銀杏館

銀杏館 《銀杏館》社會企業，策動長者就業二十年，藉經營社企餐廳，餐飲到會，有機農場，食品製造及零售，為有經濟或心理需要的長者，提供合適工作耆遇，讓他們樂享豐盛耆年。

《銀杏館》成立於2003年，致力推動長者就業。藉經營不同的社會企業，如餐廳、餐飲到會、有機農場、食品製造、網購及零售士多等，為有經濟及/或心理需要的長者，提供合適工作耆遇，讓他們樂享豐盛耆年。
『銀杏館』，藉『長者經營』的餐館，為老來無依亦無所養、又或期盼老有所為的長者，提供合適的工作環境及就業機會，讓他們善用晚年、重拾自信。
於2003年在黃大仙成立首間『銀杏館』，全聘用長者主理。
於2006 年，『銀杏館』進駐中環歌賦街，以『5星級美食．5星級服務』的宗旨，提供的高級意法歐陸西餐。2009年於太子開設首家以有機蔬菜及燉湯為主打的中式地道懷舊菜餐館。同年於上水設立樂活有機農莊(有機認証C10007)。於2011年開辦的《香港廚房》，強化【銀杏到會】的服務質量，一方面致力重點生產別具特色的港式食品，另一方面亦重點發展快餐食堂服務。2012年2月29日 - 創立【薦仁館】，創新長者就業中介服

務，進一步實踐將長者就業概念拓展至各行各業，並創出長者筍工時薪 $ 229，促成了全港首個長者職業歌唱團隊「溫的風組合 / Wonderful Band」。
2013年 – 實踐「自強社企力量」，發揮社企 X 社企的能量，與「饒宗頤文化館」成為社企伙伴，負責營運項目內的餐館及支援附屬酒店的餐飲服務。
2015年 - 在《銀杏館》社會企業餐館各店成立 【銀杏士多】，售賣健康食品及日用品、有機農場作物、長者手作包裝食品等。
2016年 - LOVE Project 銀杏館愛心關懷行動正式啟動，主力服務貧困社群，在各區展開扶貧工作，向老弱孤寡派飯及物資，協助就業；並動員社會資源及社群參與扶貧工作。
2018年-《銀杏館》社會企業 【銀杏士多】網上購物平台正式開通。
2021年-首間社區飯堂次深水埗兼善里成立。


餐廳 :
1.太古店 - 銀杏時光
地址 : 太古基利路 7 號 (港鐵太古站B出口左轉直走2分鐘)
電話 : 3480 0331
2.油麻地店 - 越老
地址：九龍油麻地彌敦道 385 號平安大樓一樓
電話： 2789 3321
3.油塘店 - 婆婆廚房
地址：油塘大本型廣場天台花園R01號 (港鐵油塘站A1出口)
電話： 26631998
4.灣仔店 - 銀•拉麵•串燒
灣仔譚臣道23號壬子商業大廈地下A號舖
電話：2545 1200
5.將軍澳店 - 銀•CAFE
新界西貢將軍澳新都城中心二期 UG層 UG036號鋪 UNY 生活創庫內
電話：3486 4928
6. 長沙灣店 - 社區飯堂《耆樂食堂》
地址：九龍長沙灣兼善里15號
電話：2833 9123


零售 :
1. 銀杏士多《中環店》 電話 : 9636 8017
地址：中環德輔道中80號 中環街市1/F P03B舖
2. 銀杏士多《上環店》
地址：​​上環皇后大道西20號地下
3. 銀杏士多《將軍澳》
地址：新界將軍澳新都城中心三期1/F 178號舖(寶琳站A出口)

烘焙：
1.銀杏館烘焙《觀塘店》
地址：觀塘駱駝漆大廈3座8樓Q室
2.祥益餅店 電話 : 2333 2997
地址：九龍紅磡民裕街29號​​地下

寫字樓 :
地址：新界火炭坳背灣街38-40號華衛工貿中心 1007室
電話：2810 9211

《樂活有機農莊》:
新界上水長瀝村約100段 電話：2671 8191

樂天關懷行動(註冊慈善團體) :
地址 : 新界火炭坳背灣街38-40號華衛工貿中心 1112室
電話 : 2516 5116

我們準備好了嗎？做「銀杏館」最印象深刻的，是每個長者都有多門搵食的手藝。隨著上一代老去，這些手藝正大批大批的失傳。手工藝、菜式、各方各面的，想教都沒有肯學的人。我們聘請長者，明白這些有智慧的老人們，技藝值得重視。今天的端午粽子工作坊，一共2...
10/06/2026

