食物安全中心 Centre for Food Safety

食物安全中心 Centre for Food Safety 食物環境衞生署轄下的食物安全中心成立於二零零六年五月二日。

【月餅時令食品調查結果】食安中心（中心）啱啱公布咗一項有關月餅嘅時令食品調查結果，365個樣本全部通過檢測。中心喺唔同零售商（包括網上零售商）同食物製造廠抽取各式月餅樣本，包括傳統、冰皮、雪糕以及其他款式月餅進行化學、微生物同營養成分測試。...
16/09/2026

【月餅時令食品調查結果】
食安中心（中心）啱啱公布咗一項有關月餅嘅時令食品調查結果，365個樣本全部通過檢測。

中心喺唔同零售商（包括網上零售商）同食物製造廠抽取各式月餅樣本，包括傳統、冰皮、雪糕以及其他款式月餅進行化學、微生物同營養成分測試。

中心提醒市民保持均衡飲食，唔應該過量進食月餅，同時應該參考月餅嘅營養標籤，尤其了解當中糖分、鹽分同脂肪嘅含量，以便作出較健康嘅選擇。

有關嘅新聞公報可瀏覽以下網頁
https://www.cfs.gov.hk/tc_chi/press/20260916_12603.html

#食物安全中心 #食物安全 #月餅 #時令食品調查

【《食物安全焦點》第242期出版咗喇！】《食物安全焦點》係食安中心同事編寫，主要目的係喚起市民關注近日响本港同海外發生嘅食物安全事件，同埋就各類食物危害同相關嘅公眾健康影響提供專業而又淺白易明嘅資訊，內容非常豐富！最新2026年9月第242...
16/09/2026

【《食物安全焦點》第242期出版咗喇！】
《食物安全焦點》係食安中心同事編寫，主要目的係喚起市民關注近日响本港同海外發生嘅食物安全事件，同埋就各類食物危害同相關嘅公眾健康影響提供專業而又淺白易明嘅資訊，內容非常豐富！最新2026年9月第242期已經出版啦，今期內容有：
- 解讀本地膳食中的鎘
- 標籤背後：為何防腐劑及抗氧化劑比你想像中更重要
- 本地麵包的鈉含量
- 烘焙以外：芝士蛋糕的蠟樣芽孢桿菌風險

大家可以喺以下連結瀏覽精彩內容！
http://www.cfs.gov.hk/tc_chi/multimedia/multimedia_pub/multimedia_pub_fsf.html

#食物安全焦點 #食物安全中心 #食安中心 #食安仔 #食安妹妹

【煮熟咗嘅白果可以任食嗎🥣？】白果（ #銀杏）嘅煮法多樣，可以煲湯、煮糖水、做串燒等。究竟烹煮係咪可以完全清除 #白果 入面嘅天然毒素，煮熟咗嘅白果就可以任食呢🤔？ #食安妹妹：唔係㗎😖！白果本身含有多種天然毒素，有部分毒素可以透過烹煮消...
14/09/2026

【煮熟咗嘅白果可以任食嗎🥣？】
白果（ #銀杏）嘅煮法多樣，可以煲湯、煮糖水、做串燒等。究竟烹煮係咪可以完全清除 #白果 入面嘅天然毒素，煮熟咗嘅白果就可以任食呢🤔？

#食安妹妹：唔係㗎😖！

白果本身含有多種天然毒素，有部分毒素可以透過烹煮消除。不過，白果亦同時含有耐熱嘅毒（ #4'-甲氧基吡哆醇），所以烹煮只能降低白果嘅毒性，並唔可以除去所有毒素。

一旦進食過量嘅白果，有可能出現急性中毒嘅症狀，包括噁心、嘔吐、腹瀉、腹痛、思維混亂及抽搐等。過往曾經有報告指出📜，一次過進食10粒經烹煮嘅白果而中毒嘅情況🚨。兒童、長者及健康狀況欠佳嘅人士尤其要注意。

