28/05/2026
🔷️ პროექტის — „კლიმატის ცვლილებით გამოწვეული კატასტროფების რისკის შემცირება საქართველოში“ — ფარგლებში გაიმართა საინფორმაციო შეხვედრები. შეხვედრები მიზნად ისახავდა ადგილობრივ დონეზე ცნობიერების ამაღლებასა და კლიმატის ცვლილებით გამოწვეული საფრთხეების მიმართ საზოგადოების მზადყოფნის გაძლიერებას.
▶️ პროექტი ხორციელდება საქართველოს მთავრობის, კლიმატის მწვანე ფონდის (GCF) და შვეიცარიის მთავრობის თანადაფინანსებით, გაეროს განვითარების პროგრამის (UNDP) მხარდაჭერით. მისი მთავარი მიზანია კლიმატის ცვლილებით გამოწვეული ბუნებრივი კატასტროფების რისკის შემცირება, ადრეული შეტყობინების სისტემების განვითარება და მრავალფაქტორიანი საფრთხეების მართვის ეფექტიანი ეროვნული სისტემის დანერგვა.
✅️ შეხვედრების ფარგლებში განხილული იყო კლიმატის ცვლილებით გამოწვეული ძირითადი გამოწვევები, პრევენციული ღონისძიებები, საგანგებო სიტუაციების დროს სწორი ქცევის მეთოდები და ადგილობრივი მოსახლეობის ჩართულობის მნიშვნელობა გარემოსდაცვით პროცესებში. პროექტის ფარგლებში საინფორმაციო და საგანმანათლებლო შეხვედრები ტარდება სამიზნე მუნიციპალიტეტებში — ხელვაჩაურში, ქობულეთში, შუახევსა და ხულოში.
▶️ მსგავსი აქტივობები ხელს უწყობს მუნიციპალიტეტებში შესაბამისი უნარ-ჩვევების განვითარებას, საზოგადოების ცნობიერების ამაღლებასა და კლიმატის ცვლილებით გამოწვეული საფრთხეებისადმი მდგრადობის გაძლიერებას.
🔹️ შეხვედრებს ესწრებოდნენ ხელვაჩაურის მუნიცილაპიტეტის მერიის ადმინისტრაციის უფროსი, მირზა ბერიძე, საკრებულოს წევრები, მერიისა და მაჭახელას დაცული ლანდშაფტის სამმართველოს თანამშრომლები.
