თბილისის ზოოპარკი • Tbilisi Zoo

17/09/2026

🦌 არიქა! კიდევ ერთი მნიშვნელოვანი ნაბიჯი საქართველოს ბუნებაში ირმების დაბრუნების რთულ და ეკლიან გზაზე! 🌿

შარშან, თბილისის ზოოპარკის მიერ განხორციელებული რეინტროდუქციის პროექტის ფარგლებში, ალგეთის ეროვნულ პარკში კავკასიური კეთილშობილი ირმების პირველი ჯგუფი გავუშვით, წელს კი ამ დიდ ოჯახს კიდევ ექვსი წევრი შეემატა.

ირმები რამდენიმე წუთის წინ გამოფრინდნენ კონტეინერებიდან. იმედია, მალე მიაგნებენ თავიანთ პირველმოსახლე თანამოძმეებს და უდარდელად, უზრუნველად, უბრაკონიეროდ, სიამტკბილობაში გააგრძელებენ ცხოვრებას ველურ გარემოში.

უამრავი სირთულის მიუხედავად, ჯიუტად ვაგრძელებთ ჩვენს საქმეს.

ესეც შევძელით! 💪

16/09/2026

📢 ძვირფასო მეგობრებო!

🦌 კეთილშობილი ირმის რეინტროდუქციის (ბუნებაში დაბრუნების) პროექტის ფარგლებში ხვალ, 17 სექტემბერს, თბილისის ზოოპარკში დაბადებული 9 კეთილშობილი ირემი ალგეთის ეროვნულ პარკში გადაგვყავს.

ალბათ გახსოვთ, რომ პირველი ჯგუფი შარშან გადავაბარგეთ. საბედნიეროდ, შესანიშნავად შეეგუვნენ ახალ გარემოს და ახლა მორიგი ჯგუფის გამგზავრების დრო დადგა.

⚠️ გთხოვთ, გაითვალისწინოთ: მოსამზადებელი სამუშაოების გამო, დღეს, 16 სექტემბერს, 16:00 საათიდან თბილისის ახალი ზოოპარკი დაიკეტება.

ბოდიშს გიხდით შექმნილი უხერხულობისთვის.

💚 სამაგიეროდ, რა საქმე კეთდება! ✨

15/09/2026

🍽️ როგორც დივანზე გორაობა და ჩიფსების ცმაცუნი არ უხდებათ ადამიანებს, ისევე არ რგებთ ლემურებს ლანგრით მირთმეული საკვები.

🥗 ხილ-ბოსტნეულის „დაკიდებული ბაღები“ და მატრიარქატი ლემურების სამყაროში. 🍼

09/09/2026

🦏 აშშ-დან პირდაპირი რეისით ზოოპარკში – Nuki Koshkelishvili მარტორქა მანუელას სპათერაპევტის ამპლუაში 💅🏼

08/09/2026

🦒 ❗ 🦒 ძვირფასო მეგობრებო,

რამდენიმე დღის წინ სოციალურ ქსელებში გავრცელდა ვიდეო, რომელიც თბილისის ზოოპარკში ჟირაფების ჩამოყვანას იუწყებოდა.

სამწუხაროდ, საზოგადოების ნაწილმა ეს ინფორმაცია სინამდვილედ მიიღო, რასაც დიდი გაუგებრობა მოჰყვა: ახალ ზოოპარკში ჟირაფების სანახავად უამრავი მნახველი მოვიდა. შედეგად, დაზარალდნენ როგორც სტუმრები, ისე – ჩვენი თანამშრომლები, რომლებსაც გულდაწყვეტილი და უკმაყოფილო ხალხის ნაკადთან გამკლავება მოუწიათ.

🤨 პირველ რიგში, მივმართავთ ვიდეოს ავტორებს: ნახვებისა და ჩართულობის დასაგროვებლად მსგავსი სიყალბის გავრცელებას შეცდომაში შეჰყავს საზოგადოება და პრობლემებს უქმნის როგორც მოტყუებულ სტუმრებს, ისე იმ უდანაშაულო ადამიანებს, რომლებიც ადგილზე მუშაობენ.

🙏 გთხოვთ საზოგადოებას: ნუ დაიჯერებთ ყველაფერს, რასაც სოციალურ ქსელებში ნახავთ. დაიცავით „საინფორმაციო ჰიგიენა“ და გაზიარებამდე ნებისმიერი ინფორმაცია გულდასმით გადაამოწმეთ. წინააღმდეგ შემთხვევაში, უნებლიედ, თქვენც სიცრუის გავრცელების მონაწილე ხდებით.

🙌 და ბოლოს: ჟირაფები რომ ჩამოგვეყვანა, ვინმე დაგვასწრებდა ამ სიახლის აფრიალებას? ამიტომ, ყოველთვის, როცა მსგავს ინფორმაციას გადააწყდებით, პირველ რიგში, ჩვენს ოფიციალურ გვერდებს (Facebook, Instagram) გადახედეთ.

🦒 ჟირაფების ჩამოყვანას ნამდვილად არ გამოგაპარებთ, გპირდებით!

