大蒜科技

10/04/2026

計劃為「賽馬會路由青年系列 – 創善先鋒計劃」培育項目之一，此計劃由香港賽馬會慈善信託基金捐助、香港理工大學賽馬會社會創新設計院及知識轉移及創業處主導，旨在推動數碼共融，讓不同社群都能受惠於智慧城市的發展。

計劃由大蒜科技主辦， 秉承「與愛同行，與您為伴」的宗旨，志在為照顧者們提供一站式數碼便利服務及支援，成為照顧旅程上的同行伙伴。

計劃為照顧者、年靑人及長者提供一對一支援服務，量身定制個人的智能化照顧計劃，透過創新的人工智能科技，支援照顧過程中遇到的困難，加強護理及照顧方面的知識，共建照顧者共融社會。

計劃的啟動禮已於2026年3月14日順利舉行, 很榮幸能夠邀請到一眾星級嘉賓，以及照顧者和青年參與。

立即報名！優先體驗「與愛同行」系統，讓創新科技成為你的最強後盾 。

#香港賽馬會慈善信託基金
#賽馬會路由青年系列

#創善先鋒計劃

08/08/2025

創業，就好像我身體內的DNA。

可能因為父母都是做生意的關係。由細到大，每當我聽到有關商業、管理、經濟等的資訊，都想了解更多，學習更多。

但仲然有夢想，仍然需要實踐和可靠的合作夥伴。

感謝數碼港Cyberport 一直以來給予的支持和幫助，讓Allium 能夠透過不同的人工智能方案，為廣大的市民提供各種結合科技的醫療護理服務。衷心感謝！

我們會繼續努力，為共創共融社會出力，加油！

#認知障礙症
#共融社會
#腦動學

06/08/2025

不經不覺，Allium 已經成立將近5年。

在過去的一段時間，我們一直與不同的持份者一起合作，為共建認知障礙症友善社區而努力。衷心感謝大家給予的機會和支持。

回想自己的創業過程，參加過的比賽評審超過過百場，面對過的評委超過過千人。支持的、鼓勵的、認同的、批評的、質疑的、無視的，通通都出現過。

回望過去，哭過、笑過、沮喪過、快樂過，真的非常感謝一直與我同行的小伙伴，亦感謝大家的支持和認可。

當「腦動學」可以在不同的機構以及家庭當中為大家服務的時候，真的衷心感謝。

一步一腳印，一步一努力，每一個挑戰和考驗都一步一步的築成今天的Allium。衷心感謝！

一直以來，我都不是一個善於表達的人，相比宣傳、拍照，我更習慣努力專注於當下的工作。

但隨著公司的發展，同事們都鼓勵我多介紹公司。

感謝《明報》的訪問，亦感謝薛記者專業的提問，讓我這個超級「i」人可以順利完成整個訪問，謝謝！

#認知障礙症
#共融社會
#腦動學

【明報專訊】大蒜科技創辦人盧潁謙表示，她多年前曾經在安老院實習，因而認識到，為長者提供的認知能力訓練資源嚴重不足。例如，一間安老院有200多個長者，但以往的認知能力訓練倚賴專業人士來做，每日只可以為8至10個...

30/12/2024

‼️費用全免‼️立即報名✅名額有限

除了生活上會遇到認知障礙症患者，其實工作中也有機會會遇見。

隨著人口老化問題日益嚴重，現時患有認知障礙症的人數已超過10萬人，而根據研究估計，香港到2039年會有超過33萬名年齡60歲及以上的認知障礙症患者。

也就是說，可能一輛巴士內，就已經有5.2位認知障礙症患者。

由即日起至2025年1月31日，透過以下登記，即可免費參加
(原價HKD 728位)「認識認知障礙症-職場篇」課堂，了解什麼是認知障礙症，如何和他們相處。

大蒜科技與粵港澳康養產業協會合作，由專業醫生或護士為任職中小企業SME的僱員提供免費培訓，教授面對患有認知障礙症顧客的技巧。

✅完成課堂可獲發出席證書及
✅認知友善大使襟章

https://docs.google.com/forms/d/e/1FAIpQLScn3JomoFKQTudxceRzqt75JwMLgzQ5lSmxEimf5U96ycHeZQ/viewform?usp=dialog

詳情可與我們的職員聯絡 :
✅WhatsApp : +852 6503 5455
攜手共創認知障礙症共融社會.

