Ambasada e Republikës së Shqipërisë në Greqi

14/06/2026

12/06/2026

🇦🇱🇱🇧 Ambasadorja e Republikës së Shqipërisë në Athinë, znj. Luela Hajdaraga, priti në një takim Ambasadorin e Republikës së Libanit në Greqi, z. Kenj El Hajal.
Gjatë takimit u vlerësuan marrëdhëniet miqësore mes Shqipërisë dhe Libanit dhe u shpreh gatishmëria për forcimin e mëtejshëm të bashkëpunimit në fusha me interes të përbashkët.
Ministria për Evropën dhe Punët e Jashtme - Republika e Shqipërisë

12/06/2026

12/06/2026

11/06/2026

Në kuadër të vizitës së Kryetarit të Kuvendit të Shqipërisë, z. Niko Peleshi, Ambasada e Republikës së Shqipërisë në Greqi organizoi një mbrëmje të veçantë, që mblodhi së bashku ambasadorë dhe përfaqësues të trupit diplomatik, parlamentarë, sipërmarrës, si dhe personalitete të jetës politike, akademike, kulturore dhe shoqërore greke e shqiptare.

Një takim që krijoi hapësirë për dialog, shkëmbim mendimesh dhe forcimin e lidhjeve që bashkojnë komunitetet dhe institucionet e dy vendeve tona, duke vlerësuar njëkohësisht kontributin e çmuar të komunitetit shqiptar në Greqi si një urë e rëndësishme bashkëpunimi, mirëkuptimi dhe afrimi mes popujve tanë.

🇦🇱🇬🇷 Marrëdhëniet mes kombeve ndërtohen nga njerëzit që zgjedhin dialogun.

📸 Photo credits: Genti Malo - GM Photography

Ministria për Evropën dhe Punët e Jashtme - Republika e Shqipërisë

11/06/2026

🇦🇱🇬🇷 Gjatë vizitës dyditore në Athinë, Kryetari i Kuvendit të Shqipërisë, z. Niko Peleshi, i shoqëruar nga një delegacion parlamentar, zhvilloi një sërë takimesh në Parlamentin e Greqisë, në funksion të forcimit të mëtejshëm të dialogut politik dhe bashkëpunimit ndërparlamentar.

Në takimin me Kryetarin e Parlamentit të Greqisë, z. Nikitas Kaklamanis, u vlerësua klima pozitive dhe konstruktive e marrëdhënieve dypalëshe, si dhe roli i komunitetit shqiptar në Greqi dhe i minoritetit grek në Shqipëri si ura të rëndësishme që forcojnë lidhjet mes dy vendeve.

🤝 Mbështetja e Greqisë për rrugëtimin europian të Shqipërisë u konfirmua si një prioritet i përbashkët dhe një shtyllë e rëndësishme e marrëdhënieve dypalëshe.

Delegacioni shqiptar zhvilloi takime me drejtues dhe anëtarë të Komisionit për Çështjet Europiane, Komisionit për Mbrojtjen Kombëtare dhe Çështjet e Jashtme, si dhe me Grupin Parlamentar të Miqësisë Greqi-Shqipëri, ku u diskutua mbi forcimin e bashkëpunimit ndërparlamentar, thellimin e dialogut politik dhe avancimin e agjendës së integrimit europian të Shqipërisë dhe Ballkanit Perëndimor.

✔️ Vizita riafirmoi vullnetin e përbashkët për të çuar përpara partneritetin strategjik mes Shqipërisë dhe Greqisë, të bazuar në fqinjësinë e mirë, respektin reciprok, aleancën në NATO dhe perspektivën europiane.

📸 Photo credits: Genti Malo - GM Photography

Ministria për Evropën dhe Punët e Jashtme - Republika e Shqipërisë