15/06/2026
#聽故樂趣多【你唔知道嘅星街📖｜由墳場到Cafe Street嘅華麗變身！】
而家嘅灣仔星街小區（星街、月街及日街），係文青至愛嘅打卡熱點☕✨
呢條充滿咖啡香同設計小店嘅街道，除咗係香港首座發電廠——香港電燈「灣仔發電廠」嘅所在地並以《三字經》中「三光者，日月星」來命名外。其實更內藏豐富而特別嘅歷史，仲有相當精彩嘅都市傳說添🤔！而都市傳說嘅有趣之處，就係除咗口耳相傳、虛實交織外，往往係建基於歷史發展而成。所以認識都市傳說，某程度上都可以對香港歷史文化多一層認識！
📜 星街前世：香港第一個公眾墳場
根據香港早期文獻記載，開埠初期嘅星街一帶，其實係香港第一個公眾墳場😮 當年好多外國人因為唔適應香港嘅氣候而染病離世，呢度就成為佢哋長眠之地🕊️雖然政府係1880年代將墳墓全數遷往跑馬地，但自此街坊之間一直流傳——夜晚行過星街，會聽到奇怪嘅聲音…👂
🪦 「同治三年」古老墓碑出土
直到近年，有人喺星街附近山坡發現刻有「同治三年」嘅古老墓碑（距今約160年歷史！）💀雖然文字已經被歲月洗禮到模糊難辨，但呢個發現為星街嘅歷史添上幾分真實感，亦令人對街區嘅過去更加好奇👀
🏚️ 星街盡頭嘅神秘防空洞
講到最神秘，仲有星街盡頭嘅防空洞入口，二戰期間灣仔曾遭受猛烈轟炸💥，後來街坊為祈求守護同平安，就集資喺防空洞外建起一座土地廟🏮時至今日依然屹立不倒。
🌿 星街今生：文青熱點華麗變身
土地廟依然靜靜守望依家嘅星街🙏，但周邊早已搖身一變——變成充滿咖啡香☕、設計小店🛍️同生活氣息嘅街區！
由歷史遺跡、都市傳說起源到潮流聚腳點，星街見證咗灣仔社區過百年嘅時光流轉⏳✨正正反映咗香港社區嘅適應力同活力💪每個社區都有佢獨特嘅故事✨，了解過去，先可以更好地欣賞今日嘅美好💚。
嚟M7之餘不妨都喺灣仔周圍行下，可能你都會發掘到「另類」嘅有趣都市傳說！
→ 即 Like/Follow「M7 茂蘿街7號」，緊貼追蹤我哋 #期間限定 嘅精彩活動啦！
=====
#茂蘿街7號 | 築動文化 連繫生活 Culture Meets Community
了解更多 : https://mallory.ura-vb.org.hk/
=====
#市區重建局 #市建局 #灣仔 #文化探索 #鄰里連結 #新舊互動 #生活體驗 #灣仔好去處 #香港 #香港建築 #歷史