所有課堂費用由粵港澳康養產業協會贊助.
*名額有限.
*資料來源TIP-CARD

#認知障礙症共融社會
#大蒜科技
#認識認知障礙症
#免費培訓

由即日起至2025年1月31日，透過以下登記，即可免費參加(原價HKD 728位)「認識認知障礙症-職場篇」課堂，了解什麼是認知障礙症，如何和他們相處。 大蒜科技與粵港澳康養產業協會合作，由專業醫生或護士為任職中小企業SME的僱...

10/12/2024

話咁快又到12月啦，喺2024年即將完結既時候，又係做總結既時候😊

好開心喺過去一年能夠有機會去到社區做服務，每一次見到公公婆婆我都好開心😊

除咗可以同大家玩遊戲，分享有關認知障礙症嘅資訊之外，亦都可以了解吓大家對「腦動學」嘅意見，幫助我哋改善系統同服務。

喺嚟緊嘅一年，我哋會有更多更精彩嘅活動，希望會喺活動之中見到大家😊

為咗方便大家聯絡我哋，我哋開通咗官方Whatsapp +852 65035455✅

快啲搵我哋傾吓偈啦😊

攜手共創認知障礙症共融社會❤️

#認知障礙症
#共融社會
#腦動學
#大蒜科技

27/02/2024

2023年，是忙碌而充實的一年。

好開心能夠獲得香港資訊及通訊科技獎、卓越創新及科技公司獎，以及成為香港數碼港培育計劃的成員。😊

感謝所有的客戶，
感謝所有的相遇，
感謝所有學習的機會，
更感謝小伙伴們的付出和努力。🙏

每一段經歷，都是我們前進的動力；
每一個獎項，都是我們堅持的力量。

感謝所有的支持和鼓勵，感恩所有的挑戰和考驗，讓我們在這平凡的創業路上變得不平凡。❤️

衷心感謝🙏❤️

22/09/2022

在過去半年嘅時間內，好開心能夠有機會出席唔同嘅活動，向唔同嘅人士介紹「腦動學」，亦獲得行業內嘅專業人士同機構嘅肯定，係對我哋團隊最大嘅支持同鼓勵😊💪🏻🎉

以實物同平板電腦，再加上人工智能AI、擴增實境AR等技術，開發專為長者、醫護人員同照顧者三方面的平台，所需要嘅時間同投入，遠比只係開發一個應用程式多好多

有人問我：「寫個app咪得囉！」
但係根據多年照顧認知障礙症患者嘅經驗，同埋醫護團隊嘅專業意見，我哋決定「取難不取易」

「腦動學」由介面設計UI、使用者體驗UX規劃、前端Front-end、後台Back-end軟件開發，到硬件設計、3D建模、打印同製作，全部都係由技術團隊一手包辦，真係好多謝技術團隊喺過去一段時間所付出嘅努力💪🏻😊

