საქართველოს ეროვნული ბანკი • National Bank of Georgia

  • Home
  • Georgia
  • Tbilisi
  • საქართველოს ეროვნული ბანკი • National Bank of Georgia

საქართველოს ეროვნული ბანკი • National Bank of Georgia საქართველოს ეროვნული ბანკის ოფიციალური გვერდი

✔️ ეროვნული ბანკის პრეზიდენტმა ნათია თურნავამ, GCCA • საქართველოს კონკურენციისა და მომხმარებლის დაცვის სააგენტოს ორგანიზ...
15/09/2026

✔️ ეროვნული ბანკის პრეზიდენტმა ნათია თურნავამ, GCCA • საქართველოს კონკურენციისა და მომხმარებლის დაცვის სააგენტოს ორგანიზებით გამართულ, მომხმარებლის დაცვისა და აღსრულების საერთაშორისო ქსელის (ICPEN) მაღალი დონის კონფერენციაში მიიღო მონაწილეობა.

✔️ ნათია თურნავას განცხადებით, მომხმარებელთა უფლებების დაცვა სებ-ის ერთ-ერთი მნიშვნელოვანი ამოცანაა. მისივე თქმით, ფინანსურად წიგნიერი და დაცული მომხმარებელი, თავის მხრივ, საფინანსო სექტორის სიჯანსაღისა და სტაბილურობის მნიშვნელოვანი საფუძველია.

✔️ „ბოლო წლების განმავლობაში ფინანსურ სექტორში გაიზარდა როგორც მომხმარებელთა უფლებების დაცვის სტანდარტი, ისე მათი ფინანსური განათლების დონე“, - აღნიშნა ნათია თურნავამ.

🌐 ვრცლად - bit.ly/NBG-GCCA-ICPEN

✔️ ეროვნულმა ბანკმა და Georgian Financial Markets Treasuries Association - GFMTA-მ, Nasdaq-თან პარტნიორობით, „GMAP ბაზრი...
14/09/2026

✔️ ეროვნულმა ბანკმა და Georgian Financial Markets Treasuries Association - GFMTA-მ, Nasdaq-თან პარტნიორობით, „GMAP ბაზრის განვითარების ფორუმს“ უმასპინძლეს.

✔️ ფორუმის ფარგლებში, საზოგადოებას წარედგინა საქართველოს ფინანსური ბაზრების განვითარების პროგრამის (GMAP) კონცეფცია. ღონისძიების ერთ-ერთი მთავარი საკითხი ბაზრის განვითარების ინიციატივის ტექნოლოგიური კომპონენტი იყო, რომელიც Nasdaq-თან ერთად ხორციელდება.

✔️ ფორუმი ეროვნული ბანკის პრეზიდენტმა ნათია თურნავამ გახსნა, რომლის თქმით, თანამედროვე, ლიკვიდური და საერთაშორისოდ დაკავშირებული ფინანსური ბაზარი აუცილებელია ქვეყნის ეკონომიკური განვითარებისთვის.

✔️ Nasdaq-ის უფროსი ვიცე-პრეზიდენტის ბრედ უილმოტის განცხადებით კი, Nasdaq, როგორც ტექნოლოგიური პარტნიორი, ამაყობს, რომ მხარს უჭერს საქართველოს ეროვნული ბანკისა და GFMTA-ის ინიციატივას.

🌐 ვრცლად - bit.ly/NBG-GMAP-2026

🇬🇪 📚 🎊 ეროვნულმა ბანკმა ფინანსური განათლების ეროვნული ჯილდოს პირველი გამარჯვებული გამოავლინა. ეროვნული ჯილდოს მფლობელი გ...
11/09/2026

🇬🇪 📚 🎊 ეროვნულმა ბანკმა ფინანსური განათლების ეროვნული ჯილდოს პირველი გამარჯვებული გამოავლინა. ეროვნული ჯილდოს მფლობელი გახდა ამირან ხიმშიაშვილი, სსიპ შუახევის მუნიციპალიტეტის სოფელ დაბაძველის საჯარო სკოლის მოქალაქეობის მასწავლებელი.