我們準備好了嗎？

做「銀杏館」最印象深刻的，是每個長者都有多門搵食的手藝。隨著上一代老去，這些手藝正大批大批的失傳。

手工藝、菜式、各方各面的，想教都沒有肯學的人。

我們聘請長者，明白這些有智慧的老人們，技藝值得重視。

今天的端午粽子工作坊，一共23個人，光光一個動作，如何用2塊竹葉重疊，屈一屈，扭成兜形，23位成年人一下子便難住了，全師傅耐心的一位一位前往教導示範說明技巧，

不是這個動作有多困難，而是這是手藝經驗的傳授。

大規模的機器化，通常不是把傳統保留下來，也不是把最好的經驗傳下來，而是把傳統大幅修改到可以能用流水線生產，把最好的味道調低至可穩定大批出產的水平。

所以說！為什麼傳統的，阿婆阿伯做出，我們長者包的粽更好食？這就是背後的秘密，因為保留了一代一代傳下來最好的手藝及煮法。

這就是「銀杏館」的優良品粽！

銀杏館全線現貨發售， 網上購買送貨自取 www.eldershop.com.hk

【原來，我都做得到】「我邊識整呢啲呀。」「粗手粗腳，做唔到㗎。」工作坊一開始，幾位長者圍住枱邊，總覺得自己做唔到。卿婆婆靜靜坐喺角落，望住面前嘅陶泥，不知從何入手。導師輕輕扶住佢隻手：「婆婆，試吓慢慢捏。」一下、兩下……一個小蛋撻慢慢成形。...
10/06/2026

【原來，我都做得到】
「我邊識整呢啲呀。」
「粗手粗腳，做唔到㗎。」

工作坊一開始，
幾位長者圍住枱邊，
總覺得自己做唔到。

卿婆婆靜靜坐喺角落，
望住面前嘅陶泥，不知從何入手。

導師輕輕扶住佢隻手：
「婆婆，試吓慢慢捏。」

一下、兩下……
一個小蛋撻慢慢成形。

卿婆婆望住作品忽然笑了：
「伯爺公以前成日帶我去茶餐廳食蛋撻㗎。」

原來，記憶中的味道，
一直都在。

當知道作品會上釉、燒製，
更有機會在辦公室的「藝術牆」展出時，
卿婆婆眼裡發着光：
「原來我整嘅嘢，都可以俾咁多人睇？」

這一句，
比任何作品都更動人。

「社區長者藝術家計劃」，
不只是一堂陶藝課，
更希望透過創作，
讓長者重新看見自己的價值；

看着他們由一句「我唔得」，
變成一句——
「原來，我都做得到。」

特別鳴謝：
《招商局慈善基金會》、《招商證券國際》及《The Project Futurus Ltd.》支持，
讓長者的創意與故事被更多人看見。

＝＝＝＝＝＝＝＝＝＝＝

請支持《銀杏館》LOVE Project「愛心關懷行動」，
讓長者的智慧與價值，繼續發光。
網站： www.love.org.hk

10/06/2026

【🚀 今晚 (10/6/2026) 6-9 PM 銀杏館登陸 HKTVmall 直播！】準備好今晚搶好嘢未？

🛒 坐定定喺屋企就可以買到我們多款零食/烘焙產品/今次仲加埋冇糯米樂活粽！

每一筆消費都係對長者就業實實在在嘅支持！❤️🗓️

時間： 今晚 18:00 - 21:00 準時開播
邊食晚飯邊落單，今晚見！

#銀杏館 #直播著數 #社企美食 #支持長者 #網購優惠

🇭🇰 留喺屋企都飲到地道茶餐廳風味？三分鐘帶你變身「金茶王」！ 🏆☕鍾意飲港式奶茶嘅你，係咪好怕飲到又甜又假嘅化學沖劑？想隨時隨地嘆返杯靚奶茶，其實好簡單！為大家隆重推介——【堅尼地城-香港茶餐廳奶茶-茶膽】！堅持「非茶粉、非三合一即溶」，...
09/06/2026

🇭🇰 留喺屋企都飲到地道茶餐廳風味？三分鐘帶你變身「金茶王」！ 🏆☕

鍾意飲港式奶茶嘅你，係咪好怕飲到又甜又假嘅化學沖劑？想隨時隨地嘆返杯靚奶茶，其實好簡單！為大家隆重推介——【堅尼地城-香港茶餐廳奶茶-茶膽】！堅持「非茶粉、非三合一即溶」，帶畀你最地道嘅香港情懷！✨