香港係一個急速發展嘅城市，做嘢快，行路快，連食飯都快過人。對於好似我呢一個，由細「慢」到大嘅人嚟講，能夠從事創科行業，全賴身邊有一班好幫手😊👍🏻

大家能夠向着同一個目標，為創建認知障礙症共融社會而努力💪🏻💪🏻💪🏻

每一個設計，都係喺使用者嘅角度出發，
每一個訓練內容，都經過醫護團隊嘅編排，
每一條演算法，都經過反覆嘅測試⋯⋯

我哋每一分嘅努力，你哋都可以喺「腦動學」上面體驗得到💕😊

世界一直在變
守護長者的心一直不變💕😊

同我哋一齊創建認知障礙症共融社會💕😊🎉

#認知障礙症
#共創共融社會

08/11/2021

轉眼間，一連4日嘅樂齡科技博覽已經完滿結束，好感恩能夠有機會隨東華三院嘅社福創新科技及應用團隊一齊參展😊向大家介紹「腦動學」嘅同時，又能夠聆聽大家寶貴嘅意見🙏

今次喺展覽裏面接觸到好多嘅老友記、醫護人員，以及不同機構嘅負責人，聽到大家嘅鼓勵和支持，以及對「腦動學」正面嘅評價，我哋都好開心🥰

有好多家屬仲問我哋：幾時有得買返屋企同屋企嘅老友記一齊玩呀？其實，我哋都好希望可以盡快讓每一位老友記都受惠💕不過，「腦動學」唔止係一個應用程式，仲係針對每一位認知障礙症患者嘅情況，而提供相應嘅訓練遊戲嘅人工智能系統，所以，每一個細節我哋都希望能夠做到盡善盡美。

得到大家嘅支持和鼓勵，我哋會更加努力💪同醫護人員一齊，將系統裏面嘅每一個細節都做得更加好，除咗可以喺院舍裏面應用之外，仲可以俾每一位老友記帶返屋企🥰💕

最後，想同大家分享呢幾日博覽中，其中兩件印象特別深刻嘅事。

有一位公公嚟到同我哋一齊玩遊戲，我見佢手上有好多宣傳單張，就咁攞住唔係咁方便，而且好容易跌晒落地，所以我將書包裏面僅餘嘅一個膠袋攞咗出嚟，幫公公將所有嘅資料放好入個膠袋裏面，讓公公容易啲攞住返屋企。雖然只係一個小小嘅膠袋，但係公公好開心，仲話幫咗佢個大忙添，講咗好多次「多謝」同「唔該晒」😊見到公公咁開心，我都好開心🥰

另外，係展覽嘅第一日，有一位婆婆好鍾意我哋送俾佢嘅掛曆，所以喺展覽嘅第二日，婆婆帶咗佢嘅妹妹過嚟同我哋一齊玩遊戲，仲同我哋一齊傾偈😊其實，喺展覽之前，我哋都諗咗好耐，應該送啲咩嘢俾公公婆婆，雖然印製掛曆嘅成本會比較高一啲，但係掛曆啲字大隻啲，公公婆婆睇得清楚啲，所以我哋最後都係選擇咗最適合公公婆婆嘅掛曆🥰💕

雖然細節可以係毫不起眼嘅，但係一個又一個嘅細節加起上嚟，可以有好大嘅改變😊我相信只要我哋每人出一分力，一定可以共創認知障礙症共融社會！大家一齊加油！💪💪💪

by Elizabeth 伊麗莎白😊

#樂齡科技博覽
#認知障礙症
#共創共融社會

#東華三院
#社福創新科技及應用團隊

23/10/2021

好開心可以加入東華三院「燃點．夢想」青年創業計劃😊一直以嚟，都有好多人問我，「點解會創立『腦動學』？」其實答案好簡單😊因為⋯我真係⋯好好好⋯好⋯好想幫更多更多的長者💕

細個嘅時候，因為爹哋媽咪的工作好忙，主要都係爺爺嫲嫲照顧我，而且我個人比較怕羞，同學仔朋友仔唔多，爺爺嫲嫲就成為咗我最好嘅朋友，最錫我嘅家人，最保護我嘅照顧者💕

長大之後，當我喺安老院照顧各位公公婆婆嘅時候，佢哋就好似我嘅家人一樣，但係當佢哋因為患上左認知障礙症而唔記得我嘅時候，我真係好⋯好⋯好希望可以做一啲野可以幫到佢哋🥰

未來嘅日子，我哋嘅團隊會更加努力，為創建認知障礙症友善社區加油💪希望大家都可以加入我哋😊共創共融社會💕

by Elizabeth 伊麗莎白😊

#認知障礙症
#共創共融社會

#東華三院
#燃點夢想青年創業計劃