 #粉嶺繞道東段 #滑板 #滾軸運動

28/08/2026

【規劃執管及檢控知多點 #10 - 恢復原狀要到位 (II) - 種草篇】

「恢復原狀通知書」一般有兩項要求：第一項是移走土地上所有填土物料，第二項是在土地上種草。收件人切記要於三個月限期內履行所有的要求。如規劃署確認所有的要求已經辦妥後，會向收件人發出「完成規定事項通知書」，以免收件人被檢控。

#規劃署 #規劃執行管制及檢控 #新界鄉郊土地違例發展 #違例發展會被檢控 #發展前問清楚 #恢復原狀通知書

25/08/2026

【走進河套香港園區　了解北都創科規劃新進程】

河套深港科技創新合作區是國家「十四五」規劃下粵港澳大灣區的重大合作平台，由香港園區及深圳園區以「一河兩岸」、「一區兩園」理念共同構建。該園區結合「一國兩制」優勢地理條件，定位為聯通內地與國際的世界級科技創新樞紐，以及國家培育發展新質生產力的重要策源地。

為更掌握園區的最新發展，規劃署同事日前走進園區實地考察，從規劃、建設、產業及生活配套等角度作深入了解。團隊先到訪河套社區聯絡中心—「河套科創築城館」，透過互動體驗認識河套區內創新科技及生態保育成果；其後參觀港深創新及科技園的訪客中心，聽取北部都會區創科布局及園區整體規劃簡介，了解產業布局與招商引資的進展。同事隨後前往八號大樓俯瞰園區、新田科技城及連接落馬洲站的直連路，視察首批次發展的建設進度，並到人才公寓了解園區的生活配套及共用空間。

是次參訪讓規劃師們更深入認識建立創科生態圈所需的規劃配套，以及香港未來的發展定位與機遇。參訪所得將有助同事在日常城市規劃工作中，尤其在推展北部都會區時，作出更周全的考量。

#規劃署 #河套深港科技創新合作區 #河套香港園區 #一河兩岸一區兩園 #創新科技

20/08/2026

【規劃署與深圳市規資局代表團會面】

規劃署署長葉子季8月13日與到訪香港的深圳市規劃和自然資源局（規資局）局長徐松明會面，就共同關心的規劃議題進行交流。會上，雙方分別介紹兩地城市規劃工作的最新進展，並就深港合作交流及北部都會區與深圳空間規劃銜接等事項交換意見。

規劃署會繼續與規資局保持緊密溝通，加強深港兩地城市發展的協調及銜接。

#規劃署 #深圳市規劃和自然資源局 #深港合作 #北部都會區

18/08/2026

【 第6站｜紅磡海濱花園&建灣街花園】

小編上個月帶大家去咗紅磡都市公園 Chill，依家不如一齊喺紅磡海濱附近繼續Chill~

唔知大家由黃埔花園沿海濱🌊經 #紅磡海濱花園 散步去尖東嗰時🚶🏻‍♀️，有冇發現沿岸發展嘅建築物高度🏙️係向內陸漸次遞增，構成梯級狀嘅輪廓呢？呢啲都係規劃師嘅心思💙，咁樣做除咗保留山脊線嘅景觀，令視野更廣闊，加強同維港海濱嘅視覺聯繫👀，仲可以改善區內通風情況添。

另一個規劃師嘅心思就係喺上回介紹嘅 ＃紅磡都市公園 以西嘅沿岸範圍，自90年代初已預留作公共休憩空間🌳。 #建灣街花園 喺上年9️⃣月正式開放，進一步改善海濱周邊嘅連繫，為市民提供更多欣賞維港景致同享受優質休憩環境嘅空間。整體嘅設計都同海濱環境融合，營造出舒適宜人嘅環境，可持續嘅城市景觀。

🌳 紅磡海濱花園經優化後嘅亮點
▪️ 加設咗特色設計、健身站同連接嘅行人徑👣，加強海濱對外嘅連繫同提升活力
▪️ 海濱花園沿途有避雨亭、草坪、特色座椅等，俾市民駐足飽覽維港景色👀

🌳 建灣街花園亮點
▪️ 建灣街花園佔地約 0.8公頃，提供一系列動態同靜態康樂設施，滿足唔同年齡人士嘅需要
▪️ 靜態康樂設施例如觀景台嘅設計參考昔日黃埔船塢🛳️造船情境，模擬建造中嘅船隻，讓遊人可以多角度觀賞維港美景
▪️ 動態康樂設施例如籃球場🏀同健身站有助推廣運動，而兒童遊樂場嘅設計融合海濱環境🌊同園景設計🌱，好多小朋友都玩得相當興奮！

大家估吓， 下一站會帶大家去邊度Chill呢？記得繼續留意 #規劃署 嘅 Facebook 同 IG！

#規劃署 #城市設計 #活力海濱 #公共空間 #紅磡海濱花園 #建灣街花園 #紅磡

14/08/2026

【🔍「科學為民」服務巡禮：城市規劃 × 智慧科技｜展城館導賞活動圓滿舉行🎉 】

「科學為民」服務巡禮又開始啦！🎉 香港天文台 HKO 🔭同 香港科學館 Hong Kong Science Museum 聯同多個政府部門同機構，舉辦多項科普活動🔬🔍，向市民介紹唔同部門嘅科學工作，以及點樣將科技應用喺公眾服務之中 💁🏻‍♂️💁🏻‍♀️

