05/08/2026
📌 LAG წყალტუბოს აღმასრულებელმა დირექტორმა თეონა ქობულაძემ მონაწილეობა მიიღო საერთაშორისო კონფერენციაში, სადაც წარადგინა მოხსენება და პრეზენტაცია სოფლად ახალგაზრდების მიგრაციისა და ქართული საგანმანათლებლო სისტემის შესახებ.
🎯 განსაკუთრებული ყურადღება დაეთმო წყალტუბოს მაღალმთიან სოფლებში არსებულ მდგომარეობას, მათ შორის, მცირე კონტიგენტიანი სკოლების ცხოვრების საკითხს. ამასთან დაკავშირებით, თავიანთი გამოცდილება, ვიდეო ჩანაწერის სახით, ადგილობრივებმა და სფეროს პროფესიონალებმა კონფერენციის მონაწილეებს გაუზიარეს
✅ ასევე, მონაწილეები გაეცნენ LAG-ის მიერ განხორციელებულ საქმიანობას, მხარდაჭერილ პროექტებს, მათ შორის, სკოლების, საბავშვო ბაღების გაერთიანების, კულტურის ცენტრის, ინკლუზიური ცენტრისა და სხვათა ინიციატივებს. გარდა ამისა, საუბარი შეეხო სოფელ საჩხეურის საჯარო სკოლის ბიბლიოთეკის პროექტის მნიშვნელობას სოფლისათვის, რომელიც LAG წყალტუბოს მხარდაჭერით მოეწყო.
🏫 პრეზენტაციისას ხაზი გაესვა სოფლად სკოლის როგორც არაფორმალური განათლებისა და სოციალური ჰაბის იდეას, ასევე, მიგრაციის შემცირების მიზნით, ისეთი ინოვაციური მიდგომების დანერგვას როგორიცაა “ჭკვიანი სოფლის” კონცეფცია
💡 ონლაინ კონფერენცია ლატვიური არასამთავრობო ორგანიზაციის “სათემო თანამშრომლობის ქსელი -“Selonian Islands"-ის ორგანიზებით ჩატარდა და მიზნად ისახავდა ლატვიას, საქართველოსა და სომხეთს შორის გამოცდილებისა და საუკეთესო პრაქტიკების გაზიარებას