🌟 點解呢款茶膽咁受歡迎？

🍃 頂級茶底： 嚴選 100% 高山錫蘭茶葉，茶香撲鼻，口感鮮潤回甘！

👨‍🍳 大師工藝： 由擁有三十年經驗的職人手工拼配，完美還原茶餐廳黃金比例。

⏱️ 極速沖泡： 只需 3 分鐘，屋企或 Office 瞬間化身茶餐廳，自己都可以做金茶王！

🫖 方便貼心： 一盒 250g 茶葉，內附 25 個專用濾袋，免除隔茶渣嘅煩惱，一盒足夠沖出 25 杯靚茶！

🥛 濃淡自配 細味純真： 濃度、甜度完全由你話事！可自行加配優質脫脂淡奶或糖，調配出專屬你嘅完美口味。

🔗 [即刻按此預購] https://eldershop.com.hk/i/UbN807gAA

【銀杏館・健康小知識】隔夜飯有毒兼無營養？！拆解「隔夜飯」兩大迷思！上期同大家分享過，白飯放落雪櫃冷藏 24 小時會產生「抗性澱粉」，加熱再食仲可以幫助控糖！不過，好多精明嘅老友記即刻諗到：「網上成日有傳聞話隔夜飯無營養，甚至話隔夜飯有毒！...
09/06/2026

【銀杏館・健康小知識】隔夜飯有毒兼無營養？！拆解「隔夜飯」兩大迷思！
上期同大家分享過，白飯放落雪櫃冷藏 24 小時會產生「抗性澱粉」，加熱再食仲可以幫助控糖！不過，好多精明嘅老友記即刻諗到：「網上成日有傳聞話隔夜飯無營養，甚至話隔夜飯有毒！？咁咪好矛盾？」

答案是：飯本身無毒，有毒嘅其實係「細菌」！ 而最容易滋生細菌嘅，往往係我哋日常生活中最容易忽略嘅兩個小動作：

🔍🚨 關鍵元兇一：全程放室溫（細菌瘋狂生長！）
好多長輩習慣食完飯之後，將食剩嘅飯餸直接留在餐檯上，打算等「放涼啲」先放入雪櫃。

其實室溫（特別是香港潮濕炎熱嘅天氣）正是細菌最愛的「溫床」！
白飯在室溫下放得太耐，細菌就會喺裡面以驚人速度生長。要留意係細菌產生的毒素非常耐熱，就算你第二日重新拿去蒸熱或叮熱，毒素都未必會被破壞！

🚨 關鍵元兇二：夾雜了口水（加速變壞！）
食飯時，我哋用自己嘅筷子夾飯、夾餸，不知不覺間就會將口腔入面嘅細菌同唾液（口水）帶到碗飯入面。

口水入面嘅酵素與細菌，碰上白飯嘅營養，就會變成細菌嘅「培養皿」，大大加速米飯變質、發酸嘅速度。

🔍 迷思：隔夜飯完全無營養？
真相：主要營養仍在，還額外收穫「控糖神物」！

有人話隔夜飯會流失營養，其實米飯主要提供的是碳水化合物（澱粉）。放進雪櫃後，它非但沒有失去核心能量，裡面的一部分澱粉反而轉化成了「抗性澱粉」！

這種澱粉不易被小腸吸收，能令血糖升得慢、更平穩。

它還能成為大腸益生菌的「天然大餐」，促進腸道蠕動。 除了部分水分稍微減少（重新加熱時加點水即可），其主要的營養價值依然槓槓的！

💡 點樣食隔夜飯先最安心？
想安全吸收到抗性澱粉，又食得健康？記得做好這三步：

善用「公筷公匙」：如果知道這餐飯一定食唔曬，開飯前就先用乾淨、無口水嘅餐具，將要留起嘅白飯撥進保鮮盒。

唔好喺室溫擺太耐：飯煮熟或食完後，只要放涼到大約「唔燙手」嘅溫度(約65度)，就要立刻密封放進 0-4度嘅普通雪櫃格，千萬不要在室溫放超過兩小時。

只要注重衛生，隔夜飯不單止無毒，仲可以係你嘅控糖好幫手！

你平時都有「等放涼先入雪櫃」嘅習慣嗎？快啲分享畀屋企人一齊睇啦！
記得緊貼追蹤我哋銀杏館 Facebook 喇！

#銀杏館 #健康小知識 #長者健康 #隔夜飯迷思 #室溫細菌 #食物安全 #少油少糖 #吃得安心

09/06/2026

「愛心粽子行動」三步曲

每年的「愛心粽子行動」向全港的弱勢社群派發過萬隻粽子，當中非常需要您的參與。由善長起步，認購愛心粽子，再由銀杏館的老師傅包製，讓長者員工在工作之餘也可以幫助有需要的人。包好的粽子會由銀杏館的社工帶領義工或由社福機構派發，讓弱勢社群可以吃到端午粽子。