ფინანსური განათლების ეროვნული ჯილდო ყოველწლიური კონკურსია, რომელიც გასულ წელს სებ-ის ფინანსური განათლების პლატფორმა FinEdu - ფინედუს ინიციატივითა და Basisbank - ბაზისბანკის მხარდაჭერით დაარსდა.

მისი მიზანია სკოლებში ფინანსური განათლების გაძლიერება, სწავლების ხარისხის ამაღლება ინოვაციური მიდგომების გამოყენებით და იმ მასწავლებლების გამოვლენა და აღიარება, რომლებიც მოსწავლეებსა და სასკოლო საზოგადოებაში ფინანსური განათლების პოპულარიზაციაში განსაკუთრებულ წვლილს შეიტანენ.

🔗 ვრცლად - bit.ly/ეროვნული-ჯილდო-2026

🇬🇪 🤝 🇨🇳 | ეროვნული ბანკის ვიცე-პრეზიდენტმა ნინო ჯელაძემ, ჩინეთის ცენტრალური ბანკის მიწვევით, ქალაქ სიამენში გამართულ ჩ...
11/09/2026

🇬🇪 🤝 🇨🇳 | ეროვნული ბანკის ვიცე-პრეზიდენტმა ნინო ჯელაძემ, ჩინეთის ცენტრალური ბანკის მიწვევით, ქალაქ სიამენში გამართულ ჩინეთის ინვესტიციებისა და ვაჭრობის საერთაშორისო გამოფენაში მიიღო მონაწილეობა.

ღონისძიების ფარგლებში, ასევე გაიმართა საფინანსო სექტორის გამოფენა, სადაც ჩინეთის უმსხვილესი ბანკები იყვნენ წარმოდგენილნი. აღსანიშნავია, რომ წელს პირველად, საქართველოს ეროვნულ ბანკთან ერთად გამოფენას ათი ქართული კომერციული ბანკი დაესწრო.

ნინო ჯელაძის თქმით, ყოველივე ეს ხელს შეუწყობს საქართველოსა და ჩინეთის საფინანსო სექტორებს შორის კავშირების გაღრმავებას, გამოცდილების გაზიარებასა და სამომავლო თანამშრომლობის პერსპექტივების განსაზღვრას.

🔗 ვრცლად - bit.ly/NBG-CIFIT-2026

China International Fair for Investment & Trade - CIFIT

💬 „ხარისხიანი და გამჭვირვალე ფინანსური ინფორმაცია ქმნის ნდობას. ნდობა კი აუცილებელია როგორც ინვესტორისთვის, ისე კრედიტორ...
11/09/2026

💬 „ხარისხიანი და გამჭვირვალე ფინანსური ინფორმაცია ქმნის ნდობას. ნდობა კი აუცილებელია როგორც ინვესტორისთვის, ისე კრედიტორისთვის, ფინანსური ინსტიტუტისთვის, მარეგულირებლისთვის და მთლიანად, საზოგადოებისთვის“, - ნათია თურნავა.

ეროვნული ბანკის პრეზიდენტმა ნათია თურნავამ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის 10 წლის იუბილესადმი მიძღვნილ ღონისძიებაში მიიღო მონაწილეობა.

სებ-ის პრეზიდენტმა SARAS-ის მიერ გასული ათწლეულის განმავლობაში განხორციელებულ მნიშვნელოვან რეფორმებსა და მიღწევებზე ისაუბრა. როგორც მან აღნიშნა, ფინანსური ანგარიშგების ხარისხი, გამჭვირვალობა და ანგარიშვალდებულება დღეს უკვე არა მხოლოდ ტექნიკური ან ფორმალური მოთხოვნა, არამედ ჯანსაღი ბიზნესგარემოს, ფინანსური სისტემის მდგრადობისა და ეკონომიკური განვითარების ერთ-ერთი მნიშვნელოვანი საფუძველია.

საიუბილეო ღონისძიების ფარგლებში, მრავალწლიანი თანამშრომლობისთვის დაჯილდოვდნენ ბუღალტრული აღრიცხვის, ანგარიშგებისა და აუდიტის სამსახურის თანამშრომლები და საბჭოს წევრები. მათ შორის, ჯილდო გადაეცა ეროვნული ბანკის ფინანსებისა და ბუღალტრული აღრიცხვის დეპარტამენტის ხელმძღვანელს, ანდრია მანელაშვილს.

