გურიის მხარე

04/06/2026

გურიის მხარეში სახელმწიფო რწმუნებული გიორგი ღურჯუმელიძე ადგილობრივი თვითმმართველობების ხელმძღვანელ პირებთან ერთად სურსათის ეროვნული სააგენტოს უფროსის მოადგილეს ალექსანდრე ზურაბიშვილსა და ვეტერინარული კონტროლის დეპარტამენტის წარმომადგენლებს შეხვდა.

შეხვედრაზე რეგიონში პატრონიანი ძაღლების სტერილიზაციისა და ჩიპირების პროცესის ორგანიზაციული საკითხები და პროგრამის ეფექტიანი განხორციელებისათვის აუცილებელი თანამშრომლობის მექანიზმები განიხილეს.

შეხვედრების მიზანი პროგრამის ფარგლებში დაგეგმილი ღონისძიებების შეუფერხებელი განხორციელებისა და უწყებათაშორისი თანამშრომლობის გაძლიერება იყო.

03/06/2026

ბათუმში პირველი ახალგაზრდული ოლიმპიური ფესტივალი გაიხსნა. საზეიმო ღონოსძიებას გურიის მხარეში სახელმწიფო რწმუნებული გიორგი ღურჯუმელიძე, საქართველოს სპორტის მინისტრი შალვა გოგოლაძე, აჭარის მთავრობის თავმჯდომარე ზურაბ პატარაძე, საქართველოს პარლამენტის წევრები და ადგილობრივი ხელისუფლების წარმომადგენლები დაესწრნენ.

მულტისპორტულ შეჯიბრებაში რომელიც 14-17 წლის ახალგაზრდებს შორის იმართება, გურიის რეგიონი 67 მონაწილით სპორტის 12 სახეობაშია წარმოდგენილი.

02/06/2026

გურიის მხარეში სახელმწიფო რწმუნებულმა გიორგი ღურჯუმელიძემ მუნიციპალიტეტების ხელმძღვანელ პირებთან სამუშაო თათბირი გამართა.

შეხვედრაზე მუნიციპალიტეტებში მიმდინარე და დაგეგმილი პროექტები, ინფრასტრუქტურული სამუშაოების მიმდინარეობა და ადგილობრივი მოსახლეობის საჭიროებებთან დაკავშირებული საკითხები განიხილეს.

სახელმწიფო რწმუნებულმა მერებისგან არსებული გამოწვევებისა და პრიორიტეტული მიმართულებების შესახებ ინფორმაცია მოისმინა. შეხვედრაზე ყურადღება გამახვილდა პროექტების ეფექტიან განხორციელებასა და მოსახლეობისთვის მნიშვნელოვანი საკითხების დროულ გადაწყვეტაზე.

26/05/2026

🇬🇪 26 მაისი

#ესდღეჩვენია

26/05/2026

26/05/2026

🇬🇪 გილოცავთ საქართველოს დამოუკიდებლობის დღეს!

11:00 საათიდან გელოდებით ოზურგეთის მთავარ მოედანზე, რათა ერთად აღვნიშნოთ ჩვენი ქვეყნის ყველაზე მნიშვნელოვანი თარიღი.

25/05/2026

მზადება 26 მაისისთვის 🇬🇪

24/05/2026

ლანჩხუთის მუნიციპალიტეტში სახალხო დღესასწაული ,,ჩიბათობა“ და სვიმონ კანანელის ხსნების დღე აღინიშნა, რომელსაც გურიის მხარეში სახელმწიფო რწმუნებული გიორგი ღურჯუმელიძე საქართველოს პარლამენტის წევრ იოსებ ჯორბენაძესთან და ადგილობრივი ხელისუფლების ხელმძღვანელ პირებთან ერთად დაესწრო.

ღონისძიების ფარგლებში ჩიბათის სვიმონ კანანელის სახელობის ტაძარში წირვა-ლოცვა აღევლინა, გაიმართა საფეხბურთო მატჩი და დოღი. სტუმრებისთვის მოეწყო მდინარე ფიჩორზე კატერით გასეირნება.

23/05/2026

ოზურგეთის მუნიციპალიტეტში, სოფელ ძიმითის მე-3 ქუჩაზე გზის რეაბილიტაცია დასკვნით ეტაპზეა.

სამუშაო პროცესს ადგილზე გურიის მხარეში სახელმწიფო რწმუნებული გიორგი ღურჯუმელიძე ადგილობრივი ხელისუფლების წარმომადგენლებთან ერთად გაეცნო.

​პროექტის ფარგლებში უკვე მოეწყო ახალი ხიდი, გზის მიერთებები და სანიაღვრე არხები. ამ ეტაპზე კი 2 550 მეტრი სიგრძის ასფალტის საფარის დაგება და ეზოებში შესასვლელების მოწყობა მიმდინარეობს.

გზის რეაბილიტაცია, რომელიც 2 304 960 ლარს შეადგენს, რეგიონებში განსახორციელებელი პროექტების ფონდისა და ოზურგეთის მერიის ფინანსური მხარდაჭერით ხორციელდება.

22/05/2026

2-6 ივნისს ბათუმში საქართველოს ახალგაზრდული ოლიმპიური ფესტივალი გაიმართება.

გურიის რეგიონი საქართველოს ახალგაზრდულ ოლიმპიურ ფესტივალზე წარმოდგენილი იქნება 12 სპორტის სახეობაში: ბადმინტონი, ბერძნულ-რომაული ჭიდაობა, თავისუფალი ჭიდაობა, კალათბურთი 3x3, კრივი, მაგიდის ჩოგბურთი, მინი-ფეხბურთი, მძლეოსნობა, ქართული ჭიდაობა, ქვიშის ჭიდაობა, ჩოგბურთი, ძიუდო (შერეული გუნდური).

საქართველოს ახალგაზრდულ ოლიმპიურ ფესტივალზე შეჯიბრებები გაიმართება 17 სპორტის სახეობაში, 14-17 წლის სპორტსმენებს შორის საქართველოს 12 რეგიონის ნაკრები გუნდების მონაწილეობით.

ფესტივალის გახსნის საზეიმო ცერემონია გაიმართება 2 ივნისს, ბათუმის ახალ საფეხბურთო სტადიონზე.

საქართველოს ახალგაზრდული ოლიმპიური ფესტივალი ქვეყნის მასშტაბით უპრეცედენტო მულტისპორტული პროექტია, რომელიც საქართველოს ეროვნული ოლიმპიური კომიტეტის ინიციატივითა და საქართველოს მთავრობის მხარდაჭერით ხორციელდება.