仲有，未成熟同未經烹煮嘅白果，毒性就更強❌。想享用白果，除咗要煮熟，仲要限量進食，一日幾粒就好喇～

更多防毒資訊：
https://shorturl.at/SZ9cF
https://shorturl.at/Zr7DM

#食安解碼星期一
#唔可以白果放題
#烹煮只可降低毒性
#記住適可而止
#少食多滋味
#食物安全中心 #食安中心
#食安小隊 #食安仔

【《食物內甜味劑規例》修訂建議知多D】政府正就修訂甜味劑嘅規管進行公眾諮詢，保障大家食得更安心：💡修訂建議嘅三大方向1. 正式將糖醇（又叫多羥醇）納入規管：平時無糖香口膠同糖果常用嘅糖醇（例如木糖醇、山梨糖醇），現建議正式納入規管範圍，令...
14/09/2026

【《食物內甜味劑規例》修訂建議知多D】
政府正就修訂甜味劑嘅規管進行公眾諮詢，保障大家食得更安心：

💡修訂建議嘅三大方向
1. 正式將糖醇（又叫多羥醇）納入規管：平時無糖香口膠同糖果常用嘅糖醇（例如木糖醇、山梨糖醇），現建議正式納入規管範圍，令本地法例更趨國際化🌍。

2. 加入兩款甜味劑：包括大家熟知、有悠久安全食用歷史嘅羅漢果提取物（Monk fruit extract）同高效安全嘅愛德萬甜（Advantame），等大家有更多食物選擇🛒。

3. 首次訂立含量上限：首次建議為 900 多種「食物＋甜味劑」組合訂立含量上限，進一步加強食物安全🧪。

🗓️幾時開始實施？
📣公眾諮詢期：2026年9月4日至12月4日。

⏳業界過渡期：新規例正式通過後，業界會有 18個月過渡期去更改配方或換新標籤。

📊市面影響評估：食安中心已做市面抽查，大部分結果已能符合新標準，預期對業界營商影響輕微，唔會影響大家嘅食物選擇。

#食物內甜味劑規例
#修訂建議 #公眾諮詢
#提出意見
#食物安全中心 #食安中心

【真「三文治」穿搭🥪✨】 無論係趕住返工返學⏰，定係學校旅行活動，三文治確係快捷飽肚之選😋～今次等 #食安妹妹 用「三文治」穿搭嚟講解製作三文治有咩食安要點要注意啦(｡•̀ᴗ-)✧！ #外層🍞 整三文治嗰陣，通常會用手直接處理即食食材👋...
10/09/2026

【真「三文治」穿搭🥪✨】
無論係趕住返工返學⏰，定係學校旅行活動，三文治確係快捷飽肚之選😋～今次等 #食安妹妹 用「三文治」穿搭嚟講解製作三文治有咩食安要點要注意啦(｡•̀ᴗ-)✧！

#外層🍞
整三文治嗰陣，通常會用手直接處理即食食材👋🏻，如果雙手或者廚房用具嘅衞生欠佳，容易受人體皮膚上嘅 #金黃葡萄球菌 所污染🤢，而未經徹底清潔消毒嘅工作枱、砧板、刀具亦會造成交叉污染(⊙_⊙;)！
🍞徹底清潔雙手及正確使用手套
🍞所有設備及用具保持清潔✨，使用唔同嘅用具分開處理生嘅食物及熟食或即食食物

#中層🫙
所有三文治醬汁、餡料🥫，尤其係沙律醬／塗抹醬、其他含蛋嘅醬汁及魚肉🐟，應該貯存喺攝氏 4 度或以下嘅雪櫃，避免喺室溫下貯存太耐而滋生細菌🦠。

#內層🍅
🍅即食新鮮蔬果，用流動自來水沖洗乾淨🚰
🍅番茄、青瓜等新鮮蔬果切開後，容易滋生細菌，須放入雪櫃貯存❄️
🍅其他需要烹煮或翻熱嘅配料（例如蛋、雞肉及牛肉）必須 #徹底煮熟或翻熱🌡️

製作完成嘅三文治應盡快食用，否則要放喺攝氏4度或以下❄️嘅環境展示或貯存！

更多製作貼士：https://shorturl.at/MGCNv


#製作三文治注意事項
#生熟分開
#保持清潔
#安全溫度
#食物安全中心 #食安中心
#食安小隊 #食安仔

07/09/2026

【進食免哽喉⚠️專心勿亂走】
小朋友嘅呼吸道同食道較細，咬碎或者咀嚼食物嘅技巧又未係好成熟，所以照顧者們要為佢哋細心選擇茶點食物💡，避免食物 #哽喉 而引致窒息🤢。