🌐 ვრცლად - bit.ly/NBG-SARAS

🇬🇪 📊 🎊 #ეკონომისტისდღე | ეკონომისტის პროფესიულ დღეს ვულოცავ ყველა მოქმედ თუ მომავალ ეკონომისტს. მათ შორის, ეროვნული ბან...
11/09/2026

🇬🇪 📊 🎊 #ეკონომისტისდღე | ეკონომისტის პროფესიულ დღეს ვულოცავ ყველა მოქმედ თუ მომავალ ეკონომისტს. მათ შორის, ეროვნული ბანკის პროფესიონალებით დაკომპლექტებულ გუნდს, რომელთა ეფექტიანი მუშაობის შედეგად, გლობალური გამოწვევების ფონზე, დღეს ჩვენ ვამაყობთ მდგრადი საბანკო-საფინანსო სექტორითა და სავალუტო რეზერვების რეკორდული მაჩვენებლებით.

განსაკუთრებული პატივისცემით ვულოცავ პროფესიულ დღეს იმ ღვაწლმოსილ ეკონომისტებს, რომლებმაც 1999 წლიდან საფუძველი ჩაუყარეს ამ მნიშვნელოვანი დღის აღნიშვნის ტრადიციას. ასევე მათ, ვინც თავის დროზე მოამზადა ქართული ლარის შემოღების ეკონომიკური საფუძვლები და სწორედ მათი ფასდაუდებელი ძალისხმევის შედეგად, დღეს ჩვენ გვაქვს ეროვნული ვალუტა - ჩვენი ქვეყნის ეკონომიკური დამოუკიდებლობის სიმბოლო.

მინდა, ეს დღე მივულოცო აკადემიური წრეების წარმომადგენლებს, მათ შორის პროფესორ-მასწავლებლებს, ვინც ახალგაზრდა თაობის აღზრდაზე ზრუნავს, ასევე - დარგის ექსპერტებსა და მკვლევარებს, მეცნიერ-ეკონომისტებს, რომლებიც ქვეყნის ეკონომიკის განვითარების სამსახურში არიან.

მჯერა, რომ თითოეულ ჩვენგანს ერთი საერთო მიზანი გვამოძრავებს, თუ როგორ გავხადოთ ჩვენი ქვეყნის ეკონომიკა უფრო ძლიერი, ჯანსაღი და განვითარებაზე ორიენტირებული.

კიდევ ერთხელ გილოცავთ პროფესიულ დღეს!

🇬🇪 | ასტანის ფინანსური დღეების ფარგლებში, ეროვნულ ბანკსა და ასტანის ფინანსური სერვისების მარეგულირებელ ორგანოს (AFSA) ...
10/09/2026

🇬🇪 | ასტანის ფინანსური დღეების ფარგლებში, ეროვნულ ბანკსა და ასტანის ფინანსური სერვისების მარეგულირებელ ორგანოს (AFSA) შორის ფასიანი ქაღალდების ბაზარზე ორმხრივი წვდომისა და აღიარების შესახებ ურთიერთგაგების მემორანდუმი გაფორმდა.

✍ მემორანდუმს ხელი მოაწერეს სებ-ის პირველმა ვიცე-პრეზიდენტმა ეკატერინე მიქაბაძემ და AFSA-ს აღმასრულებელმა დირექტორმა ევგენია ბოგდანოვამ.

🤝 მემორანდუმის მიზანია ფინანსური მომსახურების გარკვეულ სფეროებში Astana International Financial Centre - AIFC-სა და საქართველოს ფასიანი ქაღალდების ბაზრებს შორის ორმხრივი წვდომის ხელშეწყობა.

