ქალთა ოთახი - ზუგდიდის მუნიციპალიტეტი/Women's Room Zugdidi Municipality

24/04/2026

ზუგდიდის მუნიციპალიტეტის მერია, ფილტვის კიბოს სკრინინგის მუნიციპალურ პროგრამას იწყებს.

ფილტვის კიბოს სკრინინგის პროგრამა რუხის რესპუბლიკურ საავადმყოფოში მერიის დაფინანსებით განხორციელდება.

კვლევა ხორციელდება დაბალდოზიანი კომპიუტერული ტომოგრაფიის (LDCT) მეთოდით, რაც წარმოადგენს თანამედროვე მედიცინის „ოქროს სტანდარტს“ დაავადების ადრეულ ეტაპზე გამოსავლენად.

პროგრამის მიზანია ფილტვის ავთვისებიანი სიმსივნეების პრევენცია, დროული დიაგნოსტიკა და სიცოცხლისათვის საშიში გართულებების რისკის მინიმიზაცია.

სამიზნე ჯგუფი და კრიტერიუმები:
პროგრამით სარგებლობა შეუძლიათ ზუგდიდის მუნიციპალიტეტში რეგისტრირებულ ადგილობრივ და იძულებით გადაადგილებულ პირებს, 50-დან 70 წლის ჩათვლით, რომლებიც განეკუთვნებიან მაღალი რისკის ჯგუფს:

აქტიური მწეველები ან პირები, რომლებმაც მოწევას თავი დაანებეს ბოლო 15 წლის განმავლობაში;

პირები დატვირთული გენეტიკური ანამნეზით (ფილტვის სიმსივნე ოჯახის წევრებში);

ფილტვის ქრონიკული დაავადებების (მაგ: ფქოდი) მქონე პაციენტები;

პირები, რომელთა პროფესიული საქმიანობა დაკავშირებულია რესპირატორული სისტემისთვის მავნე გარემო-ფაქტორებთან.

პროგრამა 25 აპრილიდან ამოქმედდება.

11/04/2026

02/04/2026

✨ დღეს ზუგდიდის მუნიციპალიტეტის “ქალთა ოთახის” კლუბის წევრებისთვის განსაკუთრებული და შთამაგონებელი დღე იყო

🌟 კერამიკის ლაბორატორიამ ჩაატარა თიხაზე მუშაობის მასტერკლასი, სადაც მონაწილეებმა საკუთარი ხელით შექმნეს უნიკალური ნამუშევრები და გაეცნენ კერამიკის ხელოვნების საინტერესო პროცესს

💫 ეს დღე კიდევ ერთხელ გვახსენებს, რამდენად მნიშვნელოვანია შემოქმედებითი სივრცეები ქალებისთვის - ახალი უნარების შესწავლა, ერთმანეთის მხარდაჭერა და იდეების გაცვლა

🌼 გულითადი მადლობა მასტერებს: Nana Makatsaria და ნინო ჯიქიას

#ქალთაოთახი #ზუგდიდი #კერამიკა #შემოქმედება

11/03/2026

🌐 დღეს “ქალთა ოთახის” სივრცეს მიგრაციის საერთაშორისო ორგანიზაცია IOM Georgia ეწვია.

ℹ️ საინფორმაციო შეხვედრა მოიცავდა შემდეგ თემებს: უვიზო მიმოსვლის რეჟიმი; მიგრაციის საკითხები; მუშაობის, სწავლისა თუ ტურისტული მიზნით მოგზაურობის საკითხები.

✔️ შეხვედრას უძღვებოდა მიგრაციის საერთაშორისო ორგანიზაციის - IOM სამეგრელო-ზემო სვანეთის კოორდინატორი - ნანა წულაია.

25/02/2026

🔔 როგორ ვაქციოთ საერთო მიზნები ეფექტურ ადგილობრივ პრაქტიკად?

👥 თუ ხართ მუნიციპალიტეტის მერიის ან საკრებულოს თანამშრომელი და გაინტერესებთ როგორ მუშაობს ქალისა და მამაკაცის თანასწორობის პოლიტიკის დანერგვის მექანიზმები მუნიციპალურ დონეზე — არ გამოტოვოთ ა.თ.ე.ა.-ს მორიგი საკონსულტაციო შეხვედრა, რომელიც საუკეთესო პრაქტიკის პროგრამის გაზიარების ფარგლებში იმართება.