10/08/2026

🦁 ახალი ზოოპარკის ნაწილი - ,,კავკასიის ექსპოზიცია‘‘ - 9 აგვისტოდან სატესტო რეჟიმში გაიხსნა. 🐻🦌

✅ გთხოვთ, ტერიტორიაზე იმოძრაოთ მხოლოდ ვოლიერებთან მონიშნულ გზაზე და ყურადღება მიაქციოთ გამაფრთხილებელ ნიშნებს.

📌 კეთილმოწყობის სამუშაოები ჯერ კიდევ მიმდინარეობს: ტერიტორიაზე შენდება კაფე, ბავშვთა საგანმანათლებლო ცენტრი და სხვა.

✨💓 მოინახულეთ ჩვენი ბინადრები თბილისის ზღვის მიმდებარედ!

⏰ სამუშაო საათები:
✔️ ყოველდღე: 11:00 – 19:00 (სალარო იხურება 18:00 საათზე).

📍 მისამართი:
✔️ თბილისის ზოოპარკის სანაპირო #1 (თბილისის ზღვის მიმდებარედ, ივერთუბნის მომიჯნავედ).
✅ შემოსასვლელი: ხუდადოვის ქუჩის ბოლოდან.

ახალი ზოოპარკის ნაწილი – „კავკასიის ექსპოზიცია“ 9 აგვისტოდან სატესტო რეჟიმში გაიხსნა. ზოოპარკის ადმინისტრაციი....

08/08/2026

🐾 თბილისის ზოოპარკის ძვირფასო გულშემატკივრებო!

🌿 9 აგვისტოდან სატესტო რეჟიმში იხსნება ახალი ზოოპარკის ერთი ნაწილი – „კავკასიის ექსპოზიცია“.

🎀 ოფიციალურ გახსნას შემოდგომაზე ვგეგმავთ, მაგრამ დიდი ინტერესის გამო გადავწყვიტეთ, უკვე დასრულებული სივრცის მონახულების შესაძლებლობა ახლავე მოგცეთ.

💬 ძალიან გვინდა, ოფიციალურ გახსნამდე დარჩენილი დრო თქვენთან აქტიური დიალოგისთვის გამოვიყენოთ. გთხოვთ, გაგვიზიაროთ თქვენი შენიშვნები და რეკომენდაციები: რის დამატებას ისურვებდით? რას შეცვლიდით? თქვენი მოსაზრებები შეგიძლიათ გამოგვიგზავნოთ პირად შეტყობინებაში ან ელფოსტაზე: 📩 [email protected]. წინასწარ დიდი მადლობა! 💚

⚠️ გაითვალისწინეთ: ტერიტორიაზე ჯერ კიდევ მიმდინარეობს კეთილმოწყობის სამუშაოები (შენდება კაფე, ბავშვთა საგანმანათლებლო ცენტრი და ა.შ.). გთხოვთ, იმოძრაოთ მხოლოდ ვოლიერების გასწვრივ მარკირებულ გზაზე და არ გადახვიდეთ გამაფრთხილებელი ნიშნებით შემოსაზღვრულ ზონაში.

⏰ სამუშაო საათები:
✔️ ყოველდღე: 11:00 – 19:00 (სალარო იხურება 18:00 საათზე).

📍 მისამართი:
✔️ თბილისის ზოოპარკის სანაპირო #1 (თბილისის ზღვის მიმდებარედ, ივერთუბნის მომიჯნავედ).
✅ შემოსასვლელი: ხუდადოვის ქუჩის ბოლოდან.

21/06/2026

💫 21 ივნისი მამების დღეა!

ეს დღე საბავშვო ბაღ „მონტესორი უნივერსში“ განსაკუთრებულად, ძალიან ხალისიანად და საინტერესოდ აღვნიშნეთ – მამებმა შვილები ზოოპარკში გაასეირნეს.

ჩვენი მხიარული თავგადასავალი კიდევ ერთი დასტურია იმისა, რომ ბავშვისთვის ყველაზე დიდი საჩუქარი ერთად გატარებული დრო, საერთო შთაბეჭდილებები და ის მოგონებებია, რომლებიც მთელი ცხოვრება გაჰყვებათ.

💕 გილოცავთ მამების დღეს!

21/06/2026

💫 21 ივნისი მამების დღეა!

ეს დღე საბავშვო ბაღ „მონტესორი უნივერსში“ განსაკუთრებულად, ძალიან ხალისიანად და საინტერესოდ აღვნიშნეთ – მამებმა შვილები ზოოპარკში გაასეირნეს.

ჩვენი მხიარული თავგადასავალი კიდევ ერთი დასტურია იმისა, რომ ბავშვისთვის ყველაზე დიდი საჩუქარი ერთად გატარებული დრო, საერთო შთაბეჭდილებები და ის მოგონებებია, რომლებიც მთელი ცხოვრება გაჰყვებათ.

💕 გილოცავთ მამების დღეს!

20/06/2026

🦁 ამასობაში ლამაზი გოგო დადგა ჩვენი მზეთუნახავი შანი 💫. ძლივს გადარჩენილი და ძლივს მოყოჩაღებული.

🌞 რა გაიზარდა, გაივსო, მზე მისგან საწუნარია ❤️

✨ Kamani