規劃署作為「科學為民」嘅合作夥伴，上星期六(8月8日)喺展城館舉辦咗「城市規劃 × 智慧科技｜展城館導賞活動」👀，帶領參加者走入城市規劃同智慧科技嘅世界🌆🚀

參加者喺活動入面認識香港主要規劃項目同可持續發展理念，探索城市發展同保育之間點樣取得平衡🌱；亦了解規劃師點樣應用創新科技輔助規劃工作，推動香港邁向更智慧、更可持續嘅未來🌆🚀

感謝各位參加者嘅踴躍支持！請繼續留意 展城館 City Gallery 嘅最新活動，一齊認識城市規劃點樣塑造更宜居、更美好嘅香港。💙

#規劃署 #科學為民 #服務巡禮 #城市規劃 #智慧科技 #展城館 #導賞活動 #可持續發展 #智慧城市

11/08/2026

🌊【區區知多點 #17 東涌新市鎮擴展區‧東涌谷規劃‧東涌河活化工程】 🌿

🏗️擴展東涌新市鎮，唔單止係城市發展，更加係與自然、城鄉共融嘅新契機！🏘️🌳 作為香港第三代新市鎮，東涌谷嘅規劃打破咗傳統單一嘅工程主導思維。規劃團隊用心聆聽喺三個階段公眾參與活動中收集到嘅超過9,000個意見，透過跨部門協作同埋嶄新規劃概念，重新檢視東涌灣近馬灣涌填海計劃，喺宏觀規劃層面確立咗「保育與發展並存」嘅新定位。東涌新市鎮將以保育為先，發展為一個容納32萬人口嘅綜合新市鎮，並守護極具生態價值嘅東涌河口。🌾

🐟為咗連貫東涌河上下游嘅自然生態、增加東涌谷整體抗洪力同埋發展潛力，我哋喺法定圖則上訂立咗合適嘅土地用途，並列明當區嘅設計概念同特色，包括「平衡保育與發展」、「建造一個可持續發展的排水及防洪系統」同興建「以保護及保存東涌河現有的天然景觀、生態環境或地貌特點」嘅公園，為東涌河嘅保育工作提供咗明確指引。📋

✨規劃亮點

🛡️ 劃設逾百公頃保護區：策略地劃設「自然保育區」、「海岸保護區」同「綠化地帶」，並喺河道兩岸設置最多30米寬嘅軟性緩衝帶，保存天然景觀同生態系統，抑制市區範圍擴展。 🌲

🌧️ 引入可持續城市排水系統：將被混凝土覆蓋嘅明渠徹底還原為天然蜿蜒嘅生態河流，並喺「其他指定用途」地帶設立綠化堤堰同埋雨水滯留及處理池，以過濾同排放雨水，避免傳統渠化河道治理對生態造成嘅衝擊，體現「海綿城市」概念。🧽

💧 規劃首個透過河道活化達致城鄉共融嘅新市鎮擴展發展，打造全港首個推廣親水文化嘅「東涌河公園」。公園不單將防洪能力提升至可抵禦200年一遇嘅大雨，仲廣植本土樹木，為雀鳥同蝴蝶提供舒適嘅棲息生境。🦋🐦

👇 以上嘅項目剛榮獲「香港規劃師學會大獎2025/26」銀獎🏆， 依家就用分半鐘帶大家鳥瞰東涌谷嘅未來藍圖，見證跨部門團隊點樣落實「保育與發展並存」啦！🤝

#規劃署 #東涌新巿鎮擴展 #東涌谷 #東涌河 #東涌河公園 #城鄉共融 #發展與保育並存 #海綿城市

06/08/2026

【👩🏻👦🏻 暑期規劃學校 2026 ─ 做個小小規劃師 圓滿舉行！】

由規劃署主辦嘅「暑期規劃學校」一向深受歡迎，今年共吸引來自 8 間小學 90 多名師生參與 👩🏻👦🏻 。我哋亦感謝發展局北部都會區統籌辦事處 (北部都會區) 嘅支持。活動雖受天雨影響一度延期，最終都喺 7 月 15 日、21 同22 日順利舉行。

第 1 日嘅課程由專業城市規劃師同工程師主講 👩🏻‍🏫，為同學介紹北都嘅整體布局同洪水橋 / 厦村新發展區嘅社區規劃 🗺️。

第 2 日，我哋嘅城市規劃師帶領同學仔一齊實地考察了解洪水橋 / 厦村新發展區嘅現況同發展潛力👀✍，仲參觀咗今年年初開放嘅土木工程拓展署洪水橋 / 厦村新發展區社區聯絡中心。

最後1 日，同學仔喺工作坊入面化身小小規劃師 👦🏻👩🏻，盡情發揮創意，親身規劃呢個新社區! 🏙🌲 各組介紹完新社區作品後，我哋仲一齊即場投選出 3 組「最佳小小規劃師🏆」👏👏，過程既有趣又富啟發性!

我哋好開心見到每位同學仔都好享受今次嘅「暑期規劃學校」活動，約定出年暑假再同大家見面！💕

#規劃署 #北部都會區 #洪水橋厦村新發展區 #規劃署外展計劃 #小小規劃師 #暑期規劃學校2026