🏆 ამჯერად წარმოგიდგენთ ზუგდიდის მუნიციპალიტეტის გამოცდილებას ქალისა და მამაკაცის თანასწორობის პოლიტიკის ლოკალიზაციის მიმართულებით. პროექტმა ა.თ.ე.ა-ს 2021 წლის საუკეთესო პრაქტიკის კონკურსში მოიპოვა გამარჯვება და დღემდე წარმოადგენს სტაბილურ სამუშაო მოდელს, რომელიც წარმატებით უზრუნველყოფს პოლიტიკის განხორციელებას ადგილობრივ დონეზე.

🌟 გაიზიარეთ წარმატებული პრაქტიკა!

🗓️ ჩაინიშნეთ თარიღი: 26 თებერვალი, 11:00 საათი.

👤 შეხვედრას წარუძღვებიან:

👨‍💼 გოგი რევია — ზუგდიდის მუნიციპალიტეტის მერიის სოციალური და ჯანდაცვის სამსახურის სოციალური დაცვის, ქალისა და მამაკაცის თანასწორობის განყოფილების უფროსი;

👩‍💼 თამარ ჩიქავა — სოციალური დაცვის, ქალისა და მამაკაცის თანასწორობის განყოფილების უფროსი სპეციალისტი.

📝 გაიარეთ მარტივი რეგისტრაცია: https://forms.gle/FyJTwapL1cprt5p27

💻 ონლაინ შეხვედრა ჩატარდება პლატფორმის ,,ZOOM” მეშვეობით. შეხვედრის შესახებ დეტალური ინფორმაცია გეცნობებათ იმ ელექტრონულ ფოსტაზე, რომელსაც მიუთითებთ რეგისტრაციის დროს.

🔷 ა.თ.ე.ა გისურვებთ წარმატებას!

10/02/2026

🌟 მიმდინარე წელს ზუგდიდის მუნიციპალიტეტის მერია პირველი და მეორე შვილის შეძენის შემთხვევაში სოციალურად დაუცველ ოჯახებს (სარეიტინგო ქულა 65 001-ზე ნაკლები) ბავშვის მოვლისა და ჰიგიენის საშუალებებისთვის ერთჯერად ვაუჩერულ დახმარებას (500 ლარის ოდენობით) გაუწევს.

📂 მერიაში წარსადგენი დოკუმენტები:
📝 განცხადება;
🆔 მშობლის (დედა ან მამა) პირადობის მოწმობის ასლი;
📄 ამონაწერი სოციალურად დაუცველთა ერთიანი ბაზიდან;
👶 ბავშვების დაბადების მოწმობის ასლები;
📇 არასრულწლოვანის პირადობის ასლი ან რეგისტრაციის ბარათი.

ზუგდიდის მუნიციპალიტეტის მერიის ცხელი ხაზი:
(+995) 591 544 044

10/02/2026

მიმდინარე წელს პირველი-მეორე შვილის შეძენისას სოციალურად დაუცველი ოჯახები( სარეიტინგო ქულა 65 001-ზე ნაკლები ) ბავშვის მოვლისა და ჰიგიენის საშუალებებისთვის ერთჯერად ვაუჩერულ დახმარებას 500 ლარს მიიღებენ.

დახმარების მისაღებად მშობელმა მერიაში უწდა წარმოადგინოს:
განცხადება;

მშობლის (დედის ან მამის) პირადობის მოწმობის ასლი;

ამონაწერი სოციალურად დაუცველი ოჯახების მოწაცემთა ერთიანი ბაზიდან;

ბავშვების დაბადების მოწმობის ასლები;

არასრულწლოვანის პირადობის მოწმობის ასლი ან რეგისტრაციის ბარათი;

02/02/2026

ზუგდიდის მუნიციპალიტეტის ადმინისტრაციულ ერთეულებში, ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, დასახლების საერთო კრებები და კონსულტაციები იწყება.

თითოეული სოფელი ინფრასტრუქტურული პროექტის განსახორციელებლად თანხას მოსახლეობის რაოდენობის გათვალისწინებით მიიღებს.

მიმდინარე წელს, ზუგდიდის მუნიციპალიტეტს ,,სოფლის მხარდაჭერის პროგრამის“ ფარგლებში, 950 000 ლარამდე გამოეყო.

ვრცლად იხილეთ აქ: https://shorturl.at/cUN4b

22/01/2026