晴善舍 殯儀社企

25/06/2026

上星期小編去長沙灣辦理文件
經過西九龍中心
諗諗吓 不如同Me Time Garden✨工作坊整返個門牌
因為工作坊啱啱都續咗租
即係未來嘅日子小編都會繼續做多啲workshop俾大家

話說晴善舍個門牌 都係喺西九龍中心度做嘅
去到同個老闆講 話想做門牌
話之前嗰個都係喺你哋度做㗎
老闆就問小編 之前嗰個係點嘅樣
搵吓搵吓 原來晴善舍嘅門牌已經係2019年做
(喺成立頭幾年我哋係冇門牌既😂)
跟住到俾錢嘅時候 老闆就講幾多錢
小編問 「仲係呢個價錢 ？7年前都係大約呢個價錢」
老闆話係呀 本來諗住唔做㗎喇
因為商場話唔加租 所以就繼續再做囉
生意好難做 商場又冇乜人流…

到咗尋日 新門牌做好
睇到嘅時候都「哇」左一聲
做得好靚
回到工作室 將MTG✨門牌同晴善舍門牌作對比
原來晴善舍門牌 明顯已經有歲月嘅痕跡😅

23/06/2026

都希望大家可以幫手廣傳一下📣📣📣

話說前排 有位女士WhatsApp小編
初初好似話都係想詢問 #胎兒殯儀服務
但係傾傾吓發現
原來佢所有嘢已經安排好晒
只係爭一個最重要嘅紙盒
同埋話
其實約咗 #永愛堂 火化嘅日子就係「後日」
佢好徬徨 因為仲有兩日就火化
但係點樣搵都搵唔到一個適合嘅紙盒
咁啱就係社交媒體搵到小編
就即刻WhatsApp小編
睇吓個盒我哋賣幾多錢

當然我就即刻話吾駛擔心
盒我哋係有嘅 亦都可以 #免費 俾你
到第二日小編就約咗呢位女士到小編嘅工作坊
因為時間太趕 小編趕唔切佈置個盒仔
所以就剪咗啲布
又有枕頭仔
義工摺嘅星星 紙鶴 同蓮花 俾呢位女士
俾佢自己返屋企 佈置個紙盒 做張靚靚嘅床仔俾BB 

所以希望大家可以廣傳呢個消息
我哋除咗喺貼近成本價去做胎兒殯儀服務之外
胎兒棺木亦都係由我哋晴善舍捐出嚟嘅
另外小天使紙盒 就算完全唔用我哋嘅服務
我哋都可以免費提供俾 #小天使
如果時間許可 小編都可以佈置埋個盒仔
或者比材料俾父母返屋企佈置都可以

而係呢度 亦都好想 #感謝善長人翁
因為我哋亦都有善長人翁 係指定想捐款俾小天使
而捐款 我哋就會係用作 #捐助嬰兒棺木
同埋 #小天使盒仔 嘅用途

#免費捐贈小天使紙盒計劃
#小天使殯儀
#胎兒殯儀 

19/06/2026

喺晴善舍就嚟10歲既前夕
即係要準備簽工作室第六個租約
收到最好嘅禮物
就係業主唔加租🥹🥹🥹

#開心過中六合彩
#從來未試過唔加租

17/06/2026

記得上個月提及過一個院舍嘅個案嗎？
是小編先暫不收費 完成個案
之後才可claim返費用嗰個個案

這個個案的先人 在月頭撒灰了
呢個個案小編睇到人情味
當日撒灰有兩位出席
一位就係跟進這個個案嘅社工
（都是由佢親手撒灰 ）
另外一位是院舍職員
兩位都係喺佢哋唔當值嘅日子嚟嘅
小編睇得出呢位院舍職員好錫呢位先人
出殯當日同撒灰當日 都感受到佢嗰份傷心同唔捨得

20年前小編剛剛喺外國返嚟嘅時候
其實係未大學畢業嘅
所以當時搵工就相當尷尬
曾經in過一啲大型院舍做助理
當時既院舍 同呢個個案嘅院舍應該係差唔多類型
都係for智障嘅人士
其實當時小編係in中咗嘅
亦都約咗去院舍入邊參觀
當有一啲院友有一啲比較大動作嘅行為
其實小編係冇所謂嘅 （因為可能有啲人會好驚）
但係最後小編冇揀到呢份工作
係因為工作範圍係要同男性嘅院友沖涼
呢個就真係冇辦法了…
（interview嗰陣時好似係冇講過嘅….）

Anyway 小編分享一大輪自己嘅經歷
係因為小編真心佩服舍嘅社工 職員 同埋助理
雖然你可以話 揀得做呢份工 就係要做呢類嘅工作
但係要照顧中度及嚴重智障人士
估計呢個絕對唔係容易嘅工作 

所以到撒灰當日 社工同職員願意用私人嘅時間
參與撒灰儀式 小編都覺得佢哋真係好有心
因為其實社工大可以授權俾小編去做

睇到職員喺社工撒灰嘅時候
眼泛淚光咁講
「xx（先人） 你要乖啦 知唔知呀」
嗰吓小編都頂唔順 有啲眼濕濕… 

15/06/2026

今日上午時間
我哋有個案在 #永愛園
在離開醫院之際 突然間好大雨
去到墳場辦事處登記後
我哋一行人行上山 到永愛園
嗰條路可能小編已經行慣咗
比起第一次行 覺得路程短咗好多😅

