任啟邦

任啟邦 Contact information, map and directions, contact form, opening hours, services, ratings, photos, videos and announcements from 任啟邦, Social service, Hong Kong.

Permanently closed.

由香港到英國、由區議員到巴士司機，由議員辦事處Facebook專頁到分享在英駕駛巴士喜與樂，這幾年無論我自己或是很多移英香港人，相信都經歷了不少起起跌跌，不過，大家還是捱過了。

以往Follow這專頁的朋友一般都係大埔既街坊，以了解我們議員辦事處的工作，也跟進社區發生的事情，我們也會將議會內外的工作放上專頁，讓大家給予意見。

如今，這專頁是轉營的時間，我會在這裡分享我在英駕駛巴士的事，希望大家也可留留言，互動一下吧！

轉彎位不泊車是常識嗎？自私司機真係到處都有，英國當然不會例外，而是還真的不少。作為巴士司機當然受唔少，今日我就遇上了。英國不少巴士線都會穿梭住宅區的小路，大多數居民都會自律，知道有巴士行經的都會泊入些，甚少泊在影響巴士的位置。然而今日做的線...
22/04/2026

轉彎位不泊車是常識嗎？

自私司機真係到處都有，英國當然不會例外，而是還真的不少。作為巴士司機當然受唔少，今日我就遇上了。

英國不少巴士線都會穿梭住宅區的小路，大多數居民都會自律，知道有巴士行經的都會泊入些，甚少泊在影響巴士的位置。然而今日做的線經過一間小學，未到前已心想會不會有車阻呢，果然真係中了。

由於巴士通常要偷位才可轉到好細的彎，剛好，有一架車就停在我車頭右邊。而左邊的車卻停得較開，基於不冒撞車風險下，決定停車。

由15:10 等到15:25，那位女司機才慢慢行出來，慢慢放好小孩，再一聲道歉也沒說就上車，真好嘢！作為司機冇可能問候她，但車上有個女乘客卻F F F 佢，但冇用的，那自私司機都聽不到的。

其實停近點學校接細路放學我理解的，但可唔可以想一下有大車要轉彎呢？如果頂住後面有消防車救護車咁點呢？

07/04/2026

搭車比錢是常識嗎？係英國真係未必😔

我相信搭車（先指搭巴士）比錢買票或出示有效既Bus Pass （如果長者乘車證、殘疾人士巴士證之類）是常識吧？可是在英國有時真係未必係所謂既常識。逃票者可能係成人，企更有不少係細路（或是年青人），這究竟是不是個別行為還是社會的壞風氣呢？

作為巴士司機，的確有不少人藉口話自己有不同的問題而唔比錢搭巴士，例如電話壞了、debit card 壞了、bus pass 遺失、甚至直接講「冇錢」，公司都有指引話在晚上時間應讓女性、兒童及長者登車，即使他們沒有支付車資。

但更令司機氣憤的是一些年青人，明明係要出市中心玩，企又賴皮唔比錢。其實，我細路時都冇錢，只可留係社區踏單車或公園玩，為何他們明明有錢食電子煙但卻走數唔比車資呢？這對於支付車費的人是否公平公道呢？最好笑（也可能是可悲）的是有人會走出來話幫班細路比車費。。。。

這樣的青年人今天如事，日後長大後又會成什麼既人呢？我是相當悲觀的。同時，有人如此縱容這不守規矩的做法，最終我相信整個社會需要「埋這張單」。。。。

其實都係無奈講幾句，因為事實上公司以至Council都唔會點理，只是發下牢騷而已。

01/04/2026

不吐不快的事！

香港政府班垃圾官話比3個小時宏福苑災民上樓執拾物品，語氣十分差之外，還說風涼話什麼「斷捨離」「悼念不需太耐」。這是對災民的再次傷害，全世界（我相信包括大陸）的膠官都唔會咁講嘢。

事實上，現時話只讓每戶災民上樓3小時是非常不切實際，是沒有考慮災民需要的安排。首先在沒有電梯情況下，災民要行樓級上廿幾層樓，而且樓梯的情況應該十分惡劣，加上不少業戶都係長者，光是「上樓」相信都會用最少一個鐘。

到達樓層後，就是進入自己的單位，如果單位沒有被焚毀，他們定必花時間盡可能尋回最多個人紀念物品。大家想一想，面對滿目瘡痍，甚至因食物腐爛及燒焦的味道，絕對是令人難受的。