🔗 - bit.ly/AstanaFinanceDays2026

📊 საქართველოს ეროვნული ბანკი მონეტარული პოლიტიკის კომიტეტის გადაწყვეტილებას აქვეყნებსვრცლად იხილეთ: bit.ly/მპკ-სექ-2026 ...
09/09/2026

📊 საქართველოს ეროვნული ბანკი მონეტარული პოლიტიკის კომიტეტის გადაწყვეტილებას აქვეყნებს

ვრცლად იხილეთ: bit.ly/მპკ-სექ-2026 👈

#მონეტარულიპოლიტიკა2026

💬 „საერთაშორისო რეზერვების მაღალი დონე ქვეყნის მაკროეკონომიკური სტაბილურობისა და დაცულობის გარანტია საგარეო შოკების მიმა...
08/09/2026

💬 „საერთაშორისო რეზერვების მაღალი დონე ქვეყნის მაკროეკონომიკური სტაბილურობისა და დაცულობის გარანტია საგარეო შოკების მიმართ, განსაკუთრებით მცირე, ღია ეკონომიკის შემთხვევაში“, - ამის შესახებ ეროვნული ბანკის პირველმა ვიცე-პრეზიდენტმა, ეკატერინე მიქაბაძემ განაცხადა.

აგვისტოს მდგომარეობით, საქართველოს მთლიანმა საერთაშორისო რეზერვებმა ახალ რეკორდულ ნიშნულს, $8.14 მლრდ-ს მიაღწია.

ეკატერინე მიქაბაძის თქმით, 2026 წლის პირველი შვიდი თვის განმავლობაში სებ-მა სავალუტო ბაზარზე $2.5 მილიარდზე მეტი უცხოური ვალუტა შეიძინა.

როგორც ეროვნული ბანკის პირველმა ვიცე-პრეზიდენტმა აღნიშნა, ძალიან მნიშვნელოვანია, რომ ეროვნული ბანკის გრძელვადიანი პოლიტიკა რეზერვების დაგროვებისა და სარეზერვო აქტივების ეფექტიანი მართვისკენაა მიმართული.

ასევე, მან ხაზი გაუსვა სებ-ის სტრატეგიულ გადაწყვეტილებას და საერთაშორისო რეზერვების ოქროს მიმართულებით დივერსიფიკაციას.

🔗 ვრცლად - bit.ly/რეზერვები-აგვ-2026

08/09/2026

🇬🇪 | „საქართველო საერთაშორისო კაპიტალისთვის ძალიან მიმზიდველი ქვეყანა ხდება“, - ამის შესახებ BR Capital-ის პარტნიორმა შოთა ლომთაძემ გასული წლის სამიტის შეფასებისას განაცხადა.

27-28 ოქტომბერს, საქართველოს ეროვნული ბანკი • National Bank of Georgia-ს, ეკონომიკისა და მდგრადი განვითარების სამინისტროსა და სინგაპურის გლობალური ფინანსური და ტექნოლოგიური ქსელის (GFTN) ერთობლივი ორგანიზებით, საქართველოში წელს რიგით მეორე „თბილისის ფინანსური სამიტი“ ჩატარდება.

შემოუერთდით 2-დღიან მასშტაბურ საერთაშორისო ღონისძიებას თბილისში, რომელიც თავს მოუყრის სხვადასხვა ქვეყნის ცენტრალური ბანკების პრეზიდენტებს, გამორჩეულ სპიკერებს, წამყვან ინვესტორებსა და ფინტექ ინდუსტრიის ლიდერებს მთელი მსოფლიოდან 👉 tbilisifinancesummit.gftn.co/register
---
“Georgia is becoming an increasingly attractive destination for international capital,” noted S***a Lomtadze, Partner at BR Capital, while reflecting on last year’s summit.

On October 27-28, the National Bank of Georgia, the Ministry of Economy and Sustainable Development of Georgia, and Singapore’s Global Finance & Technology Network (GFTN) are proud to host the 2nd edition of the Tbilisi Finance Summit!

Join us in Tbilisi for a landmark two-day summit bringing together a distinguished assembly of central bank governors, world-renowned keynote speakers, leading investors, and visionaries from the global fintech industry. This premier event serves as a nexus for high-level dialogue on the future of financial ecosystems. Be part of the conversation shaping global finance 👉 tbilisifinancesummit.gftn.co/register

Address

1, Zviad Gamsakhurdia Embankment
Tbilisi
0114

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+995322406406

Website

Alerts

Be the first to know and let us send you an email when საქართველოს ეროვნული ბანკი • National Bank of Georgia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to საქართველოს ეროვნული ბანკი • National Bank of Georgia:

Shortcuts

Share