ზუგდიდის მუნიციპალიტეტის მერია / City Hall of Zugdidi Municipality

02/06/2026

ზუგდიდის მუნიციპალიტეტის მერის მოადგილეები, მიხეილ ჯავახიშვილის, წაღვერისა და პეტრე ჩაიკოვსკის ქუჩებზე საავტომობილო გზების რეაბილიტაციის პირველი ეტაპის სამუშაოებს გაეცნენ. აღნიშნულ ქუჩებზე გზასთან ერთად სანიაღვრე არხები და ეზოებში მისასვლელებიც მოეწყობა.

აღნიშნული გზები ახალ საავტომობილო ხიდს დაუკავშირდება, რომელიც მიხეილ ჯავახიშვილისა და წაღვერის ქუჩებს ერთმანეთთან აკავშირებს.

აღსანიშნავია, რომ ზუგდიდში, ქალაქის ტერიტორიაზე, მდინარე ჩხოუშზე ახალი ხიდი ბოლო 40 წლის განმავლობაში არ აშენებულა.

ზუგდიდის მუნიციპალიტეტის მერიამ ტენდერი უკვე გამოაცხადა მიხეილ ჯავახიშვილის, წაღვერისა და პეტრე ჩაიკოვსკის ქუჩებზე საავტომობილო გზების სარეაბილიტაციო სამუშაოების მეორე ეტაპის შესყიდვაზე.

შესყიდვის სავარაუდო ღირებულება მილიონ ლარზე მეტია.

02/06/2026

დღეს, ბათუმში ახალგაზრდული ოლიმპიური ფესტივალი გრანდიოზულად გაიხსნება.

ახალგაზრდული ოლიმპიური ფესტივალის მონაწილე ზუგდიდელ სპორტსმენებს, ზუგდიდის მერის მოადგილეებმა მერიაში უმასპინძლეს და ფესტივალზე წარმატებები უსურვეს.

ზუგდიდს ოლიმპიურ ფესტივალზე 40 სპორტსმენი სპორტის 13 სახეობაში წარადგენს.

საქართველოს ახალგაზრდული ოლიმპიური ფესტივალი, საქართველოს ეროვნული ოლიმპიური კომიტეტის ინიციატივითა და საქართველოს მთავრობის მხარდაჭერით სპორტის 17 სახეობაში ტარდება და მასში საქართველოს ყველა რეგიონი იღებს მონაწილეობას.

პროექტი მიზნად ისახავს სპორტის მასობრიობის ზრდას, ნიჭიერი ახალგაზრდების გამოვლენას, რეგიონების აქტიურ ჩართულობას, მომავალი ოლიმპიელების აღმოჩენას, სპორტის, ოლიმპიური მოძრაობისა და ჯანსაღი ცხოვრების წესის პოპულარიზაციას.

01/06/2026

ბავშვთა დაცვის საერთაშორისო დღესთან დაკავშირებით, ზუგდიდის ბოტანიკური ბაღისა და მოსწავლე-ახალგაზრდობის სასახლის ორგანიზებით, პატარებისთვის შემეცნებით-გასართობი ღონისძიებები გაიმართა.

ბოტანიკურ ბაღში მოწყობილი იყო საგამოფენო სივრცეები, გაიმართა მოსწავლე-ახალგაზრდობის სასახლის ბენდისა და სახელოვნებო სკოლების გაერთიანების გუნდის კონცერტი, წარმოდგენილი იყო ტექნო-პარკის ინოვაციური პროექტები, ბიბლიოთეკების მართვის ცენტრის ზუგდიდის ამერიკული კუთხის STEM აქტივობები, აზოტისა და ქიმიური შოუები, ზუგდიდის მუნიციპალიტეტის სპორტის ცენტრის აქტივობები, ილუზიონისტების შოუ-პროგრამა.

ღონისძიებების მიმდინარეობას ზუგდიდის მუნიციპალიტეტის მერის პირველი მოადგილე ნუგზარ გაბელია შეუერთდა და პატარებს ბავშვთა დაცვის საერთაშორისო დღე მიულოცა.

01/06/2026

ბავშვთა დაცვის საერთაშორისო დღესთან დაკავშირებით, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მხარდაჭერითა და სამედიცინო ცენტრი „აფხაზეთი“-ს ინიციატივით, ზუგდიდში, აფხაზეთიდან დევნილი ბავშვებისთვის უფასო სამედიცინო კონსულტაციები გაიმართა.

კლინიკაში აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე იმყოფებოდა, რომელიც აფხაზეთის ჯანმრთელობისა და სოციალური დაცვის მინისტრ ბესიკ კუსიდისთან, სამეგრელო-ზემო სვანეთის სახელმწიფო რწმუნებულის პირველ მოადგილე ნინო ვიბლიანთან, ზუგდიდის მუნიციპალიტეტის მერის მოადგილეებთან და სამედიცინო ცენტრ „აფხაზეთის“ გენერალურ დირექტორ ნათია ფარცვანიასთან ერთად პროცესის მიმდინარეობას ადგილზე გაეცნო და დევნილ მოზარდებს სიმბოლური საჩუქრები გადასცა.

სამედიცინო აქციაში ქვეყნის წამყვანი ექიმები ალერგოლოგი ბიძინა კულუმბეგოვი, პედიატრი და ბავშვთა პულმონოლოგი ივანე ჩხაიძე, პედიატრი თემურ მიქელაძე, ენდოკრინოლოგი ირაკლი ფაღავა, ნევროლოგი გვანცა არველაძე, პედიატრი ჯაბა ყიფიანი, ნევროლოგი ნინო დიხამინჯია, ორთოპედ- ტრავმატოლოგი მერაბ ვარძუკაშვილი, უროლოგი პაატა გიორგაძე, ოტორინოლარინგოლოგი ვაჟა ქათამაძე, გასტროენტეროლოგი დავით მახათაძე, ოფთალმოლოგი ქეთი ოქრუაშვილი და ყბა-სახის ქირურგი ნათია ცერცვაძე მონაწილეობდნენ, რომლებმაც აფხაზეთიდან დევნილ ბავშვებს უფასო კონსულტაციები გაუწიეს.

01/06/2026

29/05/2026

ახალგაზრდა ზუგდიდელი სპორტსმენები ზურიკო დარასელია და გურიკა ტორუა სთრონგმენში ევროპის ჩემპიონები გახდნენ.

ევროპის ჩემპიონებს მიღწეული წარმატება ზუგდიდის მერმა დავით კოდუამ მიულოცა.

ზუგდიდის მერის განმარტებით, ჯანსაღი ცხოვრების წესის პოპულარიზება მერიის ერთ-ერთი პრიორიტეტია.

შეხვედრას სპორტსმენების მწვრთნელი ამირ სურმავა და ზუგდიდის მუნიციპალიტეტის მერიის ა(ა)ი.პ ,, სპორტულ დაწესებულებათა მართვის ცენტრის” დირექტორი გოჩა ჩიქოვანი ესწრებოდნენ.