「愛心粽子行動」三步曲：
1) 善長認購： 認購愛心粽子（每隻 $28）
2) 匠心製作： 銀杏館老師傅手工包製，健康應節
3) 全港派發： 銀杏館義工隊/社福機構將愛心傳遞至社區每一角落

一隻粽子，既支持長者就業，也溫暖弱勢社群。請即支持，讓愛心接力！
*派出的粽子將為輕盈養生素糭（無糯米）或 歲月留香黑豆鹼水粽。

🕒 傳遞溫暖，由此起步：
🔗 https://www.love.org.hk/

#銀杏館 #愛心關懷行動 #愛心粽子行動 #以愛傳愛 #端午關懷 #愛心粽子 #讓愛流轉

[銀杏館]父親節到會～ whatsapp 5117 7695
08/06/2026

[銀杏館]父親節到會～ whatsapp 5117 7695

*【如果唔教，這門手藝就消失了】*「唔教就冇人識㗎喇。後生唔興呢啲，我哋再唔做，就真係冇咗。」權伯伯說得平靜，我聽得卻有點心酸。他手上的七彩三角糭子掛飾，不只是一件手作，而是一代人的童年回憶，一門逐漸失傳的手藝。以前端午節，孩子們會蹲在騎樓...
08/06/2026

*【如果唔教，這門手藝就消失了】*
「唔教就冇人識㗎喇。後生唔興呢啲，我哋再唔做，就真係冇咗。」
權伯伯說得平靜，
我聽得卻有點心酸。

他手上的七彩三角糭子掛飾，
不只是一件手作，
而是一代人的童年回憶，
一門逐漸失傳的手藝。

以前端午節，
孩子們會蹲在騎樓底，
用彩繩一圈一圈編織小糭子。
如今，這些畫面已愈來愈少見。

蘇屋中心舉辦「七彩三角糭子掛飾工作坊」，
由長者導師親自教授。
學員同樣是一班長者和義工，
加起來超過一千歲。

八十歲的妙婆婆完成作品後，笑得像個小孩說：
「我要帶返去教我孫女。」

那一刻我明白，
傳承從來不在於作品有多精美，
而是在於一雙手願意教，
另一雙手願意學。

一隻小小的糭子掛飾，
連繫了半世紀前的童年；
也把長者的智慧傳給下一代。

原來，長者不只是被照顧的人，
更可以是老師，
是文化的傳承者。

只要願意給他們一個舞台，
他們依然能夠發光。

特別鳴謝：《勞工及福利局》「長者學苑」資助活動。

＝＝＝＝＝＝＝＝＝＝
請支持《銀杏館》LOVE Project「愛心關懷行動」，
讓長者的智慧，繼續發光。
網站：www.love.org.hk

【銀杏館・健康小知識】冰過嘅麵包有抗性澱粉，咁冰過嘅飯會唔會都有？上一次講到麵包放落雪櫃冰過再食，會產生「抗性澱粉」有助控糖。咁作為我們每餐主角嘅白飯，放落雪櫃冰過之後，係咪都有同樣嘅神奇效果呢？答案是：無錯！而且效果一樣咁好！從現代食品科...
08/06/2026

【銀杏館・健康小知識】冰過嘅麵包有抗性澱粉，咁冰過嘅飯會唔會都有？
上一次講到麵包放落雪櫃冰過再食，會產生「抗性澱粉」有助控糖。咁作為我們每餐主角嘅白飯，放落雪櫃冰過之後，係咪都有同樣嘅神奇效果呢？

答案是：無錯！而且效果一樣咁好！

從現代食品科學角度睇，放落雪櫃嘅「冷藏飯」，裡面同樣能「控糖」！今日同大家拆解點樣食「飯」食得最健康！

🔍 謎團一：點解「冰過嘅飯」會變成控糖高手？
答：因為多咗「抗性澱粉」！

當新鮮煮熟、熱辣辣嘅白飯放進雪櫃（4度普通冷藏格）24 小時之後，裡面嘅澱粉結構就會發生神奇變化，轉化為「抗性澱粉」，含量足足可以飆升 2.5 倍！這種澱粉對關注健康嘅朋友與老友記有兩大黃金好處：