讓災民多幾次上樓收拾有何難度呢？何必要迫家人去世、家園盡毀、前路茫茫既災民在兩三小時完成執拾呢？

政府講到那班十八區關爰隊咁L勁，鏡頭前認屎認屁，又用左納稅人幾十億。應該嗱嗱聲安排一戶2個關爰隊既阿毛上去，在災民的監督下幫老業主手抬返D 有紀念價值既、甚至未被破壞既電器落樓啦。

香港高官又講大話，佢當全香港人係傻的佢地話參考了西方國家案例至少英國、法國及德國的市內巴士是沒有安全帶也沒有需求乘客配戴安全帶巴士乘客需配戴安全帶一事搞到滿城風雨，我就將這個政策話比我巴士公司的同事知，我最少與10個同事分享此事，他們認為這...
29/01/2026

香港高官又講大話，佢當全香港人係傻的
佢地話參考了西方國家案例
至少英國、法國及德國的市內巴士是沒有安全帶
也沒有需求乘客配戴安全帶

巴士乘客需配戴安全帶一事搞到滿城風雨，我就將這個政策話比我巴士公司的同事知，我最少與10個同事分享此事，他們認為這政策十分可笑，根本難以執法，而且將增加乘客與乘客、乘客與司機甚至執法人員的衝突。

我今早專登影了幾張相比大家睇，英國的市內巴士Local Bus （非長途客車 Coach）無論乘客座位，甚至連司機位都冇配置安全帶的。這足證李叉燒講大話，如果硬要講Coach 都計在內，咁就要將所有巴士企位取消，上落車要點人數，務必每個人都有位坐。

27/01/2026

用長毛在七一遊行中籌款站的話
請各位乘客可否準備定現金、手機或Pass呢

近日揸巴士時，都會想起長毛梁國雄，雖然我與他唔係太熟，但都叫互相認識。點解會想起長毛呢，原因係見到有些乘客上到車後，才慢慢在身上、袋中找現金、Debit cards或長者乘車證，又或者準備開手機準備支付車資。。。雖然車長不是沒耐性，但見到後面長長車龍有點尷尬啫。

學長毛話齋：「攞定銀包攞定錢埋嚟捐錢」，如果乘客可以早點找出現金或乘車證，又或者見到車嚟時開定電話準備掃Code，方便又快捷。而司機亦可盡快處理票務，加快開車時間，減少對其他道路使用者既影響

27/01/2026

Free Jimmy Lai

27/01/2026

在英國，唔好話巴士乘客無須配戴安全帶，其實連巴士司機（不是長途客車～Coach）坐位都冇安裝安全帶的

06/01/2026

中共直接被打臉了。。。haha

05/01/2026

看到馬度羅說。。。「捉我丫。。笨！」。。。腦裡即刻閃出《九品芝麻官》中吳啟華說「打我丫」，包龍星同達叔就打佢。。。仲笑說佢咁傻既

05/01/2026

反侵反到支持獨裁者。。。幾搞笑

04/01/2026

移英港人睇《尋秦記》
您會否被一些對白觸動了呢

25年前《尋秦記》電視劇我自己沒有睇太多，知道會入場睇時，在網上睇返少少當補課。今天在結婚周年日去睇《尋秦記》電視版，看到廿十幾年既演員，再度合演一套新片，有點感動。

劇情唔多講，因為好多人仍會在港在英以至世界其他地方入場觀賞。但是，有一些對白或情景，卻觸動了我對香港既情懷。

好似。。。項少龍打開女殺手Gaile的手機時，見到香港美食紅豆冰、菠蘿油，女殺手問項少龍：「一日最衰係你冇返香港。」，項少龍回：「你估我唔想返去咩！」

─我會對號入座咁話。。。係咪講緊我地既移英港人🤣（我知係2019年拍攝的，那時未有這波移民潮）

又有一句。。。好似係郭羨妮問頂少龍：「係咪好想返你既鄉下」。。。我心中都想話「係」。

其實大家（至少我自己啦）都係有點「避秦」既心態，秦國的殘暴、對人民相當嚴苛，嚴刑峻法。。。所以當時既人都會逃避暴政。

#古天樂
#林峯
#尋秦記
#尋秦記電影版

Address

Hong Kong

Telephone

+85292154319

Website

Alerts

Be the first to know and let us send you an email when 任啟邦 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 任啟邦:

Shortcuts

Share

Category