ციფრული მმართველობის სააგენტო • Digital Governance Agency

27/04/2026

🔸 ციფრული მმართველობის სააგენტო კიბერუსაფრთხოებისა და ელექტრონული სერვისების ერთიანი პორტალის - my.gov.ge შესახებ, ცნობიერების ამაღლების მიზნით, პერიოდულ შეხვედრებს აგრძელებს.
მორიგი საინფორმაციო შეხვედრა რუსთავის ახალგაზრდობის სასახლეში გაიმართა. ახალგაზრდებმა მიიღეს ინფორმაცია:
➡️ კიბერჰიგიენისა და ონლაინ სივრცეში ქცევის წესების შესახებ;
➡️ ყველაზე გავრცელებული კიბერშეტევებისა და მათგან თავდაცვის გზებზე.
🔸 შეხვედრაზე ახალგაზრდები ასევე გაეცნენ ელექტრონული სერვისების ერთიანი პორტალის - my.gov.ge შესაძლებლობებს:
➡️ სახელმწიფო და კერძო სერვისების დისტანციურად მიღება;
➡️ რას მოიცავს და როგორ მუშაობს პორტალი.
🔸 ამჟამად, my.gov.ge-ზე ხელმისაწვდომია დაახლოებით 400-მდე სერვისი.
საინფორმაციო შეხვედრების მიზანია, ახალგაზრდებისთვის სახელმწიფო სერვისების შესახებ მათთვის მნიშვნელოვანი და პრაქტიკულად გამოსაყენებელი ინფორმაციის მიწოდება.
🔸 პროექტი სსიპ ახალგაზრდობის სააგენტოსთან ხელმოწერილი მემორანდუმის ფარგლებში ხორციელდება. ციფრული მმართველობის სააგენტო კიბერუსაფრთხოებისა და პორტალის my.gov.ge შესახებ საზოგადოებრივი ცნობიერების ასამაღლებლად ღონისძიებებსა და საინფორმაციო კამპანიებს პერმანენტულად განახორციელებს.
🔸 პირველ ეტაპზე პროექტი 12 საპილოტე მუნიციპალიტეტში განხორციელდება და მხარეთა შეთანხმების საფუძველზე მას პერიოდულად სხვა ახალგაზრდული ცენტრებიც დაემატება.

17/04/2026

✅ თქვენი პერსონალური მონაცემების შესახებ ინფორმაცია პორტალზე my.gov.ge ელექტრონულადაა ხელმისაწვდომი.
➡️ მათ შორის:
🔸 პირადობის მოწმობის ნომერი და მისი მოქმედების ვადა;
🔸 პასპორტის ნომერი და მისი მოქმედების ვადა;
🔸 შვილების პირადი ნომერი;
🔸 და სხვა პერსონალური მონაცემები;
ℹ️ პორტალზე სერვისის სახელწოდებაა - „პერსონალური მონაცემები“, ,,პიროვნების მონაწილეობა დოკუმენტებში“
🌐 სერვისის ბმული - https://my.gov.ge/ka-ge/services/42
გაითვალისწინეთ: სერვისის მისაღებად აუცილებელია იყოთ რეგისტრირებული მომხმარებელი.
❗ ნუ დაკარგავ დროს, გაიმარტივე ყოველდღიურობა!
My.gov.ge - #ახლაუფრომარტივია

15/04/2026

31/03/2026

🔸 სსიპ ციფრული მმართველობის სააგენტოს თავმჯდომარის პირველ მოადგილედ სანდრო ცირეკიძე დაინიშნა

🔸 სანდრო ცირეკიძეს ინფორმაციული ტექნოლოგიების სფეროში მოღვაწეობის 15-წლიანი გამოცდილება აქვს. წლების განმავლობაში ის წარმატებით ხელმძღვანელობდა რთული ტექნოლოგიური პროექტების მართვის პროცესებს.
ფლობს მაგისტრის ხარისხს ინფორმაციული ტექნოლოგიების ადმინისტრირებისა და მენეჯმენტის მიმართულებით.