血糖升得慢：它不容易被小腸吸收，令消化速度變慢，所以食完之後血糖表現非常平穩，好適合關注血糖與三高嘅朋友。

腸道更健康：它會變成大腸入面益生菌嘅「天然大餐」，有助促進腸道蠕動，幫助排便！

🔍 謎團二：一定要食「凍冰冰」嘅冷飯先有效？
答：絕對唔使！重新加熱咁食一樣得！

好多人以為要好似食壽司或者冷便當咁食冷飯先有用，其實大可不必！

研究證實，飯粒放入雪櫃轉化為抗性澱粉之後，結構已經固定。所以第二日從雪櫃拿出來重新蒸熱、微波爐叮熱，或者用嚟做健康炒飯，裡面嘅控糖抗性澱粉依然存在！ 甚至因為結構改變，口感仲會更加粒粒分明、煙韌彈牙！

💡 貼心「安全食飯」小提示
雖然冷藏飯好處多，但日常衛生都要注意：

「飯煮熟之後，記得用乾淨保鮮盒裝好放雪櫃！」

當飯放涼到大約「唔燙手」嘅溫度，就立刻用乾淨嘅保鮮盒密封好，直接放入 0-4度嘅普通雪櫃格。唔好喺室溫擺太耐，咁樣既能鎖住米飯嘅水分與鮮味，又可以避免細菌滋生，食得最安心！

🤔 講到呢度，相信好多精明嘅朋友已經聯想到： 「網上成日有傳聞話隔夜飯無營養，甚至話隔夜飯有毒！？？」
隔夜飯到底得唔得？係咪真係咁恐怖？

下一期【健康小知識】將會為大家詳細拆解！唔想錯過就記得緊貼追蹤我哋銀杏館 Facebook 喇！

#銀杏館 #健康小知識 #長者健康 #抗性澱粉 #冷藏飯秘密 #控糖妙法 #少油少糖 #吃得安心 #下一期更精彩 #隔夜飯迷思

【我唔捨得你哋】「麗珍婆婆，你腳痛仲行過嚟？呢袋米我幫你拎。」我彎低身，接過佢手中嘅米。「我唔捨得你哋……」婆婆眼紅紅，講到一半就停咗。佢八十幾歲，獨居。每個月都會嚟蘇屋中心拎「食物銀行」物資。用鄉下話同我哋傾偈，有時聽唔明，但我哋會笑住點...
07/06/2026

【我唔捨得你哋】
「麗珍婆婆，你腳痛仲行過嚟？呢袋米我幫你拎。」
我彎低身，接過佢手中嘅米。

「我唔捨得你哋……」
婆婆眼紅紅，講到一半就停咗。

佢八十幾歲，獨居。
每個月都會嚟蘇屋中心拎「食物銀行」物資。
用鄉下話同我哋傾偈，
有時聽唔明，但我哋會笑住點頭。

因為佢要嘅，從來唔係一袋米、一罐油，
而係有人願意聽佢講嘢。

今次係最後一次開倉。

門一開，少咗平日嘅笑聲，
只剩低一種靜。

靜得有啲唔習慣。

麗珍婆婆一如以往嚟到。
佢每次都講同一句：
「多謝你哋記得我個名。」

但今次，佢只係輕聲講：
「我唔捨得你哋。」

物資派完。
但呢段被記得、被聆聽嘅溫暖，
會一直留喺心入面。

將來佢行過呢度，
會記得曾經有個地方——
唔介意佢老、唔介意佢講鄉下話，
最重要係，有人曾經記得自己。

呢度嘅門，曾經為佢而開。

＝＝＝＝＝＝＝＝＝
請支持《銀杏館》LOVE Project「愛心關懷行動」，
網站：www.love.org.hk

Address

香港鰂魚涌基利路7號太吉樓4號舖
Hong Kong
85234800331

Opening Hours

Monday 08:00 - 22:00
Tuesday 08:00 - 22:00
Wednesday 08:00 - 22:00
Thursday 08:00 - 22:00
Friday 08:00 - 22:00
Saturday 08:00 - 22:00
Sunday 08:00 - 22:00

Telephone

+85282093088

Website

Alerts

Be the first to know and let us send you an email when 銀杏館 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 銀杏館:

Shortcuts

Share