我哋一路行上去嘅時候都有雨
上到去永愛園 期間時大雨 時天晴
小編心諗… 雖然係落雨 但係起碼雨勢還OK
石廠師傅擔住把遮都做到嘢
神父亦完成儀式
雖然因為雨勢關係父母唔能夠喺永愛園陪小天使多一陣
但係起碼儀式都係順利完成

到咗而家小編返到屋企了
剛剛落車時大雨大風到
有遮都冇用 反晒遮 啲雨照頭淋 成身都濕晒…

所以小編成日都話個天好眷顧自己及小編嘅客人
一切都係最好嘅安排
感恩感恩
🙏🏻🙏🏻🙏🏻

#小天使殯儀
#胎兒殯儀服務
#永愛園 #土葬

15/06/2026

今日 想同大家分享嘅個案
小編係喺呢度分享過嘅
不過咁啱又有類似嘅新聞
小編覺得可以再同大家分享多一次

好多好多年前 喺小編仲有同事嘅年代
同事有一個個案
過身嗰位男士 大約都係50幾歲
同左一位女士一齊咗20幾年
佢哋兩個冇結婚 亦同住咗好多年
呢位男士本身有一個業務嘅
係佢爸爸留低 男士亦都有兄弟姊妹
但係咁多年呢個業務都係呢位男士打理嘅

有一日 呢位男士突然過咗身
女士就聯絡我同事 打算處理男士嘅身後事
當時我同事已經book好殯儀館
突然間男士（先人） 嘅兄弟姊妹向殯儀館投訴
小編都唔記得有冇出過律師信
總之就搞到好大鑊😓
話呢位女士 唔可以以未亡人嘅身份
幫呢位先人處理後事

大家又有冇諗法點解佢哋屋企人有咁嘅行動呢？
好明顯都係關於一啲遺產嘅原因吧

最後各方面都只好屈服
我同事繼續辦理呢個喪禮
繼續可以用我哋已經book咗嘅禮堂
不過主家就由呢位女士變成先人嘅家人…

最後女士佢嘅待遇小編唔係太清楚
只係聽聞過佢同先人一齊住咗好多年嗰間屋
佢都好似冇得住

小編成日都會同老友記講生死殯儀講座
真係好少同比較年青嘅人去分享關於生死
但係千祈唔好覺得死亡只係屬於老友記
正所謂世事多變 冇人會諗到下一秒會發生咩事
小編知道而家有好多人都主張不婚
覺得如果唔生小朋友嘅 咁就無謂用一張婚書去綁住大家
但係大家好多時都冇諗過
同咗對方咁多年 會唔會都俾返一個保障比對方呢
唔結婚 都可以定立生前嘅遺產規劃
就算你嘅意向 遺產都係分配比家人同埋兄弟姊妹
做一張正式嘅規劃
免得事情發生之後 在生嘅人捲入無限嘅爭拗之中

黃大煒驟逝後，相伴超過 20 年的女友因未婚身分，在法律繼承權上恐面臨非常弱勢的處境，也讓大眾重新省思生前資產規劃的重要性。

#即新聞

11/06/2026

由知道小朋友喺傍晚都輕生左
今朝到而家社交平台都有不同嘅討論或者見解
講吓教育問題 社工問題 社會資源問題 家庭問題
深信呢幾日可能再會有更多報道關於呢個家庭

每當睇到呢個個案嘅新聞
小編心情都好複雜
因為小編亦都係一個母親
雖然女兒仲係好細個 但係都開始面對女兒教育嘅問題

呢個個案 係一個悲劇 一個不幸
只有心痛
唔敢作太多嘅評論
願逝者安息 ….

#太古城母女命案 婦人上司亦是註冊心理學家，事發後亦已往醫院見過女童
全文：https://www.hk01.com/sns/article/60359229?utm_medium=Social&utm_source=fbpost&utm_campaign=news

#太古城 #01突發 #01新聞 #香港01
--------------------------------------------------
睇高畫質、流暢直播，下載香港01 APP
➤https://hk01.app.link/AFu7F8I2MO
報料請致電／WhatsApp 「01線報」：(852) 6511 0101

10/06/2026

今日小編完成咗一個同平時唔同嘅 #殯儀講座
對象係一班 #社工 朋友
而內容係有關當社工
要面對一啲個案有家人離世
佢哋要陪伴家屬到醫院或者殮房認遺體
及整個嘅殯儀流程
不同死亡個案 所牽涉嘅文件同程序
及如果自己都比較難以面對遺體嘅時候
點樣可以專業地陪伴家屬到殮房認遺體

呢個講座小編係剛剛做起 第一次講
希望喺資料上 可以幫助到在座嘅社工們😅😅

#社工殯儀講座
#都係不收費

09/06/2026

願安息 離開一個痛苦嘅軀殼
喺另外一個國度 可以自由自在生活了
呢兩年半 辛苦了🙏🏻🙏🏻🙏🏻


全文：https://topick.hket.com/article/4143562

【 】文忻，安息
TOPick健康IG現已推出，請睇：https://bit.ly/3SOnE3N
追蹤TOPick YouTube, 睇片又快又方便 https://www.youtube.com/
#健康 #吳文忻 #乳癌

05/06/2026

小編今個星期收到義工嘅心意
好多好靚嘅星星 同埋小紙鶴
29個小天使枕頭仔
41朵大蓮花
全部都係來自唔同義工嘅善心 時間 同埋心意祝福
感謝你哋每一位🙏🏻💚