#易哽喉嘅食物⚠️
🤏🏻細小而難以溶化嘅食物——小杯裝蒟蒻果凍
🍇細小嘅圓形 /橢圓形食物——葡萄、牛丸、魚蛋
🍬細小嘅堅硬食物——硬糖果、果仁、花生、瓜子
🌫️難咀嚼、可壓縮嘅食物——糯米糍、香口膠、棉花糖
🦴含有碎骨 / 幼骨嘅食物——雞肉、魚肉、排骨
🥜厚稠糊狀嘅食物——花生醬

#改變高風險食物嘅質地🔪
照顧者亦可以採用唔同嘅方法改變高風險食物嘅質地，例如烹煮、切碎、搗碎、削掉外皮、去除纖維含量高嘅部分等，以減低小朋友被食物哽喉嘅風險✅。

#培養良好嘅進食習慣🍽️
開餐時，小朋友應該保持良好嘅姿勢✅，挺直咁坐喺椅子上進食，避免走嚟走去、講嘢或者嬉戲🏃🏻！照顧者除咗可以一邊密切留意小朋友嘅進食情況，及時進行干預👀，仲可以同時鼓勵幼兒充分咀嚼，慢慢吞嚥，避免食得過急。

更多資料：https://shorturl.at/ejdqk

#切細細響度
#坐定定響度
#慢慢食響度
#大人都響度

#食物安全中心 #食安中心
#食安小隊
#食安妹妹 #食安仔

【《食物內甜味劑規例》修訂建議📢展開公眾諮詢📢】政府今日（9月4日）就《食物內甜味劑規例》（第132U章）（《規例》）嘅修訂建議展開公眾諮詢，為期三個月，誠邀公眾提出意見。甜味劑屬於食物添加劑，代替糖類為食物提供甜味。與其他食物添加劑一樣，...
04/09/2026

【《食物內甜味劑規例》修訂建議📢展開公眾諮詢📢】
政府今日（9月4日）就《食物內甜味劑規例》（第132U章）（《規例》）嘅修訂建議展開公眾諮詢，為期三個月，誠邀公眾提出意見。

甜味劑屬於食物添加劑，代替糖類為食物提供甜味。與其他食物添加劑一樣，甜味劑只會喺經過嚴格安全評估，並且證明適宜食用之後先會獲准使用。

環境及生態局與食物環境衞生署食物安全中心（食安中心）已經檢視《規例》，並建議作出修訂。修例建議將多羥醇（Polyhydric Alcohol）納入規管範圍、擴大准許甜味劑名單、按食物及甜味劑組合訂定最高准許含量，並作出技術修訂，以更有效保障公眾健康及與國際標準接軌。

為咗畀業界同其他持份者有合理時間準備，政府建議喺修訂規例嘅附屬法例完成立法程序後設18個月過渡期。

諮詢文件可以喺食安中心網頁下載 :
https://www.cfs.gov.hk/tc_chi/whatsnew_fstr_Proposed_Amendments_Sweeteners_Food_Regulation.html

市民可以喺諮詢期內，以電郵📧、傳真📠或郵寄📮方式，就修訂建議提交書面意見﹕
📧電郵：[email protected]
📠傳真：2893 3547
📮郵寄 : 香港金鐘道66號金鐘道政府合署43樓

政府亦會舉辦諮詢會，收集市民意見，詳情請留意食安中心網頁
https://www.cfs.gov.hk/tc_chi/whatsnew_fstr_Proposed_Amendments_Sweeteners_Food_Regulation.html

#食物內甜味劑規例
#修訂建議 #公眾諮詢
#提出意見
#食物安全中心 #食安中心

Address

43/F, QGO, 66 Queensway
Hong Kong

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+85223816096

Website

Alerts

Be the first to know and let us send you an email when 食物安全中心 Centre for Food Safety posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 食物安全中心 Centre for Food Safety:

Shortcuts

Share

Category