01/06/2026
დღეს, ბავშვთა დაცვის საერთაშორისო დღესთან დაკავშირებით, მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭოს, საგანმანათლებლო რესურსცენტრისა და საქართველოს სტუდენტური პარლამენტი და მთავრობის სენაკის წარმომადგენლობის ორგანიზებით, სენაკის საჯარო სკოლების მოსწავლეებმა, ბავშვთა უფლებების შესახებ ვიდეო რგოლები წარმოადგინეს, სადაც ყურადღება გაამახვილეს ისეთ საკითხებზე, როგორიცაა განათლების უფლება, უსაფრთხო გარემო, თანასწორობა, საკუთარი აზრის გამოხატვა და ძალადობისგან დაცვა.
,,ბავშვთა უფლებების შესახებ ცნობადობის ამაღლება განსაკუთრებულ მნიშვნელობას ატარებს, რადგან ინფორმირებული ბავშვები უკეთ იცნობენ საკუთარ უფლებებს, ამავდროულად, საზოგადოების ცნობიერების ზრდა ხელს უწყობს ისეთი გარემოს შექმნას, სადაც თითოეული ბავშვის ღირსება, კეთილდღეობა და განვითარება დაცული და მხარდაჭერილია. ვიდეო-რგოლების პრეზენტაციამ კიდევ ერთხელ წარმოაჩინა, რომ ახალგაზრდების ჩართულობა მნიშვნელოვან როლს ასრულებს ბავშვთა უფლებების დაცვის პოპულარიზაციაში“- აღნიშნეს საკრებულოს წევრებმა.
ღონისძიებას, სენაკის მუნიციპალიტეტის საკრებულოს თავმჯდომარე ჯუმბერ ტყებუჩავა, თავმჯდომარის პირველი მოადგილე ლევან უჩანეიშვილი, თავმჯდომარის მოადგილე მანანა გვიჩია, საკრებულოს სოციალურ საკითხთა კომისიის თავმჯდომარე ინგა ქარდავა, საგანმანათლებლო რესურსცენტრის ხელმძღვანელი ელისო შურღაია, საბჭოს წევრები და სკოლის მოსწავლეები ესწრებოდნენ.