🔸 საჯარო სექტორში გადმოსვლამდე, მას კერძო სფეროში ტექნოლოგიური და საინჟინრო გადაწყვეტილებების მიმართულებით წამყვანი მენეჯერული პოზიცია ეკავა.

30/03/2026

❗ ახალი თაობის, განახლებული დიზაინის პირადობის მოწმობის მისაღებად განაცხადის შევსება პორტალზე my.gov.ge ონლაინ არის შესაძლებელი.

✅ my.gov.ge -ის საშუალებით თქვენ ელექტრონულად შეგიძლიათ მოითხოვოთ სამოქალაქო აქტის რეგისტრაციის შემდეგი დოკუმენტები:

➡️ დაბადების განმეორებითი მოწმობა;
➡️ ქორწინების განმეორებითი მოწმობა;
➡️ განქორწინების განმეორებითი მოწმობა;
➡️ მამობის დადგენის განმეორებითი მოწმობა;
➡️ სახელის ან/და გვარის შეცვლის განმეორებითი მოწმობა;
➡️ შვილად აყვანის განმეორებითი მოწმობა;
➡️ გარდაცვალების განმეორებითი მოწმობა.

ℹ️ სახლიდან გაუსვლელად შეავსეთ ელექტრონული განცხადება, ატვირთეთ თქვენი ფოტოსურათი, დაუკავშირდით დისტანციური მომსახურების ოპერატორს და პირდაპირი ელექტრონული კომუნიკაციის რეჟიმში გამოხატეთ ნება მოწმობის მიღებასთან დაკავშირებით.

❗ ნუ დაკარგავ დროს, გაიმარტივე ყოველდღიურობა!
My.gov.ge - #ახლაუფრომარტივია

26/03/2026

🔸 ბიზნესსუბიექტებს საწარმოს მონაცემების „მეწარმეთა შესახებ“ საქართველოს კანონთან შესაბამისობაში მოყვანა დისტანციურად შეუძლიათ ვებგვერდზე - my.gov.ge
🔸 რეგისტრაციის გავლა ვრცელდება ყველა საწარმოზე/საწარმოს ფილიალზე, რომელიც 2022 წლის 1 იანვრამდეა რეგისტრირებული.
🔸 რეგისტრაცია სრულდება - 2026 წლის 1 აპრილს.

❗ ინდივიდუალურ მეწარმეებსა და არასამეწარმეო არაკომერციულ იურიდიულ პირებზე რეგისტრაციის გავლა არ ვრცელდება.

20/03/2026

✅ მეწარმეთა შესახებ საქართველოს კანონით გათვალისწინებული სარეგისტრაციო მონაცემების კანონთან შესაბამისობაში მოყვანა პორტალზე my.gov.ge ელექტრონულადაა შესაძლებელი.

❗ გაითვალისწინეთ:
➡️ პორტალზე ავტორიზაცია უნდა გაიაროთ, როგორც ფიზიკურმა პირმა და შემდეგ გადახვიდეთ კომპანიის ანგარიშზე.
➡️ იურიდიული პირის ანგარიშზე ირჩევთ კატეგორიას ,,ბიზნესი“ და შემდგომ ქვეკატეგორიას ,,სამეწარმეო რეესტრი“.

🔸 საწარმოს მონაცემების მეწარმეთა შესახებ კანონთან შესაბამისობაში მოყვანის ვადა 2026 წლის 1 აპრილს სრულდება და ის არ ვრცელდება ინდივიდუალურ მეწარმეებსა და არასამეწარმეო იურიდიულ პირებზე.

🌐 სერვისის ბმული: https://shorturl.at/u7oFa
🌐 მინდობილობის გაცემის ინსტრუქცია: https://my.gov.ge/ka-ge/help/null/37

18/03/2026

საქართველოში გლოვა გამოცხადდა.
მთავრობის განკარგულებით, ქვეყნის მასშტაბით ადმინისტრაციულ შენობებზე სახელმწიფო დროშები დაეშვება.